Lucas 8:34 - Dios Iwene

³⁴ Jejenö balediawö̧, ku̧si̧dönö te'ada̧ladöma dötjibajinobe, ja̧danö comunidadnö ju̧kwadönöbi, comunidad ö'öbö niji ju̧kwadönöbi yötjawinobe baledaja̧ma.

Lucas 8:34 Iomraidhean Croise

Mateo 28:11

Jobadö ya̧dö Jesús öba̧ja̧di̧ waisachadönö yötjawobö labebö tji̧'yonö, Jesúsnö tjödinȩdo̧ te'ada̧ladö guardia jojodötjö ju'wedöma comunidadbe 'ya̧nö, Diostjö jojodötjö ö'weje pjabatadö la'aka tjuluwedönö yötjawinobe okobe jwiinö baledaja̧ma.

Mateo 8:33

Jejenö baibiawö̧, ku̧si̧dönö te'ada̧ladöma jobetjö dötjibajinobe, jobetjö yöne comunidadbe, ja̧danö okobe deinö jojodönö yötjawinobe tjo̧'wo̧ luwo̧nö sulabedönö juna̧lajadönö baledaja̧ma.

Marcos 5:14

Ikenama ku̧si̧dönö te'ada̧lakwawa jojodöma, ja̧ baledobe edajadö juluwanö 'yi̧jadötö comunidadbebi ju'wi o̧diju jobebi jojodönö yöbawö. Jobadö yötjawi̧ a̧ja̧kwö jojodöma, ¡Dedajo! jö̧ba̧lö, Jesús ö̧jobekwö 'yi̧jadötö.

Lucas 8:33

ja̧danö jojotjö labebajö ku̧si̧dönö tebachibö tjöjamatinobe tjo̧'wo̧ luwo̧nö sulabedö ja̧döma. Ja̧danö jejenö tetjachibawö̧, okobe deinö ku̧si̧döma mö'ösa'otjö ya̧likwaobe yutubakwaibö labinö ö'öbakwawö södöbakwaibö o̧tjawinobe o̧pesobunö.

Lucas 8:35

Yötjawiawö̧, edö tjichinobe jojodöma, ja̧danö Jesús ö̧jobe ichibö tjedinobe ajayinö o̧'wo̧ luwo̧nö sulabedö tjö̧jajökwenö. Ajayinö o̧'wo̧ luwo̧nö sulabedö tjö̧jajökwe o̧'wo̧ jwibö, kamijido̧ jwibö ö̧jinajayonö, o̧'wo̧ luwo̧nö sulabedö debo̧, otiwanö omukwato̧nö tjedinobe, ja̧danö kamijido̧ 'dubawo̧, Jesús öba a'o bo̧nö tjedinobe. Jejenö edö, jojodö yetjaibinobe, bite Jesúsma tijö jö̧ba̧lö.