Lucas 7:12 - Dios Iwene

¹² Ja̧danö, Naín comunidad apjude yöne tjichibena, bakwo̧ wobajo̧nö tjo̧tjo jö̧ba̧lö comunidadtjö labebö tje'ewobe edinobe Jesúsma. Jo̧ba wobajo̧ma, bakwuju jilekwe woinioko jitji̧ jo̧dawo̧inobe. Ojo'dokwö ba̧jekwadö jojodöma wobajo̧nö tjo̧tjobö tji̧'yinobe.

Lucas 7:12 Iomraidhean Croise

Génesis 22:12

Ja̧danö, ángelma jö̧ba̧lijetö: —Abraham, ¡kabati! ¡Kwitji̧nö 'wibebö lobökönuwi! Babema ötjö weti̧ a̧ja̧kwö kwitji̧nö, jo̧dawo̧nö ö'wiawökönö ötjönö kwiyobe chedobetjö̧ chöwaisa, ökwöma ötjönö kwo̧'wo wa̧na̧lö ösödo̧ja, jö̧ba̧lö— jö̧ba̧lijetö ángelma.

Génesis 22:2

Ja̧danö, Diosma webijetö Abrahamnö: —Abraham, ökwö kwitji̧ Isaacnö, jo̧dawo̧nö, ile nikebökwenöma e'ewö 'ya̧wi Moria nijibe. Jobe mö'ösa'otjö, ökwönö chi̧sebakwa'otjö, juwö iyawobekwö 'ya̧wi. Jobetjö kwitji̧nö, ökwösobu ebawinö ö̧kwö̧la̧ 'wibebö loköbajökwenö juwö kwiyo, ötjönö ösödö— webijetö.

2 Samuel 14:7

Ja̧danö, jejenö balediawö̧, babe okobe deinö chömöledöma ötjö kwömöayujunö labinö wetja̧lobe, –Kwitji̧ öjawo̧nö kwabö lobinanö iyidönö, öjawo̧nö kwabö loaja̧ balekwa mikwa jo̧banöbi kwabö lodakobetjö̧, –jö̧ba̧lö wetja̧lobe. Ja̧danö, jo̧banö kwabö lotjitjö̧ma, ötjöbi chilekweminebi ditji̧mu tupadanö jojodö deinö dö̧jakwedösa, wanedö yötawa dö̧ji̧ma, ökwölatjö sule ökwöla ubi̧ ö̧'i̧a bakö̧'ada ji̧bobe, jo̧ba chitji̧da, ja̧danö ja̧bi tibebö lotjobö jö̧tja̧lobe, ökwöla jwiinö tiibanö. Ja̧danö jejenö chitji̧nö kwabö lotjitjö̧ma, chilekwemine imi söbebö lotjena, itji̧mu tupadanö jojodötjö bakwo̧bi deakobetjö̧, —jö̧ba̧lö ajebinobe.

1 Reyes 17:12

Aeboko, jatadinobe: —Kwuluwo̧ Isabenö Jo̧ Dios öba a'otjö, isabenö yötawakwö, pan jwibujusa ötjöma. I̧sa̧pjanö, sule ja'yubeda harinaso̧pja junalujusa, ja̧danö o̧tesa̧yunö, sule ja'yubeda o̧tema junalujusa. Jau, babema ja'yubeda pjei̧ ö̧'iya imi ko̧ko̧dö emujusa, ökwöla nötedö, ja̧ ja'yubeda chujuna̧li̧ chöbalobö, ötjöbi, chitji̧bi bajaleapo dukwakwa̧ dukwobö, ja̧danö jemi ikenama, ja kwajadö, du̧kwa jwibö ö'wö badibakwedösa, pan jwita ökwönö ichejebö chiyobö, —jö̧ba̧lö jatadinobe.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

1 Reyes 17:23

Ikenama Eliasma tjemunö öbibö mösȩko̧tjö yutuajinobe, nijibesȩkobe, jadanö ojo'donö iyö yöa̧linobe, —Edi jojosuju, 'yaba̧lo̧ kwitji̧ma, —jö̧balö.

