Lucas 8:7 - Dios Iwene

⁷ Ja̧danö loaja̧tjö sȩa'wonö meinobe, ja̧danö sȩi̧bi pokwobetjö̧, loaja̧ ödebiyama otiwanö pokwinokobe, ja̧danö wa̧ji̧ma wa̧jinokobe.

Lucas 8:7 Iomraidhean Croise

Génesis 3:18

Ja̧danö, nijitjö sȩi̧bi sula'wobi pokwakobe kwujunemima. Ja̧danö, tebonö jo̧kwada pokwi̧ma kukwakwo̧ja— jö̧ba̧lijetö—.

Mateo 13:22

Ja̧danö, sȩa'wonö meaja̧ ödebiya badekwachi̧ma, Dios la'aka luwo̧ ö̧jakwa̧ wene a̧ja̧kwö tjösödijayonö, böjȩ jawa nöinö omukwatadönö, ja̧danö balada tjemobö isakwadönö badekwachobe. Jobadöma ja̧ jawa nöinö tjomukwatobetjö̧, otiwanöma tjöda̧peachokobe, ja̧danö tjo̧'wo̧ luwo̧ wa̧ji̧ jawama otiwanöma wa̧jokobe.

Mateo 13:7

Ja̧danö, ikwaja̧tjö sȩa'wonö meinobe, ja̧danö sȩi̧bi pokwobetjö̧, ikwaja̧ ödebiyama otiwanö pokwinokobe, ja̧danö wa̧ji̧ma wa̧jinokobe.

Marcos 4:7

Ja̧danö, ju'wi ödebiyama sȩa'wonö mebijetö, ja̧danö sȩi̧bi pokwobetjö̧. Jobema ja̧ meaja̧ ödebiyatjö pokwaja̧ma, sȩa'wo o̧tjachibijetö, wa̧jöbi wa̧jökönö.

Lucas 21:34

Tupakwö yöawinobe Jesúsma: —Wanedö yötawa: Te'ada̧lönö eda̧lö kwö̧jaduwo chömöledö, böjȩ jojodö tjösödi̧ jawama ökwödönö ömökapji jö̧ba̧lö. Jau chömöledö, nöinö pjiesta junö, ja̧danö nio ojwiyo owa̧lö, ja̧danö böjȩnö kwö̧ja̧duwi̧ omukwatö kwö̧jaduwitjö̧ma, yemidanö chichakwa̧ kwomukwataduwökena, ja̧danö chichakwa̧ te'ada̧lökönö kwö̧jaduwonö, juluwanö ja̧ möle baibena.

Lucas 8:14

Ja̧danö sȩa'wonö meaja̧ ödebiya badekwachi̧ma, Dios iwene a̧ja̧kwö tjösödijayonö, jemi tupakwö böjȩnö tjö̧ji̧ jawa nöinö tjomukwatobe, ja̧danö balada tjemobö tjisakwobe, ja̧danö böjȩ jawatjö tjo̧'wo̧ ösöwobö tjisakwobe. Jobadöma ja̧ jawa nöinö tjomukwatobetjö̧, otiwanöma tjöda̧peachokobe, ja̧danö tjo̧'wo̧ luwo̧ wa̧ji̧ jawama otiwanöma wa̧jököwö̧.

Lucas 8:6

Ja̧danö loaja̧tjö, inakoena, niji ja'yuwena meinobe. Ja̧danö jobe pokwenama, juluwanö kököachibinobe, niji yoliwokobetjö̧.

Lucas 8:8

Jo̧kwaijayonö, niji otiwenabi meinobe loaja̧ ödebiyama, ja̧danö jobe meajabema, otiwanö pokwinobe, ja̧danö otiwanö wa̧jinobe, bakwachokwena cien jenanö ödebiya wa̧jinobe— jö̧ba̧lö. Jejenö wanedö yöawinobe Jesúsma jojodönö, ja̧danö yöawenama, jojodönö jwöinobe: Yötawi̧ma okobe deinö otiwanö tja̧ja̧kwobö jo̧be, jö̧ba̧lö.