Lucas 7:45 - Dios Iwene

⁴⁵ Ja̧danö, kweju okwa tetachenama, tjömöledönö du̧batö tjösödi̧danöma ötjönö ösödö du̧katökötö, jo̧kwaijayonö bisuma kabatökönö chömasapiya du̧jatajabe.

Lucas 7:45 Iomraidhean Croise

Génesis 29:11

Ikenama Raquelnö 'ya̧wibö, du̧batö budekwijetö, o̧'wo̧ ösöwanö.

Génesis 33:4

Esaúma Jacob ichobe edö te'ada̧lökönö ichobekwö ö'öbakwawijetö. Jacobnö 'ya̧wibö wo̧batö 'du̧batijetö ibekasa'wonö, öjawo̧nö ösödö. Jobadöma tjo̧'wo̧ jwiinö ösödö budekwabijadötö.

2 Samuel 15:5

Ja̧danö ju'wibi ja̧biainobe, bakwo̧ Absalon öba a'o ichibö, chuluwo̧ja jö̧ba̧lö bȩbachibö ösöditjö̧ma, Absalonma jo̧banö do̧batö, kabebö du̧atinobe, ökwöma chömöleso̧ja jö̧ba̧lö.

2 Samuel 19:39

Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

Mateo 26:48

Jesús ö̧jobekwö tjichibakwa̧ abönö, Jesúsnö iyö loakwo̧ Judasma jobadönö yöawinobe: —Baikwö kwöwaisaduwakwedöja do̧kataduwakwo̧nöma, ibekasa'wonö du̧tatökwenöma, jo̧banöda do̧kataduwo— jö̧ba̧lö.

Romanos 16:16

Okobe deinö kwömöledöduwi Jesúsnö ösödadönö dokwa jö̧ba̧lö du̧kataduwo, dömöledö Jesúsnö ösödadönö du̧dati̧danö. Ja̧danö, okobe deinö bemi jojodö Cristonö ösödadö tjoko̧ko̧kwena ju̧kwadöma ökwödö Roma jojodönö dokwa atjebobe.

1 Corintios 16:20

Ja̧danö, okobe deinö dömöledö Jesúsnö ösödadöma dokwa jö̧ba̧lö detjawobedanö yötja̧la. Kwömöledö Jesúsnö ösödadönö du̧batö kwösökwaduwo chömöledö, dömöledö Jesúsnö ösödadönö du̧batö dösödi̧danö.

Efesios 6:4

Babema tjemu tjabe'dodönö yötawa. Kwi̧tji̧muduwinö labinö jwökeba̧laduwa, jobadö tjo̧'wo̧ sulachibanö baibanöma. Otiwanöda, tjöda̧peachinö yöbawö ju̧kwaduwi kwi̧tji̧muduwinöma. Jobadö jweinö tjomukwatökötjö̧ma otiwanö jwebeba̧lö yöbawaduwidönö, Duluwo̧ iwene ba̧ja̧dö. Jejenö kwöba̧ja̧daduwo, Dios ösödi̧ jawa tjöwaisachibanö.

1 Tesalonicenses 5:26

Okobe deinö kwömöledöduwi Jesúsnö ösödadönö du̧batö kwösödaduwo, dömöledö Jesúsnö ösödadönö du̧dati̧danö.