Lucas 7:17 - Dios Iwene

¹⁷ Ja̧danö, ja̧ Jesús wobajo̧nö tjeatajina wenema Judea niji bakwameachibanöbi, Judea niji tupakwöbi jojodöma yötjawinobe.

Lucas 7:17 Iomraidhean Croise

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Mateo 9:26

Ja̧danö, ja̧ ja̧ina wenema okobe jwiinö tjitebo bakwameachibanö jojodö tja̧ja̧kwinobe.

Mateo 9:31

Jo̧kwaijayonö, jobetjö labebö, okobe jwiinö ja̧ niji bakwameachibanö yötjawinobe Jesús jobadönö otidö loina wenema.

Marcos 1:28

Ikenama, ju'wedöbi ju'wedöbi Jesús otidaja̧ yöba̧lakwawijadötö. Ja̧danö, juluwanö okobe deinö Galilea niji ju̧kwadöma ja̧ yötja̧lakwawi̧ a̧ja̧kwijadötö, Jesúsnö yötja̧lakwawi̧ma.

Marcos 6:14

Ja̧danö Galilea jojodö tjuluwo̧ Herodes mikwo̧ma, jojodö Jesús otidina yötja̧lakwawi̧ma a̧ja̧kwijetö, ba̧jekwadö Jesús otidina wene yötja̧lakwawobetjö̧. Ju'wedöma yöba̧lakwawijadötö: —Bite Jesúsma, Juan Ojwenö Bu̧dato̧ ji̧nadaena. Jo̧bama yemidanö 'yabibajö Jesúsda baibinena. Jejenö yemidanö 'yaibajinobetjö̧ Dios ujulu i̧sebena— yöba̧lakwawijadötö.

Lucas 4:14

Jemi ikenama Jesúsma Galilea nijibe ȩwa̧jinobe, ja̧danö Dios O̧'wo̧ Luwo̧ ujulunö jojodönö yöawinobe. Judío jojodö ba̧nö tja̧ja̧kwa̧lejutenia techaiabö yöawinobe Jesúsma, ja̧danö isabenö otiwanö yöawobetjö̧, yöawi̧ a̧ja̧kwö okobe deinö jo̧banö otiwanö yötja̧lakwawinobe, isabenö Jesúsma otiwanö yöbawo̧, jö̧ba̧lö. Jejenö Galilea niji bakwameachibanö, ja̧danö jobe ö'öbö niji bakwameachibanö jojodö jo̧banö tja̧ja̧kwinobe.

Lucas 7:14

Ikenama Jesúsma wobajo̧nö tje'ewöte jo̧bekwö 'ya̧nö, tje'ewöte mainobe, ja̧danö maiawö̧, wobajo̧nö e'ewadöma tjöjamatinobe. Ikenama Jesúsma wobajo̧nö yöa̧linobe: —Möayo̧, baikwö wetakwö: A̧laibi— jö̧ba̧lö.