Lucas 8:15 - Dios Iwene

¹⁵ Ja̧danö niji otiwena meaja̧ ödebiya badekwachi̧ma, otiwanö a̧ja̧kwö, tjomajadenö 'diinö do̧ba̧ladönö badekwachobe. Jobadöma sule omöna yöba̧lödama chösöda jö̧ba̧lö yöba̧löködö, tjomajadenö otiwanö omukwatö isabenö ösödadö, ja̧danö wene baledijayonö, tjo̧'wo̧ 'dibachibö ja̧nö tjo̧'wo̧ luwo̧ wa̧ji̧ jawa otiwanö tjöwa̧jobe— jö̧ba̧lö. Jejenö yöbawö Jesúsma iteda öba̧ja̧di̧ waisachadönö labebö lobö yöawinobe jojodönö wanedö yöawaja̧ma.

Lucas 8:15 Iomraidhean Croise

Proverbios 3:1

Baikwö laebobe Salomón iteda itji̧nö möayo̧nö jwebebö yöawinama: Chitji̧ yötawakwö: Ötjö jwebebö yötawi̧ma kwo̧’wo̧ jwikiboko. Ja̧danö, weti̧ma kwomajadenö kwanawo, jwiinö mikwawobe jö̧ba̧lö.

Mateo 24:13

Jo̧kwaijayonö chömöledö, jejenö sulabenö baledijayonö, tjo̧'wo̧ 'dibachibö baledadöma, isabenö tjö̧jibakobe.

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Lucas 6:45

Jojodöbi ja̧danö chömöledö, otiwo̧ma, omajadenö otiwa jawa omukwati̧tjö otiwa jawa yöba̧lo̧, ja̧danö sulabo̧ma, omajadenö suli̧ jawa omukwati̧tjö suli̧ jawa yöba̧lo̧, jojodöma tjomajadenö tjomukwati̧tjö yöba̧ladötjobetjö̧— jö̧ba̧lö yöawinobe Jesúsma.

Lucas 8:14

Ja̧danö sȩa'wonö meaja̧ ödebiya badekwachi̧ma, Dios iwene a̧ja̧kwö tjösödijayonö, jemi tupakwö böjȩnö tjö̧ji̧ jawa nöinö tjomukwatobe, ja̧danö balada tjemobö tjisakwobe, ja̧danö böjȩ jawatjö tjo̧'wo̧ ösöwobö tjisakwobe. Jobadöma ja̧ jawa nöinö tjomukwatobetjö̧, otiwanöma tjöda̧peachokobe, ja̧danö tjo̧'wo̧ luwo̧ wa̧ji̧ jawama otiwanöma wa̧jököwö̧.

Lucas 8:16

Ju'wibi Jesúsma wanedö yöawinobe: —Chömöledö, bakwo̧ dejewa'yu̧ önötedenama, ¿wi̧lȩyu teebe ujunenaji̧? ¿Kamapjo teebe ujunenaji̧? Ja̧maökö chömöledö. Mesasöte wameda ujunena, okobe deinö o̧do okwa ju̧kwadö otiwanö tjedobö, ¿jö̧tö?

Juan 14:15

Ina yöawinobe: —Ötjönö ile nikebaduwitjö̧ma ötjö weti̧ kwa̧ja̧kwaduwena.

Juan 15:10

Ötjöma Chabe'do wei̧da a̧ja̧kwö chö̧jobetjö̧ jo̧bakwö dötewinö ja̧nö ile nieba'wo okwada jo̧sa, jelobekwö 'yö̧könö. Ja̧danö ökwödöbi. Ötjö weti̧ a̧ja̧kwö kwö̧jaduwitjö̧ma ötjökwö dötewinö ja̧nö niteba'wo okwada kwö̧jaduwena— yöawinobe Jesúsma—.

Romanos 2:7

Bakwainö otiwanö ja̧badönöma, jwaikwöda Dios ösödi̧da ja̧badönöma, ba̧kwȩlö̧jatebö ja̧kwawa iyakwo̧ Diosma. Jobadöma jwaikwöda Dios ösödi̧ jawada ja̧badö, Diosma jobadönö jö̧a̧lakobetjö̧, Bidöma otiwadö, suli̧ jwibadö, jö̧ba̧lö. Ja̧danö, Dios ösödi̧ jawada ja̧bö ba̧kwȩlö̧jatebö ja̧kwawa isakwadö jobadöma. Ja̧danö, Dios ösödi̧ jawa ja̧bö ba̧kwȩlö̧jatebö ja̧kwawa tjisakwobetjö̧, ja̧da iyakobe Diosma, jwaikwöda tjisakwobetjö̧.

