Lucas 8:5 - Dios Iwene

⁵ —Chömöledö, baikwö wanedö yötawa: Bakwo̧ batjo otido̧ma, ödebiya lobö kweachinobe, ja̧danö ödebiya loenama, loaja̧ ödebiyatjö mananö meinobe. Ja̧danö, ja̧ mananö meaja̧dema, jojodö kwebachö tjö̧jatinobe, ja̧danö pji̧yu̧ma ichibö tjukwinobe.

Lucas 8:5 Iomraidhean Croise

Génesis 15:11

Ja̧danö, bo̧lö̧nö, wobadönö tjukwotö jö̧ba̧lö ichadönöma a'dewa̧lijetö Abramma.

Mateo 13:37

Jejenö atjebökwe, Jesúsma atadinobe: —Batjo otido̧ otiwi̧sade ikwo̧nö badekwachi̧ma, ötjö jojo baibanö jeminökwenö badekwachobe.

Mateo 5:13

Tupakwö wanedö yöawinobe Jesúsma: —Chömöledö, sayu kwakwawa söinö pjaati̧danö, ökwödöma böjȩ jojodö tjö'da̧de ja̧nö pjakataduwo. Jau chömöledö, meyuwökönö kwö̧jaduwo, baikwö yötawa: Sayuma kwöwaisaduwa, sayu meyuwachibitjö̧ma, mikwawökö ji̧, ja̧danö yemidanö o̧toböma jwii̧, ¿jö̧tö? Jejenö meyuwitjö̧ma, ikwö lotjena, ja̧danö jojodö tjö̧jatena, ¿jö̧tö?

Marcos 4:15

Ja̧danö, ödebiya meinama, jojodö tjomajadedanö wanekwachobe, Dios iwene a̧ja̧kwadöma. Ja̧danö, Dios iwene a̧ja̧kwadötjö ju'wedöma Dios iwene tja̧ja̧kwena, tjomajade 'dibadöma, ödebiya mana 'diamanö meinadanö ichejekwadö. Tja̧ja̧kwena, tjomajade 'diobetjö̧ Awetjama ichibö wechebö emibo̧, pji̧yu̧ mebibö tjukwinadanö, mana 'diamanö meaja̧. Ja̧danö, Awetja ichibö wechebö emibenama jobadö a̧ja̧kwadöma ¿dakwö do̧tjatibenada Dios iwenema? Do̧batiböködö— labebö lobö yöbawijetö Jesúsma—.

Lucas 8:4

Comunidadteniatjö ba̧jekwadö jojodö Jesús yöawi̧ tja̧ja̧kwobö tjichinobe, ja̧danö ba̧jekwadö jojodö tjoko̧ko̧kwachibenama, Jesúsma jobadönö wanedö yöawinobe baikwö:

Lucas 8:6

Ja̧danö loaja̧tjö, inakoena, niji ja'yuwena meinobe. Ja̧danö jobe pokwenama, juluwanö kököachibinobe, niji yoliwokobetjö̧.

Hebreos 2:1

Isabenö chömöledö, döwaisa. Ökwödöma Dios Itji̧ yöawinatjöda da̧ja̧kwijatö Dios yöawina ökwödönöma. Jau, Dios Itji̧, jwiinö inesö jo̧, ángelesdönötjöbi o̧penönö inesö jo̧ yöawinatjöda da̧ja̧kwijatö Dios yöawinama. Ja̧danö, Dios yöawina jejenö da̧ja̧kwobetjö̧ Dios Itji̧ yöawina tjöbeba̧lö̧jönö omukwatö di̧'yobö jo̧be chömöledö. Isabenö, tjöbeba̧lö̧jönö omukwatö di̧'yobö jo̧be, Ökwödöma Dios Itji̧ otiwa jawa wene, dö̧jibinö pjabatö yöawina wene ösödadösa, jö̧ba̧lö. Chömöledö, ja̧ Dios Itji̧ yöawina dösödi̧ma do̧'wo̧ luwo̧ okwanö do̧tjati̧danö do̧batö di̧'yaduwo jö̧ta̧la. Isabenö chömöledö, Dios Itji̧ yöawina do̧'wo̧ luwo̧ okwa do̧batö di̧'yaduwo, jo̧batjö 'da̧bachibö jelobekwö omukwatö di̧'yapji jö̧ba̧lö, jo̧ba yöawina öpöjödö.