Lucas 6:13 - Dios Iwene

¹³ Yö̧te baledibanö abebajo̧, dewachena iteda öba̧ja̧di̧ waisachadönö jwöinobe, tjichobö, ja̧danö jobadötjö a̧li̧nösamutjö du̧ju̧tajabedönö omudawö ko̧ko̧dö ujuninobe, iteda webawedö batjibobö. Jobadöma bidö:

Lucas 6:13 Iomraidhean Croise

Mateo 10:2

Jobadö a̧li̧nösamutjö du̧ju̧tajabedö Jesús öba̧ja̧di̧ waisachadöma, tjimibiya baikwö laebobe: Abönö Simón, ju'wi imi Pedrobi, Pedro öjawo̧ Andrésbi. Ja̧danö Zebedeo i̧tji̧mu Jacobobi, ja̧danö Jacobo öjawo̧ Juanbi.

Mateo 19:28

Aebökwe, Jesúsma atadinobe: —Isabenö yötawaduwakwö chömöledö, okobe jwiinö 'yayinö Dios otidena, ja̧danö ötjö jojo baibanö jeminökwe salöinö dewaka teakanö, inesö la'aka luwo̧ iteakanö chö̧wenama, ökwödö chökömanö lubibajadöbi a̧li̧nösamutjö dökalatajanö kwö̧waduwakobe, Israel jojodötjö a̧li̧nösamutjö du̧ju̧tajasaso jojodö tjuluwedö bakibaduwanö.

Mateo 9:36

Jesús ba̧jekwadö ko̧ko̧kwadönö edenama, jobadönö o̧'wo̧ tjo̧achinobe, te'ada̧lo̧ debadö o̧bȩja̧dö wene tjöbaledi̧danö, dakwö ja̧dakwajö jö̧ba̧lö tjo̧'wo̧ tjo̧achinobetjö̧, ja̧danö tjujulu jwibadö tjö̧jinobetjö̧.

Marcos 6:30

Ja̧danö, ju'wi möle, Jesús yöbawö tji̧'yobö weinawö̧ma, ȩwa̧jijadötö. Ȩwa̧jadö yöbawijadötö Jesúsnö okobe jwiinö tjotidinabi, yötjawinabi.

Marcos 6:7

Ikenama iteda öba̧ja̧di̧ waisachadönö a̧li̧nösamutjö du̧ju̧tajanö jwöbijetö tjichobö. Ichajadönö du̧ju̧tajakwena jelobebi du̧ju̧tajakwena jelobebi tji̧'yobö webijetö. Ja̧danö, iteda iminö, iteda ujulu i̧sebö jojodö tjo̧'wo̧ luwo̧nö sulabedönö labebö lotjobö webijetö.

Lucas 11:49

Jo̧kwajabetjö̧ Diosma itedada waisanö omukwatö yöa̧linobe: Yötawi̧ yöbawadönöbi, chömöayedö ötjö webawedönöbi wetocha, ja̧danö jobadötjö ju'wedönö kwabö lotjakobe, ja̧danö ju'wedönö usula tjemawinö ja̧tjakobe, jö̧ba̧lö. Jejenö omukwatö ujuninobe Diosma, iteda ömöayedö ökwödö babe möle ju̧kwadönö yötjawobö, ja̧danö jobadönö kwabö loköbaduwakobe. Jejenö kwabö loköbaduwiökwe, isabenö Dios lȩebakwawö̧ja. Jau isabenö Dios lȩebakwawö̧ja, kwa'dödö ja̧tjinadanö ja̧köbaduwiökwe okobe deinö Dios yöawi̧ yöbawadönö kwabö lotjiökwe Dios lȩebakwa̧ma ökwödö babe möle ju̧kwadönö badekwachakobe,

Lucas 22:30

Jau chömöledö, inesö la'aka luwo̧ ja̧nö, yöbawö wetocha, ja̧danö ökwödö chöba̧ja̧di̧ waisachadönö chiyobe, ötjökwö yöbawö weköbaduwobö. Jo̧kwajabetjö̧ ötjökwö luwedö kwö̧jaduwobetjö̧, ötjö ba̧nö chukwöte mesasötetjö ökwödöbi kwanöbi kwukwaduwakwedöja, ja̧danö owöbi kwowaduwakwedöja. Ja̧danö, ju'wibi Israel jojodö a̧li̧nösamutjö dösolataja saso jojodötjö tjuluwedö ja̧nö, luwedö tjiteaka wa̧kwawaökiya wamatö jobadönö yöbawö weköbaduwakobe— jö̧ba̧lö yöawinobe Jesúsma, iteda öba̧ja̧di̧ waisachadönöma.

Lucas 6:14

Simón, ju'wi imi Pedro jö̧ba̧lö Jesús imidinökwebi, Pedro öjawo̧ Andrésbi, Jacobobi, Juanbi, Felipebi, Bartolomébi,

Juan 4:33

Jejenö jö̧a̧lawö̧, Jesús öba̧ja̧di̧ waisachadöma wajwitjinobe wanedöda yöawi̧ma, Kwakwawada yöa̧la, jö̧ba̧lö. Jobadöma abebö tja̧ja̧kwakwawinobe, idödada: —¿Ti iyaja̧da kwakwawa jo̧banöma?—abebö tja̧ja̧kwakwawinobe, idödada.

