Lucas 7:29 - Dios Iwene

²⁹ Jejenö Jesús Juannö yöawi̧ a̧ja̧kwö, ba̧jekwadö jojodö Jesús yöawi̧ tjösödinobe, ja̧danö jobadötjö jojodö tjöpöjödawö̧ impuesto jawa balada emadötjöbi ba̧jekwadö tjösödinobe. Jobadöma ida̧ökö Juan yöawi̧ ösödö, sulabenö tjomukwati̧ kabatibö balewachajadö, ojwenö bu̧datakwawa i̧sebinadö, ja̧danö Diosnö tjösödinobe, Diosma otiwo̧, ja̧bö dö̧jakwa̧ jweinö webo̧, jö̧ba̧lö.

Lucas 7:29 Iomraidhean Croise

Mateo 5:46

Ja̧danö, baikwö yötawaduwakwö chömöledö: Sule ökwödönö ösödadönöda kwösödaduwitjö̧ma, ¿tajawedö kwösödaduwi̧ omukwatö Dios ökwödönö iyobö chömöledö? Jau chömöledö, sule ökwödönö ösödadönöda kwösödaduwitjö̧ma sulabedö la'aka luwo̧ itea balada emadö tjösödi̧tjö bajalekwönönö kwösödaduwökena, jobadöbi jobadönö ösödadönö ösödadö chömöledö.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Lucas 3:12

Ja̧danö, jojodö sulabedö jö̧ba̧lö ötjabawö̧ la'aka luwo̧ itea balada impuesto emadötjö ju'wedöma ichö bu̧datakwawa atjebinobe, ja̧danö Juannö abebö tja̧ja̧kwinobe: —Ba̧ja̧dakwawa luwo̧, ¿ökwödöja? ¿Dakwö ja̧bö di̧sebobö ökwödöma, Isabenö sulabenö domukwati̧ kabatibö balewachadösa?— jö̧ba̧lö.

Lucas 7:28

Yötawaduwakwö chömöledö, isabenö mikwawo̧ Juanma, okobe deinö böjȩnö ji̧nadötjö bakwo̧bi deobe, Juantjö bajalekwönönö mikwawo̧ma chömöledö. Jo̧kwaijayonö böjȩnö ji̧nadötjö bakwo̧bi Juantjö bajalekwönönö mikwawo̧ma deijayonö, okobe deinö Dios la'aka luwo̧ ö̧jena ju̧kwadöma, Juantjö bajalekwönönö mikwawadö chömöledö, Dioskwö tjuju̧kwobetjö̧— jö̧ba̧lö yöawinobe Jesúsma.

Lucas 7:35

Jo̧kwaijayonö jobadö tjöpöjödijayonö, Juan yöawi̧ ösödadö ja̧bö tjö̧ji̧bi, ötjö yötawi̧ ösödadö ja̧bö tjö̧ji̧bi öwaetjöda i̧sebobe, yödawi̧ wenema isabenö waisakwawa ji̧ wene yödawobe jö̧ba̧lö. Jau chömöledö, yödawi̧ ösödadöma Dios ösödi̧danö ja̧bö tjö̧jobetjö̧, öwaetjöda öwawobe, yödawi̧ wenema isabenö waisanö yödawobe jö̧ba̧lö— yöawinobe Jesúsma.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Hechos 19:3

Jejenö yötjawiökwe Pabloma abebö a̧ja̧kwijetö: —Ja̧danö, ökwödönö ojwenö bu̧datakwawama ¿taji i̧sebinada? —abebö a̧ja̧kwiawö̧ yöbawijadötö: —Juan yöawina ösödadösa, jö̧ba̧lö, i̧sebijatö. Jo̧ba yöawina a̧ja̧kwö ösödö, da̧ja̧kwaja̧ ikena ojwenö ubu̧datobö adebijatö— yöbawijadötö Pablonö.

Romanos 10:3

Jau chömöledö, Dios öba a'otjö sulabe jwibadö batjibobö tjisakwijayonö, Dios ja̧i̧ma wajwibadö, jojodö sulabe jwibadö batjibobö ja̧i̧ma. Ja̧danö, ja̧ wajwibö, Dioskwö tjichibobö isakwadö, idöda ja̧tji̧da, idöda tjujulunöda. Ja̧danö, idöda tjujulunöda ja̧bö tjisakwobema, Dios jojodö sulabe jwibadö batjibobö ja̧i̧ma tjöpöjödobe chömöledö.

Apocalipsis 15:3

Ja̧danö, jobadöma jobe ja̧nö lo̧tjobe chedijatö. Ja̧ lo̧tji̧ma, Dios ömöayo̧ Moisésmine lo̧inabi, Obeja Itji̧danö Jo̧ lo̧inabi, ja̧ lo̧tji̧ma. Ja̧ lo̧tji̧ma baikwö laebobe: Duluwo̧ Dios, ökwöma jwiinö juluwo̧ja. Kwujulu i̧sebo̧ja. Kwujulu kwi̧sebobe edö, Ayö, jö̧ba̧lö, yebabinö dö̧jobe, döbajale jalaka baibanö. Kwujulu i̧sebö ja̧köbi̧ma jweinö omukwatö, otiwanö ja̧bo̧ja. Ökwöma ba̧kwȩlö̧jatebö inesö la'aka luwo̧ja.

Apocalipsis 16:5

Ikenama jelo̧ ángel, ojwe te'ada̧lo̧ ángelma, Diosnö yöa̧lobema cha̧ja̧kwijatö, baikwö: —Ökwöma la'akatjöda ji̧naja. Ja̧danö, babebi jo̧ja. Ökwödaja suli̧ jwibo̧ma. Ja̧danö, ökwöma jweinö omukwatöda lȩbebo̧ja. Biya̧ inia tjötjinö baledobö lȩkebi̧ma, jweinö omukwatö lȩkebobe.

Jueces 1:7

Jejenö ötö'iya bulatö lotjökwe, Bezec la'aka luwo̧ma yöa̧linobe, —Jelobetenia tjuluwedö la'aka luwedö setentabedönö, chujuluwajawö̧ jejenö tjötö'iya bulabinö lotijatö, ja̧danö jejenö chujuluwajawö̧, chu̧kwa mesasötetjö tjoduwaja̧ kwawawa tjukwotö jö̧ba̧lö tjisakwinobe. Ja̧danö, babema ötjö jobadönö usula tjemawinö wetinadanö, Diosma bakwainö usula chemawinö weajabe, —jö̧ba̧lö. Ja̧danö Judasaso jojodöma Bezec la'aka luwo̧nö tje'ewinobe Jerusalenbe, ja̧danö jobetjö ö'wö baibinobe.