Lucas 7:9 - Dios Iwene

⁹ Jejenö guardia luwo̧ yöa̧li̧ yötjawiökwe, Jesúsma jalachibö jo̧bakwö ichajadönö yöawinobe: —Ayö, jo̧bama israel jojobököjayonö isabenö otiwanö chujulu ösödo̧. La'akatjöda bitedajayo̧nö chöbadekwajijökötö isabenö chujulu ösödo̧nö. Jau chömöledö, okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧— jö̧ba̧lö yöawinobe Jesúsma.

Lucas 7:9 Iomraidhean Croise

Mateo 15:28

Yöja̧lökwe, Jesúsma jobujunö yöa̧linobe: —Jojosuju, isabenö otiwanö kwo̧'wo̧ wana̧lujuja. Akebaja̧danö isabenö baledakobe— jö̧ba̧lö. Ja̧danö, jejenö yöa̧lenama, jitjijuma juluwanö otiwanö bajibinobe.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.

Mateo 9:33

Jesús o̧'wo̧ luwo̧nö sulabo̧nö a'dewö loaja̧ ikenama, jo̧ba yöba̧lö̧kö̧ma yöa̧linobe. Ja̧danö okobe deinö edadöma tjöbajale jalaka baibanö tjö̧jinobe: —¡La'akatjöda biya̧jaye baledi̧ma ditebo Israel nijitjöma edajidökötö! — jö̧ba̧lö yötja̧linobe.

Lucas 7:10

Ikenama atjebi̧danö Jesúsma guardia luwo̧ ömöayo̧ otiwanö baibobö weinobe, ja̧danö guardia luwo̧ ömöledö tjȩwa̧jenama, ö'wöchi̧tjö otiwanö bi̧bajo̧nö tjedinobe.

Lucas 7:8

Jau Jesús, chöwaisa ödötjö chömöayo̧ otiwanö baibobö weköbitjö̧ma, ödötjö weköbijayonö, isabenö otiwanö baibakwo̧ chömöayo̧ma. Jau Jesús, ötjöbi chuluwedö tjömöayo̧ chö̧jobetjö̧, ja̧danö ötjöbi chömöayedö guardia jojodö tjuluwo̧ chö̧jobetjö̧ chöwaisa, weköbi̧ma isabenö juluwobe, ja̧danö ödötjö weköbitjö̧bi weköbi̧danö baibakobe jö̧ba̧lö. Ötjöma guardia jojonö chömöayo̧nö 'ya̧wi jö̧ba̧lö wetitjö̧ma, 'yo̧, ja̧danö ichi jö̧ba̧lö wetitjö̧ma, icho̧, ja̧danö midö cheminökwenö chömöayo̧nö baikwö otidi jö̧ba̧lö wetitjö̧ma, weti̧danö otido̧. Ja̧danö chöwaisa, ötjö mikwawö̧kö̧ chömöayedönö wetenama weti̧danö baleditjö̧ma, ökwö weköbi̧danö isabenö baledena, ötjötjö bajalekwönönö isabenö la'aka luwo̧köbobetjö̧. Jo̧kwajabetjö̧ ödötjö chömöayo̧ otiwanö baibobö weköbitjö̧ma, ödötjö weköbijayonö isabenö weköbi̧danö baledakobe. Chömöayo̧ isabenö otiwanö ö̧bibakobe— jö̧ba̧lö guardia luwo̧ yöa̧li̧ yötjawinobe Jesúsnö.