Lucas 8:37 - Dios Iwene

³⁷ ja̧danö yötjawiawö̧, jwiinö yetjaibinobe jojodöma. Ja̧danö, jwiinö yetjaibobetjö̧, okobe deinö gadarenos tjitebo jojodöma Jesúsnö atjebinobe, tjitebotjö laebajobö. Ja̧danö, atjebökwe, Jesúsma yemidanö isowinö a̧jibinobe, ȩwa̧jobö.

Lucas 8:37 Iomraidhean Croise

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

Mateo 8:34

Jejenö yötawawö̧, okobe deinö comunidadnö ju̧kwadöma labebö, Jesús ö̧jobekwö tjichinobe, ja̧danö jo̧banö atjebinobe, tjitebotjö laebajobö.

Marcos 5:17

Jojodöma ja̧ baledaja̧ yötjawi̧ tja̧ja̧kwajabetjö̧, Jesúsnö 'ya̧wibö webö lobijadötö tjitebotjö.

Lucas 10:16

Ja̧danö tupakwö yöawinobe Jesúsma: —Chömöledö, ökwödönö ösödadö comunidad jojodöma ötjönö ösödadö, ja̧danö öpöjödadö comunidad jojodöma, ötjönöda öpöjödadö. Jau chömöledö, ökwödönö öpöjödadö comunidad jojodöma, ötjönö öpöjödadö comunidad Corazínbi Betsaidabi Capernaúmbi jojodödanö ichejekwadö. Baikwö yötawa: Ötjöda ökwödönö wetobetjö̧, ökwödönö otiwanö a̧ja̧kwadöma ötjönöda tja̧ja̧kwobe, ja̧danö ökwödönö öpöjödadöma, ötjö ökwödönö webinanöda tjöpöjödobe, ja̧danö ötjönö öpöjödadöma, ötjönö webinanö Diosnöda tjöpöjödobe— jö̧ba̧lö yöa̧linobe Jesúsma. Jejenö yöba̧lö, Jesúsma 'da̧batö ujuninajawö̧nö setentabedönö weinobe, jo̧ba i̧'yakwa̧ abönö yöbawö kweachakwa̧tenia comunidadteniabe yöbawö kwetjachobö.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 8:28

Jo̧ba jojo o̧'wo̧ luwo̧nö sulabedö tjö̧jinobe, ja̧danö nöinö jo̧banö tjujuluwinobe, wetji̧danö ja̧o jö̧ba̧lö. Ajayinö ina comunidadnö ö̧jayima, sulabenö ja̧iawö̧, jojodö jo̧banö ka̧lena tjödinobe, 'dii̧ jawanö ömajamijunöbi ömasapiyanöbi yö̧beba̧lö tjödinobe, ja̧danö te'ada̧la̧dönö tjujuninobe, jo̧banö tjite'ada̧lobö. Jo̧kwaijayonö o̧'wo̧ luwo̧nö sulabedö tjuju̧kwobetjö̧, yö̧ekwa 'döbekwa̧lö loinobe, ja̧danö o̧'wo̧ luwo̧nö sulabedö wetjökwe, jojodö deobe i̧'yinobe. Jesúsma o̧'wo̧ luwo̧nö sulabedö ja̧dönö weinobe jojotjö latjebajobe, ja̧danö weawö̧, Jesús öba a'otjö meinobe jojoma, ja̧danö labinö yöa̧linobe Jesúsnö: —Ökwö Inesö La'aka Luwo̧ Dios i̧tji̧ma, ¿tajawedö dö̧jobekwö kwichobeda? Ökwönö adeba, ökwödönö lȩkebapji jö̧ba̧lö— jö̧ba̧lö.

Lucas 8:36

Jesús jojonö otidö loaja̧ edajadöma jojodönö yötjawinobe, Jesús jojo o̧'wo̧ luwo̧nö sulabedö tjö̧jajökwenö otidö loaja̧ tjedaja̧ma,

Lucas 8:38

Ju'wedö Jesúsnö yetjaibijayonö, o̧'wo̧ luwo̧nö sulabedö tjö̧jajökwema Jesúskwö i̧'yobö ösödinobe, ja̧danö Jesúsnö aeba̧linobe, Jesúskwö i̧'yobö. Jo̧kwaijayonö aebökwe, Jesúsma atadinobe,

Lucas 9:5

Ja̧danö comunidad jojodö ökwödönö tjöpöjöditjö̧ma, ja̧ tjöpöjödi̧ i̧sebö nijiso̧pja̧ kwömasapatjö kwupjusawaduwo, jelö labeböma, isabenö bemi jojodönö pjadatobö jö̧da̧lijayonö, sulabenö öpöjödadö jö̧ba̧lö—.

Lucas 9:56

Ja̧danö, ja̧ comunidad jojodö jobadönö tjöpöjödobetjö̧, tupakwö ju'wi comunidadbe tji̧'yinobe, jobetjö yö̧te tjabekwobö.

Hechos 16:39

Jo̧kwaiawö̧ ka̧lena ba̧kwawejube 'yi̧jadötö. Ichö abebijadötö Pablonö, Silasnö: —Ökwödöma sulabenö wedajabe. Ökwödönö adeba sulabenö ja̧tjobö wedinama kwo̧'wo̧ söbaduwi— jö̧ba̧lijadötö. Ikenama jobadöma Pablonö, Silasnö ka̧lena ba̧kwaweju okwatjö labebajadö, Tjo̧wi̧ belöma Filipostjö te'ada̧lökönö da̧ja̧duwi, jö̧ba̧lö, webijadötö.

Deuteronomio 5:25

Jo̧kwaijayonö, yedabobe, Bemi tupakwö ina jo̧ba iwene ökwöi̧ da̧ja̧kwitjö̧ma, debö di̧'yena, bola inesö Dios ö̧jemi i̧sȩkwola ökwölatjö debö di̧'yena, jö̧ba̧lö yedabobe.

1 Samuel 6:20

Ikenama Betsemesnö ju̧kwadöma yebabinö yötja̧linobe, —Isabenö bakwo̧bi deobe, Isabenö Jo̧ , bite suli̧ jwibo̧ Dios öba a'o jo̧ma. Dai wedakwa̧da jo̧ba iteapjo isapjoma, ökwödö ditebonö jo̧bö jwiobe jö̧ba̧lö.