Lucas 7:6 - Dios Iwene

⁶ Atjebökwe, Jesúsma jobadökwö i̧'yinobe guardia luwo̧ eju jo̧bekwö, jo̧kwaijayonö yöne tjichibena, ina ichibapji, guardia luwo̧ma iteda ömöledönö weinobe, Jesúsnö yötja̧lobö: —Chuluwo̧, ödö kwekachoko chejube kwichoböma. Ötjöma mikwawö̧kö̧sa cheju tekachoböma chuluwo̧.

Lucas 7:6 Iomraidhean Croise

Génesis 32:10

Ötjönöma ba̧kwȩlöjatebö pjabato̧ja. Ötjöma mikwawökösa̧ ötjönö otiwanö pjakato jö̧ba̧lö. Mikwawö̧kö̧chijayonö ba̧kwȩlöjatebö dösölö̧jinö edö pjakatobe ötjönö, kwömöayo̧nöma. Okobe jwiinö yöbawö kwujuninama badekwachobö ja̧bo̧ja. Ajayinöma chitea jwiinö chi̧'yijatö Harán niji jobekwö. Ja̧danö, Jordan ojwe pebibö, tokwawö kweachakwawötekwöda petibijatö. Babema chȩwa̧jabe nöinö chiteakwö, cha̧jwi̧mukwö, chömöayedökwö, bidö dötölataja jenanö.

Proverbios 29:23

Ja̧danö, ju'wibi yötawa: Bakwo̧ ju'wedönötjö bajalekwönönö otiwanö jo̧sa, jö̧ba̧lö omukwato̧ma ju'wi mölȩ tabakwöda ö̧jakwo̧. Ja̧danö, jelo̧ma ju'wedönötjö baikwönönö jo̧sa, jö̧ba̧lö, ju'wi mölȩ tabakwökönö ö̧jakwo̧. Ja̧danö, jo̧ba baikwönönö jo̧sa jö̧ba̧lö omukwato̧nö edö jojodöma otiwanö tjöwaisachibakwo̧kwo̧, otiwanö omukwato̧, jö̧ba̧lö.

Mateo 20:28

ötjö jojo baibanö jeminökwe ju'wedönö pjabatö chö̧ji̧danö. Jau chömöledö, ju'wedö ötjönö pjatjato jö̧ba̧löma ichinö̧kö̧sa. Ötjöda jojodönö pjabatö ichinasa, ja̧danö ba̧jekwadö tjö̧jibo jö̧ba̧lö midawö wotobö ichinasa— jö̧ba̧lö yöawinobe Jesúsma.

Mateo 3:11

Tupakwö yöawinobe Juanma, jojodönö: —Ötjöma sulabenö tjomukwati̧ kabatibö balewachajadönö ojwenö chubu̧datobe, sule ojwiyonöda. Jo̧kwaijayonö, chökömanö ichakwo̧ma, Dios O̧'wo̧ Luwo̧nö jobadönö ja̧akwo̧, ja̧danö ökwölanö jobadönö ja̧akwo̧. Jo̧ba ötjö chökömanö ichakwo̧ma, ötjötjö yelösöda bajalekwönönö mikwawo̧, baikwö wanedö yötawa: Luwedö 'dutjawatu sapatu e'ewadöma, sule tjömöayedötjö mikwawöködöda, ¿jö̧tö? Jo̧kwaijayonö, ötjöma jo̧ba ömöayo̧ 'duawatu e'ewo̧ ömöayo̧ chö̧joböma mikwawö̧kö̧sa.

Marcos 5:24

Jejenö aebökwe itekwöda 'yi̧jetö ejube. Ju'wedöbi ba̧jekwadö, ajayi ichajadöma, ökömanö 'yi̧jadötö. 'Ya̧nö isayunö bakobe 'diinö tjisawijadötö Jesúsnöma.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 7:4

Weawö̧, Jesúsnö abebö tji̧'yinobe, ja̧danö Jesúsnö atjeba̧linobe: —Jo̧ba guardia luwo̧ma judío jojobököjayonö, isabenö mikwawo̧ jo̧banö pjakatobö,

Lucas 7:5

jo̧bama isabenö ökwödö judío jojodönö ösödobetjö̧. Jau Jesús, jo̧bama otiwanö pjabato̧ ökwödönö, jo̧bada ba̧nö da̧ja̧kwaleju otidinobe, jo̧kwajabetjö̧ isabenö mikwawo̧. Jo̧banö ¿pjakatakwa̧ji̧?— jö̧ba̧lö atjebinobe.

Lucas 7:7

Jau chuluwo̧, ötjöma mikwawö̧kö̧chobetjö̧, ötjöda kwöba a'o ichibökönö, ju'wedönöda wetajabe ökwönö yötjawobö. Jo̧kwajabetjö̧ baikwö atebakwö, jelöda kwö̧jelötjöda chömöayo̧ otiwanö baibobö weköbobö, ja̧danö jejenö weköbitjö̧ma, otiwanö baibakwo̧ chömöayo̧ma.

Lucas 8:49

Jobujunö Jesús ina yöa̧lonö, Jairo ejutjö bakwo̧ yöbawö ichinobe Jaironö: —Kwitjijuma ida̧ökö ö'wö bajibajabe, jo̧kwajabetjö̧ ba̧ja̧dakwawa luwo̧ Jesúsnö ichobö weköboko, ida̧ökö ö'wö bajibajabe, pjaatoböma jwiobe— jö̧ba̧lö.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Santiago 4:10

Ja̧danö, isabenö omukwataduwi, Ökwödöma luwedöböködösa, sulabedösa, mikwawöködösa, juluwöködösa, jö̧ba̧lö. Ja̧danö, Dios pjaati̧kwöda dujulu juna̧ladösa, jö̧ba̧lö, omukwataduwi. Jejenö jweinö kwomukwataduwiökwe Duluwo̧ Diosma ökwödönö kwo̧'wo̧ luwo̧duwi okwanö möakwö kaebi̧danö kabebö öwanakwo̧, Bidöma isabenö jwiinö mikwawadö, jö̧ba̧lö.

Santiago 4:6

Jo̧kwaijayonö Diosma ökwödönö pjaatobö juluwo̧ ökwödö dösödi̧da omukwatö junibö dö̧jobö. Chö̧ja̧wo̧dö, Diosma ökwödönö pjabatö ujuluwobe ökwödö sulabe dösödi̧ma. Isabenö chö̧ja̧wo̧dö, Dios pjaati̧ma ökwödö sulabenö dösödi̧tjö o̧penönö juluwobe. Jejenöobetjö̧ Dios iwenetjö baikwö laebobe: Diosma, Luwedösa, jö̧ba̧lö, omukwatadönö ölakwabikwawö jo̧. Jo̧kwaijayonö, Jo̧kwadabedösa, jö̧ba̧lö omukwatadönö lȩlö̧jinö pjabato̧. Jejenö laebobe Dios iwenema. Chö̧ja̧wo̧dö, Luwedösa, jö̧ba̧lö, domukwataduwoko. Jejenö omukwatökönö dö̧jiökwe Diosma lȩlö̧jino edö pjaatakwo̧.