Hechos 1:13

Ikenama Jerusalénnö ichibö jobadö tjabeju mösȩko̧nö, idöda tjabȩko̧nö tebachijadötö. Jobadöma bidö: Pedro, Juan, Jacobo, Andrés, Felipe, Tomás, Bartolomé, Mateo, Alfeo itji̧ Jacobo mikwo̧, Simón, jo̧bama romano jojodönö öpöjödo̧, Jacobo itji̧ Judas mikwo̧.

Efesios 2:20

Chömöledö, wanedö yötawa: Ökwödöma Dios ejudanö bakibinaduwobe. Kwöwaisaduwa, o̧do, inawiyatjö otikweju tjotidakwedöma, inawiya tjujunakwa̧ abönöma, niji sobö lödö 'dibatadö, la'aka 'diinö baibanö ja̧bö. Ja̧danö, Dios ejuma jo̧be, chömöledö. La'akama Jesús webawedö yötjawinakwö, Dios iwene yöbawadö yötjawinakwö jo̧be, la'aka jawama. Ikenama, Cristo Jesús itedama abönö tjujunawadanö jo̧, jwiinö otiwawa ji̧danö, jweawa ji̧danö. Ikenama ökwödöma, Jesúsnö ösödadöma jo̧bakwö, otiwawa ji̧danö jo̧kwö bakobe babibinadösa.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Hebreos 3:1

Isabenö, Jesúsma jwaikwöda i̧'yinobe Dios wei̧ a̧ja̧kwö. Jo̧kwaobetjö̧ chö̧ja̧wo̧dö, ökwödönö, Dios mölejȩbe kwö̧jaduwobö 'da̧batö ujuninawö̧nöma yötawaduwakwö. Dios Itji̧ Jesúsnö omukwata̧lö kwö̧jaduwo. Omukwataduwi. Jo̧ba Jesús yödawökweda, Bitema dö̧jibinö pjabato̧, jö̧ba̧lö. Chömöledö, Jesús, Dios yöawi̧ yöawobö weinökwema Diostjö jojodötjö ö'weje la'aka pjabato̧ baibanö jo̧. Jo̧banö omukwata̧lö kwö̧jaduwo chömöledö.

2 Pedro 3:2

Jau chömöledö, Dios ömöayedö iteda yöawi̧ yöbawadö damötjö yötjawina jawa kwomukwatibaduwobö chösöda, jo̧kwaijayonö ja̧damaökö. Jau chömöledö, ökwödö Jesús webawedö ökwödönö yödawinabi kwomukwatibaduwobö chösöda. Jau chömöledö, Duluwo̧ma böjȩnö ja̧nö ökwödönö yödawakwa̧ weinobe, ja̧danö ja̧ ökwödönö yödawinabi kwomukwatibaduwobö chösöda. Jo̧kwajabetjö̧, jejenö kwomukwatibaduwakobetjö̧, böja ökwödönö chiwȩyudajabe.

Apocalipsis 12:1

Ikenama ju'wi jwiinö juluwi̧ i̧sebi̧ma mölejȩnö öwawachobe chedijatö. Jobetjöma isujunö chedijatö. Jobujuma, kamijido̧ 'dutjawi̧danö möle ja̧wo̧ ö̧loko. Ja̧danö, jobujuma yö̧te ja̧wo̧nö ja̧ta̧lö bu̧ju. Ja̧danö, butjawaka, inesö la'aka luwedö tjubutjawi̧danö butjawuju. Jakanöma a̧li̧nösamutjö du̧ju̧tajanö si̧li̧'i̧dö tjö̧lajaka.

Apocalipsis 18:20

Ja̧danö chömöledö, ötjöma mölejȩbe ju̧kwadönö yöta̧lijatö, Kwo̧'wo̧duwi ösöwanö ja̧duwi, jö̧ba̧lö. Ja̧danö, ökwödö Dios ömöledö babibinadönöbi, Jesús webawedönöbi, Dios yöawi̧ yöbawinadönöbi, Kwo̧'wo̧duwi ösöwanö ja̧duwi, jö̧ba̧lö, yöta̧lijatö. Diosma ökwödönö inia tjököbaduwinö ja̧bujunö, balekwa mikwa iyö lȩebajobetjö̧, kwo̧'wo̧duwi ösöwanö ja̧duwi, jö̧ba̧lö yöta̧lijatö jobadönöma.

Apocalipsis 21:14

Ja̧danö, tjöekwemi teebema, inawiya ö̧wiyawi bo̧be, a̧li̧nösamutjö döwölatajanö. Ja̧ öwiyanöma Obeja Itji̧danö Jo̧ weinawö̧ tjimibiya wȩyukwa, bakwawakwena.