Lucas 8:44 - Dios Iwene

⁴⁴ Jobujuma Jesús ökömanö 'ya̧nö, Jesús ökamijido̧ majinobe, ja̧danö majenama, juluwanö ku̧kwinö jö'wöchi̧tjö jö̧bibajinobe.

Lucas 8:44 Iomraidhean Croise

Éxodo 15:26

yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Mateo 20:34

Atjebökwe, Jesúsma jobadönö lȩlö̧jinö edinobe, ja̧danö tjöbajale mabö, tjöbajale otiwanö baibanö pjaatinobe. Tjöbajale maenama, juluwanö otiwanö tjedinobe, ja̧danö jemi ikenama jobadöbi Jesús ökömanö tji̧'yinobe.

Mateo 8:3

Jejenö aebökwe, Jesúsma ömamu debatö jo̧banö mabö yöa̧linobe: —Jau, chösöda. Kwi̧sȩdo̧ otiwo̧ babibi— jö̧ba̧lö. Jejenö Jesús yöa̧lenama, i̧sȩdo̧ sulaja̧ma, jwiinö baibinobe.

Mateo 9:20

Ja̧danö, jo̧bakwö tji̧'yemi, bakwuju, a̧li̧nösamutjö döbalataja o̧biya baledibanö ku̧kwinö usula emawujuma, Jesús ökömanö ichibö, jo̧ba ökamijido̧ ö'öbönö majinobe,

Marcos 6:56

Ja̧danö, Jesús okobe jwiinö i̧'yobema, comunidad ja'yuwemibi, ba̧jekwadö tjuju̧kwemibi, comunidad ö'wejenö lödijadötö ö'wöchadönöma. Mananöda i̧'yobebi, jojodoma ö'wöchadönö lödijadötö. Lödajadöma Jesúsnö abebijadötö ö'wöchadönö tjichejebobö jo̧ba ökamijido̧ bajaledo̧nö matjobö. Ja̧danö, bakwo̧ Jesús ökamijido̧ bajaledo̧nö mabo̧ma ö'wöchi̧ma jwiinö baibijetö.

Lucas 13:13

Ikenama Jesúsma jobujunö mainobe, ja̧danö maenama, juluwanö jweinö a̧laibö, jo̧'wo̧ ösöwachibanö Diosnö jösödinobe, otiwanö pjaatajabe jö̧ba̧lö.

Lucas 7:38

ja̧danö Jesús oma'apekwöchobe bȩbachibö jubudekwinobe. Budekwö, jubudesobunö Jesús ömasapiya jidichinobe, ja̧danö jöwö'yenöbi 'do̧jinobe Jesús ömasapiyama, ja̧danö Jesús ömasapiya du̧batö, omewi̧ jawa Jesús ömasapiyanö tobebö dujebinobe.

Lucas 8:43

Ja̧danö, Jesúskwö 'ya̧jadötjö bakwuju a̧li̧nösamutjö döbalataja o̧biya ku̧kwinö usula emawujubi ji̧'yinobe. Jobujuma lekwe o̧biya usula jemawinobe, ja̧danö okobe jwiinö jitea balada 'dö̧jibajenanö kabatö ba̧jekwadö dötölödönö pjatjatobö jimidinobe, jo̧kwaijayonö, waekwinobe. Jwaikwöda ku̧kwi̧nö usula jemawinobe.

Lucas 8:45

Jejenö baibiökwe, Jesúsma abebö a̧ja̧kwinobe: —¿Ti ötjönöma maaja̧da?— jö̧ba̧lö. Abebö a̧ja̧kwawö̧, okobe deinö, Ötjömaökö, jö̧ba̧lö tjatadakwawinobe. Ja̧danö, Pedroma Jesúsnö yöa̧linobe: —Chuluwo̧, ba̧jekwadö isayunö bakobe kwedachobe, ja̧danö ba̧jekwadö tjösawobetjö̧ ba̧jekwadö ökwönö matjajena— jö̧ba̧lö.

Juan 5:13

Jejenö abebö tja̧ja̧kwijayonö otiwanö babibajo̧ma wajwiinobe itenö otidö lobajo̧nö, Jesúsnöma. Ja̧danö, Jesúsma otidö loaja̧ ikena, otiwanö babibajo̧ ö̧jelö labebö jojodö ba̧jekwadö tjö'da̧denö ö̧jinobe.

Hechos 19:12

Pablo jejenö otidiawö̧ jojodöma, jo̧ba u̧kwa kamijido̧bi emibö ȩwa̧jijadötö, ö'wöchadö wamenö tjöwanobö. Uunö ubutjawa̧laja̧do̧bi, wame jawa 'duawaja̧do̧bi emibö ȩwa̧jijadötö. Ȩwa̧jadö, ja̧do̧ tjöwanawö̧ ö'wöchadöma otiwanö babibijadötö. Ja̧danö, tjo̧'wo̧ luwo̧nö sulabedö ju̧kwadönö juna̧ladönö Pablo u̧kwa kamijido̧ tjöwanemi tjo̧'wo̧ luwo̧nö sulabedöma labekwibijadötö.

Hechos 5:15

Ja̧danö, Jesús webawedöma, Dios ujulu i̧sebö tjotidiawö̧ jobe ju̧kwadöma ö'wöchajadönö, wa̧kwawapjonö wa̧jadönö e'ewijadötö mana ö'öbö tjödobö. Jejenö mana ö'öbö lödö omukwatijadötö, Aaa, Pedro baikwö öbaledena, jo̧ba o̧'wo̧ jawa baledenabi bidö ö'wöchadöma otiwanö batjibakobe, jö̧ba̧lö.

Deuteronomio 22:12

Ja̧danö ju'wibi wetaduwakwö, kwö̧ka̧mijido̧ wamesa̧do̧ 'do̧'dokwetenia ö'wejemu jawa 'do̧'do̧kweteniama, isa'ye li̧nö kwotidaduwo, —jö̧ba̧lö weawa jawa yöawinobe Moisesma.