Romanos 6:22

Jo̧kwaijayonö, Diosma suli̧tjö kwö̧jibaduwanö ja̧bö, iteda ömöayedö bakibaduwanö ja̧inobe. Ja̧danö, ja̧ Dios ömöayedö kwö̧jaduwi̧ mikwawi̧ma biya̧da chömöledö: Babema sulabetjö 'da̧bachibö ja̧nö, ba̧kwȩlö̧jatebö ja̧kwawa juna̧ladöja.

Romanos 7:18

Jau chömöledö, biya̧ wene chöwaisa: Ötjö böjȩ jojoma, ja'yubebi otiwa jawa jwibo̧sa, jö̧ba̧lö. Ja̧danö, ötjö chujulunö otiwa jawa ja̧tobö chösödijayonö, waekwobe, sulabe jawada ja̧bo̧sa.

Romanos 7:4

Ökwödöbi ja̧danö chömöledö. Ökwödöbi ida̧ökö wodinobe chömöledö. Dios edemi Jesús woinenama, ökwödöbi bakobe Cristokwö a̧jö wodinobe. Jau chömöledö, Moisés iwȩyudina junibö, Jesúskwö a̧jö wodinobe. Ja̧danö jejenö wodinobetjö̧, Moisés iwȩyudinama ökwödönö weokobe babema, ida̧ökö wodinobetjö̧. Ja̧danö, babema Cristokwöda dö̧jobe. Jau chömöledö, Dios woawatjö tjeachajinö ja̧inökwekwöda dö̧jobe babema. Ja̧danö, jo̧bakwöda dö̧jobetjö̧, babema Dios ösödinö ja̧dobö jo̧be.

1 Corintios 7:19

Jau chömöledö, bakwo̧ ötade bajalesado̧ 'wibekwo̧ ö̧jitjö̧böbi, 'wibekwö̧kö̧ ö̧jitjö̧böbi, bakweminö 'ya̧, tjötade bajalesado̧ 'wibekwö loawama mikwawokobetjö̧. Jau chömöledö, Dios wei̧ a̧ja̧kwö ja̧awada mikwawi̧ma, tjötade bajalesado̧ 'wiekwamaökö.

Efesios 2:8

Isabenö chömöledö, Diosma lȩlö̧jino edobetjö̧, Jesúsnö kwösödaduwenama, Jesúsma dö̧jibanö pjabato̧, jö̧ba̧lö, ökwödöma ji̧bakwawanö kwö̧jibinaduwobe. Chömöledö ji̧bakwawanö kwö̧jibaduwoböma ¿ökwödöda ja̧köbakwawinaduwaji̧, kwujuluduwinö? Jejenöma ja̧awakwawinöködöja. Ja'yubebi ji̧bakwawanö kwö̧jibaduwobö ja̧köbakwawaduwoböma jwiobe. Diosda mikwa jwiinö otiwa jawa iyö kwö̧jibaduwinö pjaatinobe chömöledö, otiwanö ja̧bö kwö̧jaduwököjayonö.

Deuteronomio 30:6

—Ju'wibi kwuluwo̧duwi Isabenö Jo̧ Dios ökwödönö pjaatakwa̧ yötawaduwakwö chömöledö, okwanö kwöbalewachaduwinö pjaatakwo̧, wanedö yötawa, kwomajadeduwi wamesa̧do̧, Diosnö kwösödaduwapji jö̧ba̧lö tjöekwa̧do̧ma, ökwödö kwomajadeduwitjöbi, kwitji̧muduwi tjomajadetjöbi 'wibebö loakobe, jwaikwöda okobe jwiinö kwomajadeduwinöbi, kwo̧'woduwinöbi kwuluwo̧duwi Isabenö Jo̧ Diosnö ile nibebö kwösödaduwakobetjö̧. Jejenö ökwödönö pjaatakwo̧ Diosma chömöledö, 'ya̧ba̧ladö kwö̧jaduwakobetjö̧.

Colosenses 1:10

Duluwo̧ ömöledö tjö̧jo jö̧tja̧li̧danö kwö̧jaduwo jö̧ba̧lö. Jau chömöledö, Duluwo̧ ösödi̧danö ja̧bö kwö̧jaduwobö dösöda, ja̧danö okobe jwiinö otiwanö ja̧awa jwaikwöda ja̧bö kwö̧jaduwobö dösöda, ja̧danö tupakwö Diosnö kwöwaisaduwobö dösöda.

