Lucas 7:24 - Dios Iwene

²⁴ Juan öba̧ja̧di̧ waisachadö tjȩwa̧jaja̧ ikena, Jesúsma ju'wedö jobe ko̧ko̧kwajadö jojodönö yöawinobe Juannö, baikwö: —Chömöledö, belö jojodö deobe kwi̧'yinaduwobe, ¿jö̧tö? ¿Tajawedö edö kwi̧'yinaduwobeda? Sule jobe pokwi̧ jawa edinö, jwa̧lȩ'epjo jwa̧lȩ'ewena isa'ye bȩachibobe kwedaduwotö jö̧ba̧lö ¿jobe edö kwi̧'yinaduwiji̧?

Lucas 7:24 Iomraidhean Croise

Génesis 49:4

Jo̧kwaijayonö ökwöma labo̧ja. Ojwe okwatö buluwanö isuwödö labi̧danö ökwöma omukwatökönö ökwö kwösödi̧da ja̧bö labo̧ja. Chitji̧ jwiinö sulabenö ja̧köbinobe ötjönöma, tabalö̧jinö chö̧jobö. Ötjö chökamapjonö chilekwokwö sulabenö ja̧köbinobe. Jo̧kwaobetjö yötawakwö: Abönö pöeköbijayonö chi̧tji̧mutjö̧ o̧penönö inesö chi̧tji̧bö̧kö̧ babibakwo̧ja. Kwö̧ja̧wo̧dönötjö̧ nijakwönö jojo bakibakwo̧ja sulabenö ja̧köbinobetjö̧— yöbawijetö Jacobma itji̧ abönö pöe Rubénnöma.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Lucas 3:2

Ja̧danö judío jojodötjö Anás mikwo̧bi, Caifás mikwo̧bi Diostjö jojodötjö ö'weje pjabatadötjö inesö la'aka luwedö tjö̧jinobe. Jobadö luwedö tjö̧jayi, Diosma iteda yöawi̧ yöawinobe Juan mikwo̧nö, jojodö deobe jo̧nö.

Lucas 7:23

Ja̧danö tupakwö yökawaduwonö Juannö, Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö— jö̧ba̧lö atadinobe Jesúsma Juan öba̧ja̧di̧ waisachadönö.

Lucas 7:25

Otiwado̧ 'dubawo̧nö ¿edö kwi̧'yinaduwiji̧? Ja̧maökö. Otiwado̧ 'dubawadöma, ja̧danö otiwa jawa juna̧ladöma la'aka luwedö tjejubiyanö ja̧dö, jojodö deobema jö̧ködö, ¿jö̧tö?

Juan 1:23

—Ötjöma jojodö deobetjö jwöbeba̧lo̧sa, Duluwo̧ma juluwanö ichakwo̧. Jo̧ba ichakwa̧ma mana dotidaduwo jweinö ichakobetjö̧, jö̧ba̧lö. Jejenö yöbawö, Dios yöawi̧ yöbawo̧ Isaías yöawinadanö yöbawo̧sa— yöawinobe Juan Ojwenö Bu̧dato̧ma.

Efesios 4:14

Jejenö da̧peachadö badibenama, ökwödöma tjemu wajwibadödanö dö̧jökena, Dios iwenema. Ja̧danö, waisanö ja̧nö, ju'wedö wainö omukwatö yötjawi̧ma da̧ja̧kwökena. Wanedö yötawa chömöledö: Isowi, tjolanö nubökönö nönawowi, jwa̧lȩ'epjo ichobe balawa loobö jwa̧lȩ'epjo e'ewibobekwö 'yo̧wi. Ökwödöma jejenö dö̧jaduwoko. Jowi isowi balawa loobö jwa̧lȩ'epjo e'ewibidanöma e'ewibököwö̧sa, do̧'wo̧ luwo̧nö da̧peachö dö̧jenama. Ja̧danö ju'wedökwöma, ökwödönö tjo̧'wo̧ sulinö edö, sulabenö doma'a o̧pekwönö ja̧badöma tje'ewibököwö̧sa, isowi tjolanö nubökönö nönawowidanöma.

2 Pedro 2:17

Jau chömöledö, jobadö sulabenö yöbawadöma mikwawöködö, baikwö yötawa: Ojwese'do kököe'dodanö mikwawöködö, ja̧danö ojwiyo'wo o̧bökö'wo, jwa̧lȩ'epjo jelobe e'ewa'wodanö mikwawöködö, ja'yubebi pjatjatokobetjö̧. Jobadönö baikwö yötawa chömöledö, Diosma jobadönö lȩebakwa̧ omukwatö ujuninobe, ja̧danö ökwöla nöolanö, inesö yȩa'wo okwada tjö̧bakobe.

2 Pedro 3:17

Jau chömöledö, sulabenö yöbawadöma isabenö yötjawakobe, ja̧danö sulabenö yötjawakwa̧ abönö ökwödönö chiwȩyudajabe, kwöwaisaduwobö. Ja̧danö, ida̧ökö kwöwaisaduwobetjö̧, te'ada̧lönö kwö̧jaduwo chömöledö, jobadö yötjawi̧ kwa̧ja̧kwaduwenama, yötjawi̧ ösödö jobadö sulabenö ja̧tji̧danö ja̧köbaduwapji jö̧ba̧lö, ja̧danö 'diinö kwö̧jaduwi̧ma waekwapji jö̧ba̧lö.