Lucas 8:16 - Dios Iwene

¹⁶ Ju'wibi Jesúsma wanedö yöawinobe: —Chömöledö, bakwo̧ dejewa'yu̧ önötedenama, ¿wi̧lȩyu teebe ujunenaji̧? ¿Kamapjo teebe ujunenaji̧? Ja̧maökö chömöledö. Mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?

Lucas 8:16 Iomraidhean Croise

Lucas 11:33

Tupakwö wanedö yöawinobe Jesúsma jojodönö: —Chömöledö, bakwo̧ dejewa'yu̧ önötedenama, nötedajo̧ ¿dejewa'yu̧ tojö ujunenaji̧? ¿Wi̧lȩyu̧ teebe ujunenaji̧? Ja̧maökö chömöledö, mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?

Lucas 8:15

Ja̧danö niji otiwena meaja̧ ödebiya badekwachi̧ma, otiwanö a̧ja̧kwö, tjomajadenö 'diinö do̧ba̧ladönö badekwachobe. Jobadöma sule omöna yöba̧lödama chösöda jö̧ba̧lö yöba̧löködö, tjomajadenö otiwanö omukwatö isabenö ösödadö, ja̧danö wene baledijayonö, tjo̧'wo̧ 'dibachibö ja̧nö tjo̧'wo̧ luwo̧ wa̧ji̧ jawa otiwanö tjöwa̧jobe— jö̧ba̧lö. Jejenö yöbawö Jesúsma iteda öba̧ja̧di̧ waisachadönö labebö lobö yöawinobe jojodönö wanedö yöawaja̧ma.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

Apocalipsis 1:20

Ja̧danö, biya̧ babeda wajwiköbi̧ kwedi̧ma labebö lotakwö, kwöwaisachibanö: Bidö si̧li̧'i̧dönö jelemutjö du̧ju̧tajanö chömamunö do̧ta̧lawö̧ma, jelemutjö du̧ju̧tajanö Dios ömöledö babibinadötjö la'aka luwedönö wanekwachobe, jelemutjö dötölatajanö tjuju̧kwitenia ju̧kwadönö. Ja̧danö, biya̧ jelemutjö do'do̧latajanö la̧pa̧la̧yu̧bi̧ya junawa o'di̧juma wanekwachobe ötjönö ösödadönö, jelemutjö dötölatajanö ko̧ko̧kwa̧lö ba̧nö tjuju̧kwitenia ju̧kwadönö— chedökwema jejenö yöawijatö ötjönöma.

Apocalipsis 11:4

Jobadöma, Dios yöawi̧ yöbawadöma, Duluwo̧ Dios öba a'o tjö̧jobe, böjȩ okobe jwiinö La'aka Luwo̧ Diosma. Ja̧danö, jobadöma, Olivo towibiya dowilataja owibiya, jö̧ba̧lö, ötjabiwö̧. Ja̧danö, La̧pa̧la̧yu̧ junawa o'di̧ju do'do̧lataja, jö̧ba̧lö, ötjabiwö̧.