Colosenses 1:6

Jau chömöledö, ökwödöbi ja̧ otiwa jawa wene kwa̧ja̧kwinaduwobe, böjȩ bakwameachibanö jojodö tja̧ja̧kwi̧danö. Ökwödöma Epafras mikwo̧ yöawi̧ kwa̧ja̧kwinaduwobe isabenö wene Dios jojodönö lȩlö̧jinö edö pjaati̧ wenema, ¿jö̧tö? Jau chömöledö, otiwanö jweinö kwa̧ja̧kwinaduwobe, ja̧danö ja̧ wene kwa̧ja̧kwinaduwa möletjö baikwö bajalenö, ja̧ wenema ökwödönö kwöbalewachaduwinö ja̧obedanö ichejekwa, ju'wedö böjȩ bakwameachibanö jojodönö tjöbalewachinö ja̧i̧danö. Ja̧danö wanedö yötawa chömöledö: Ja̧ wenema tupakwö nöachobedanö ichejekwa, jelobebi, jelobebi ju̧kwadö tja̧ja̧kwobetjö̧. Jau chömöledö, dömöledöso̧ Jesús ömöayo̧ jö̧ba̧lö dösödökwe Epafrasma jwaikwöda Cristo jawa otido̧. Jo̧bama ötjönö pjabatö, ökwödönö yötawo jö̧ta̧linama ökwödö Colose jojodönö yöawinobe chömöledö.

Hebreos 10:36

Chömöledö, me'dawachibökönö kwi̧'yaduwobö jo̧be. Ja̧danö Jesúsnö kabatibökönö, Diosnö kwo̧'wo̧duwi wana̧lö tupakwö kwi̧'yaduwo, iteda wei̧ a̧ja̧kwö ja̧nö. Jejenöma Dios iyakwa̧, iteda yöbawö junö, Chiyocha, jö̧ba̧lö, iyakwa̧ma kwemaduwakwedöja.

Hebreos 2:1

Isabenö chömöledö, döwaisa. Ökwödöma Dios Itji̧ yöawinatjöda da̧ja̧kwijatö Dios yöawina ökwödönöma. Jau, Dios Itji̧, jwiinö inesö jo̧, ángelesdönötjöbi o̧penönö inesö jo̧ yöawinatjöda da̧ja̧kwijatö Dios yöawinama. Ja̧danö, Dios yöawina jejenö da̧ja̧kwobetjö̧ Dios Itji̧ yöawina tjöbeba̧lö̧jönö omukwatö di̧'yobö jo̧be chömöledö. Isabenö, tjöbeba̧lö̧jönö omukwatö di̧'yobö jo̧be, Ökwödöma Dios Itji̧ otiwa jawa wene, dö̧jibinö pjabatö yöawina wene ösödadösa, jö̧ba̧lö. Chömöledö, ja̧ Dios Itji̧ yöawina dösödi̧ma do̧'wo̧ luwo̧ okwanö do̧tjati̧danö do̧batö di̧'yaduwo jö̧ta̧la. Isabenö chömöledö, Dios Itji̧ yöawina do̧'wo̧ luwo̧ okwa do̧batö di̧'yaduwo, jo̧batjö 'da̧bachibö jelobekwö omukwatö di̧'yapji jö̧ba̧lö, jo̧ba yöawina öpöjödö.

Santiago 1:4

Jejenö kwi̧'yaduwo, kwo̧'wo̧duwi 'dibachibö jwaikwöda 'ya̧nö chö̧ja̧wo̧dö, kwo̧'wo̧ luwo̧duwinö kwöda̧peachaduwobö. Ja̧danö jejenö, da̧peachadö kwö̧jaduwobetjö̧ kwö̧jaduwi̧ma bakwai̧da, otiwanö ji̧da kwi̧sekwaduwobe. Kwomukwataduwi̧bi, ja̧köbaduwi̧bi otiwanö ji̧da kwi̧sekwaduwobe, ja'yubebi ji̧bökönö, kwo̧'wo̧ luwo̧duwinö kwöda̧peachaduwobetjö̧. Jo̧kwaobetjö̧ chö̧ja̧wo̧dö ökwödönö wene baledena kwo̧'wo̧duwi ösöwanö kwö̧jaduwo, Otiwa, jö̧ba̧lö. Jejenö baledi̧ma döda̧peachobö pjaatobe, dö̧ji̧ma bakwai̧da, otiwanö ji̧da di̧sekwinö, jö̧ba̧lö.

1 Juan 2:3

Chö̧ja̧wo̧dö ¿dakwö ja̧nö di̧sekwobeda döwaisobö, Isabenö ökwödöma Diosnö waisadösa, jo̧bakwö dötewinö 'ya̧jadösa, jö̧ba̧lö? Biya̧ chö̧ja̧wo̧dö: Dios wei̧ a̧ja̧kwö dö̧jobö jo̧be. Jejenö, jo̧ba wei̧ a̧ja̧kwö dö̧jena döwaisa, Isabenö ökwödöma Diosnö waisadösa, jö̧ba̧lö.