Lucas 9:25 - Dios Iwene

²⁵ Jau chömöledö, isabenö o̧penönö mikwawobe isabenö ja̧kwawa isakwö chökömanö kwichaduwobö. Baikwö yötawa: Bakwo̧ okobe jwiinö böjȩ jawa juna̧lo̧ woitjö̧ma, okobe jwiinö böjȩ jawa ujuna̧li̧ma ba̧kwȩlö̧jatebö ja̧kwawa ujuna̧lobö ¿pjaatenaji̧? Pjaatokobe, ¿jö̧tö? Jo̧kwajabetjö̧ isabenö mikwawobe chökömanö kwichaduwobö chömöledö, böjȩtjö debö kwi̧'yaduwijayonö isabenö ja̧kwawa kwujuna̧laduwakobetjö̧.

Lucas 9:25 Iomraidhean Croise

Mateo 13:48

Ja̧danö, maya su̧'bȩ baibenama, o̧pesobu ö'öbökwö tötjebinobe, ja̧danö o̧pesobu ö'öbönö tjöbamatinobe, ba̧i̧ otiwadönö sulabedötjö böjö tjödobö. Ja̧danö, ba̧i̧ otiwadönö wi̧lȩyu̧ okwa tjaninobe, jo̧kwaijayonö sulabedönö ikwö lotjinobe.

Mateo 13:50

ja̧danö böjö 'da̧batö tjujunajawö̧nö ökwöla nöolabe ikwö lotjakobe, jobe budekwabinö tjo'ye kikiso ja̧bö usula tjemakwakobetjö̧— jö̧ba̧lö yöawinobe Jesúsma.

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Marcos 8:36

Bakwo̧ okobe jwiinö böjȩ jawa teabi baladabi ujuna̧lonö o̧'wo̧ luwo̧ma ba̧kwȩlö̧jatebö ja̧kwawa Dioskwö jwiitjö̧ma ¿dakwö mikwawobö böjȩ jawa ujuna̧linöma? Mikwawökö.

Hechos 1:18

Jejenö do̧batö ujuninajayonö jelobekwö omukwatinobe Judasma— yöbawijetö Pedroma—. Ja̧danö, jo̧bama Jesúsnö weachina ikenama baikwö baledinobe: Sulabenö iyö loina mikwa baibanö nijima eminobe, itebo baibanö. Ikenama ju'wi möle, jobe nijinö kwebachö, mötjö nijakwö labinö meinobe. Meemi ukwa'wo 'dainobe okobe jwiinö ö'yapiyubi kȩ'achajinö.

Hechos 1:25

Ökwödönö ba̧ja̧di, diteda emö dujunakwojobö ökwö weköbi̧ otidoböma, ökwö yökawi̧ yöbawö i̧'yoböma. Judasma öpöjödö kaatibinobe ökwö weköbinama, iteda uluwo̧ ö̧jobekwö 'ya̧nö. Jo̧kwaobetjö̧ babema jelo̧nö, ökwö 'da̧batö kwujuninökwenö döwaisobö ba̧ja̧di—abebijadötö Diosnöma.

1 Corintios 9:27

Jau chömöledö, wanedö yötawa: Chiteba'o kwakwabö chöba̧ja̧dobedanö ichejekwa, jwaikwöda chösödi̧danö chiteba'o ja̧o jö̧ba̧lö. Jau chömöledö, jejenö ja̧bö chö̧jobe, ju'wedönö yötawaja̧ ikena, ötjöda waekwo̧ batibapji jö̧ba̧lö.

Hebreos 10:34

Ja̧danö, ju'wibi chömöledö. Kwömöledötjö ju'wedö, Jesúsnö ösödadönö ka̧lena ba̧kwaweju okwa tjödinobe. Ja̧danö, ka̧lena ba̧kwaweju okwa tjödiawö̧ kwo̧'wo̧duwi tjo̧bekwö kwö̧jinaduwobe, Ökwödöma jobadö tjö̧bi̧danö bakwainö ba̧dösa, jö̧ba̧lö. Isabenö, jobadö usula tjemawi̧ omukwatö kwo̧'wo̧duwi tjo̧bekwö kwö̧jinaduwobe. Ja̧danö chömöledö, ja̧ ajayinö möle, Jesúsnö kwösödinaduwobetjö̧ Jesúsnö öpöjödadötjö la'aka luwedöma kwiteaduwima tjeminobe. Jo̧kwaijayonö, ökwödöma me'dawachibökönö kwo̧'wo̧ luwo̧duwi ösöwanö kwö̧jinaduwobe, Ja̧ma wame jawa, jö̧ba̧lö. Dios ökwödönö iyi̧ma ja̧ wame jawatjö o̧penönö mikwawi̧, ba̧kwȩlö̧jatebö ji̧ jawa, jö̧ba̧lö, me'dawachibökönö kwö̧jinaduwobe. Isabenö chömöledö ökwödönö pjabatö yötawaduwakwö. Omukwataduwi ja̧ möle, ökwödö kwo̧'wo̧ luwo̧duwinö ösöwö kwö̧jinaduwama usula kwemawaduwijayonö.