Lucas 8:40 - Dios Iwene

⁴⁰ O̧pesobu bakwachobetjö jojodö ba̧jekwadö Jesús ichibakwa̧ tjite'ada̧linobe, ja̧danö gadarenos tjitebobetjö Jesús ȩwa̧jenama, tjo̧'wo̧ ösöwanö tjedinobe, Jesúsma otiwanö ichibajabe jö̧ba̧lö.

Lucas 8:40 Iomraidhean Croise

Proverbios 8:34

Bakwo̧, ju'wi mölȩkwena ötjö yötawi̧ a̧ja̧kwobö chejube ichö, apjude ö'öbönö ja̧nö te'ada̧lo̧nöma, labebö yötawakwujusa. Jo̧bama o̧'wo̧ ösöwanö jo̧ ötjö yötawi̧ a̧ja̧kwö ösödobetjö̧.

Mateo 9:1

Jesúsma isowinö a̧jibö, o̧pesobu bakwachobube ȩwa̧jinobe, iteda itebobe.

Marcos 12:37

Jejenö wȩyudö Davidma öbabijetö Dios weakwo̧nöma, Chuluwo̧, jö̧ba̧lö. Ja̧danö, jejenö öabitjö̧ma, Chuluwo̧, jö̧ba̧lö, jo̧bama Davidtjö tupadanö jojoajayonö David uluwo̧bi jo̧. Davidma itedatjö tupadanö jojonö öabökö, Chuluwo̧, jö̧ba̧lö. Ja̧danö, Davidma Dios weakwo̧nö, Chuluwo̧, öabitjö̧ma jo̧bama Davidtjö o̧penönö la'aka luwo̧ena, David uluwo̧obetjö̧— jö̧ba̧lijetö Jesúsma, itedada yöbawö, Ötjöda David Uluwo̧sa, jö̧ba̧lö. Ja̧danö, Dios weakwo̧ma Davidtjö tupadanö jojobi, ja̧danö, David Uluwo̧bi jo̧, jö̧ba̧lö, jö̧ba̧lijetö Jesúsma. Jejenö jö̧a̧lobe jojodöma ba̧jekwadö tjo̧'wo̧ ösöwachibanö a̧ja̧kwijadötö.

Marcos 5:21

Ikenama Jesúsma öba̧ja̧di̧ waisachadökwö isowinö a̧jibajo̧ ȩwa̧jö pebibijetö o̧pesobu bakwachödöbe. Jödö lamatö Jesúsma isowitjö meibö o̧pesobu ö'öbönö ö̧jobekwö ba̧jekwadö ichö ko̧ko̧kwijadötö.

Marcos 6:20

Herodesma yebabinö edijetö Juannöma, Bite Juanma, jweinö omukwatö jo̧, otiwanö ja̧bö jo̧, jö̧ba̧lö. Jo̧kwaobetjö̧ webijökötö kwabö lotjobö. Ja̧danö Juan yöawi̧bi ösödijetö Herodesma. Jo̧kwaijayonö yöawi̧ a̧ja̧kwö ösödijayonö do̧batibijökötö, ¿tajijö?, jö̧ba̧lö.

Lucas 19:48

Jo̧kwaijayonö jojodö jwaikwöda Jesús öba̧ja̧di̧ a̧ja̧kwa̧lö tjö̧jinobe, ja̧danö jejenö a̧ja̧kwa̧lö tjö̧jobetjö̧, Jesúsnö söbebö lotjobö tjisakwi̧ma waekwinobe, Jesúsnö sulabenö ja̧ditjö̧ma wene baibena, jö̧ba̧lö yetjabobetjö̧.

Lucas 19:6

Yöa̧liökwe, Zaqueoma juluwanö yutuajinobe, ja̧danö o̧'wo̧ ösöwachibanö Jesúsnö öbibö eju okwa teatinobe.

Lucas 5:1

Ju'wi möle, Jesúsma Genesaret mikwobu o̧pesobu jalobu ö'öbönö ja̧nö jojodönö yöawinobe. Jejenö yöawonö, ju'wedö Jesús ipjeanö tjö̧jinobe, ba̧i̧ jwobö otidadöma. Jesús yöawonö, jobadö ba̧i̧ jwobö otidadöma, ba̧i̧ jwobö kabatajadö tjisowibiyatjö mebibö mayabiya dichö tjotidinobe. Ja̧danö, jobadö tjotidonö, Jesúsma Dios iwene yöawinobe, ja̧danö ba̧jekwadö jojodö ichö ko̧ko̧kwö tja̧ja̧kwinobe, Jesús yöawonö. Ja̧danö, tjöba̧jekwobetjö̧, Jesús yöawi̧ tja̧ja̧kwotö jö̧ba̧lö ichajadö jojodöma tjöjisabikwawinobe. Jejenö tjöjisabikwawiökwe, Jesúsma omukwatinobe, ja̧danö omukwatö edinobe isowibiya dowilataja öwiya, ba̧i̧ jwobadö tjisowibiyama, ja̧danö a̧jibobö omukwatinobe.

Lucas 8:39

—Ötjökwö ichökönuwi. Kwejubeda da̧ji, ja̧danö jojodönö yökawo Dios inesö otiwanö ökwönö pjaataja̧ wenema— jö̧ba̧lö. Ja̧danö jejenö weökwe, o̧'wo̧ luwo̧nö sulabedö tjö̧jajökwema comunidad bakwameachibanö yöbawö kweachinobe, Jesús jo̧banö otiwanö pjaataja̧ wenema.

Juan 5:35

Ja̧danö, Juanma la̧pa̧la̧yu̧danö ubinö idejatinobe, ötjö jawa yöbawö. Ökwödöma ajayinöma kwo̧'wo̧duwi ösöwanö kwö̧jinaduwobe, jo̧ba yöawi̧ a̧ja̧kwö— Jesús yöawinobe judío jojodö la'aka luwedönöma.

Hechos 10:33

Jejenö weitjö̧ chömöayedönö wetijatö ökwönö öbibö tji̧'yobö baikwö kwichobö. Ökwöma otiwanö kwichajabe. Babema ökwödöma okobe deinö, Dios öba a'o bena dö̧ja da̧ja̧kwobö okobe jwiinö Duluwo̧ weina ökwönöma—jö̧ba̧lijetö Cornelioma.