1 Reyes 17:9

—Elias, a̧la̧ibö, Sidon niji comunidad Sarepta comunidadbe kwi̧'yo, ja̧danö jobe kwö̧jo. Jau Elias, jobe ju̧ju, jilekwenö wobekwinuju bakwujunö wetajabe, kwukwakwa̧ jiyobö, —jö̧ba̧lö.

2 Reyes 4:16

Jichibiökwe, —Jojosuju, makösaba, babedajayenö, ökwö kwitji̧nö wo̧ba̧lö do̧ka̧lakwujuja, —jö̧ba̧lö yöawinobe Eliseoma. Yöawioko, —Ayö chuluwo̧ Dios yöawi̧ yöbawo̧, jobekwö chujuna̧lobö jwiena ichejekwa, jobekwö chösödachibanö omöna yökawoko, jweinöda yöbawitjö, —jö̧ba̧lö.

2 Reyes 4:20

Weökwe, tjemunö e'ewö i̧'yinobe ojo'do Sunem jojosuju jö̧jobekwö, ja̧danö iyajoko, ju̧yu̧kijunö apjö̧alö̧ jitji̧nö do̧ja̧linobe, möle ja'ö baibenanö, ja̧danö möle ja'ö ö'wö baibinobe jitji̧ma.

Diosnö ösödo̧ Job mikwo̧ usula emawina jawa 29:13

Jejenö otiwanö pjatatiawö̧, ö'wö batjibo jö̧ba̧ladöma otiwanö yötja̧linobe ötjönö, –Otiwanö pjabato̧ Jobma, –jö̧ba̧lö, ja̧danö otiwanö pjatatiawö̧, tjilekwamu wobekwinadö ya̧döma, tjo̧'wo ösöwachibanö lo̧tjinobe.

Lucas 7:11

Jemi ikena ja'yubeda lekwajabetjö, Jesúsma Naín comunidadbe i̧'yinobe, ja̧danö iteda ömöayedöbi, ju'wedö jojodö ba̧jekwadöbi jo̧bakwö tji̧'yinobe.

Lucas 7:13

Ja̧danö, Jesús wobajo̧ ojo'donö edenama, jobujunö lȩlö̧jinö edinobe, ja̧danö jobujunö: —Budekwökönuwi— jö̧ba̧lö yöa̧linobe.

Lucas 8:42

Jo̧ba Jairoma itjiju jo̧dawujunöda ujuna̧linobe, a̧li̧nösamutjö dötölataja jenanö o̧biya junalujuma, ja̧danö itjijuma jwiinö jö'wöchinobe, ö'wö bajibenanö. Ja̧danö jejenö jö'wöchiökwe, Jairoma Jesúsnö abebö i̧'yinobe. Aebökwe, Jesúsma jo̧bakwö i̧'yinobe, ja̧danö ba̧jekwadö jojodöma isayunö bakobe Jesúskwö tji̧'yinobe.

Lucas 8:52

Jairo ejutjö ba̧jekwadö jojodö tjö̧jinobe, ja̧danö budekwabinö jwötjeba̧linobe, tjemu ö'wö bajibajabetjö̧. Jejenö budekwabinö jwötjeba̧liökwe, Jesúsma jobadönö yöa̧linobe: —Budekwökönaduwi tjemunöma, ö'wö babibökuju. Sule aba̧löda aba̧luju tjemuma— jö̧ba̧lö.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.

Hechos 9:39

Jejenö wetjajawö̧ 'ya̧nö Pedronö yötjawiökwe juluwanö 'yi̧jetö Jopebe. Ichibajo̧nö ö'wö babibajaju jömöledöma öbibö nöchijadötö mösȩko̧nö, tjödajȩko̧nö. Ja̧danö, jȩko̧nö tji̧lȩkwa̧munö wobekwinadö budekwabinö ji̧jadötö. Jobadöma Pedronö edö 'ya̧wibö i̧sebijadötö Dorcas iyö pjabatiajinado̧ jobadönöma, ina 'yajayi 'dö̧jinado̧.

Hechos 9:41

Ikenama Pedroma jömamunö do̧batö a̧lapedijetö jobujunöma. Ikenama jwöbijetö tji̧lȩkwa̧munö wobekwinadönö, ja̧danö, okobe deinö Jesúsnö ösödadönöbi yemidanö tetjachobö. Tetjachajadönö i̧sebijetö 'yabibajunö.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.