Lucas 6:12 - Dios Iwene

¹² Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Lucas 6:12 Iomraidhean Croise

Isaías 26:9

Chuluwo Dios, jwiinö chösödakwö, yö̧tebi jwaikwöda ökwönö ösödo̧sa. Cho̧'wo luwo̧ma jwaikwöda ökwönö isakwö jo̧ chuluwo̧. Jau chuluwo̧, bö̧jȩtjö lȩekwa yöbawö, lȩkebenama, bö̧jȩ jojodöma otiwanö jabö ja̧kwawa, weköbi̧ a̧ja̧kwö ja̧kwawa waisachibadö, jo̧kwajabetjö̧ jwaikwöda ökwönö isakwö jo̧sa.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Mateo 5:1

Ba̧jekwadö jo̧ba ökömanö ichajadönö edö, Jesúsma mö'ösa'o önöchinobe. Ja̧danö, jobe nöchajo̧ öbamatenama, iteda öba̧ja̧di̧ waisachadö jo̧ba ö̧bobekwö tjichinobe.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Marcos 3:13

Ikenama Jesúsma mö'ösa'obekwö 'ya̧nö, itekwö tjichobö jö̧a̧lawö̧nö a̧debö jwöbijetö. Jwöawö̧ma Jesús ö̧jobekwö 'yi̧jadötö.

Marcos 6:46

Ikenama öba̧ja̧di̧ waisachadö tji̧'yajabe okobe jojodönö: —Tjo̧wi̧ta. Ötjöma chi̧'ya— jö̧a̧laja̧ ikena, Jesúsma mö'ösa'obe 'yi̧jetö abe'donö abebö.

Lucas 5:16

Jejenö tjichibiökwe, Jesúsma otiwanö pjaatinobe jobadönö, jo̧kwaijayonö ju'wikwenama Jesúsma jojodötjö 'da̧bachibö, deobekwö i̧'yinobe, Diosnö aebobö.

Lucas 6:11

Ikenama, jejenö otikwökö möle ömamu 'wabo̧nö otidö loiawö̧, Moisés iwȩyudina ba̧ja̧dadöbi, fariseo jojodöbi jwiinö tjölabinobe Jesúsnö, ja̧danö Jesúsnö öpöjödö yötja̧lakwawinobe, Jesúsnö sulabenö ja̧tjakwa̧ma.

Lucas 6:17

Ba̧jekwadö jojodöma Jesús yöawi̧ tja̧ja̧kwoböbi, tjö'wöchi̧ Jesús otidö looböbi tjichinobe. Jobadö ichajadöma bidö: ba̧jekwadö Jesús öba̧ja̧di̧ waisachadöbi, ju'wedö okobe jwiinö judea nijitjö ichajadöbi, Jerusaléntjö ichajadöbi, jwaibalawa ö'öbö niji Tirotjö ichajadöbi, jwaibalawa ö'öbö niji Sidóntjö ichajadöbi. Jobadöma Jesúsnö edö tjichinobe, ja̧danö mö'ösa'otjö iteda webawedönö omudawö junajo̧, Jesúsma iteda öba̧ja̧di̧ waisachadökwö mö'ösa'otjö yutuajinobe, ba̧ba̧lawobekwö jojodö tjuju̧kwobe. Jobe jojodökwö ja̧nö, Jesúsma tjö'wöchi̧ otidö loinobe, ja̧danö jobadötjö tjo̧'wo̧ luwo̧nö sulabedönö juna̧ladönöbi pjaatinobe, tjo̧'wo̧ luwo̧nö sulabedönö a'dewö lobö.

Lucas 9:18

Ja̧danö, ju'wi möle Jesúsma iteda öba̧ja̧di̧ waisachadökwöda jojodötjö 'da̧bachibö i̧'yinobe, Diosnö aebobö. Ja̧danö, iteda öba̧ja̧di̧ waisachadökwöda ja̧nö, Jesúsma jobadönö abebö a̧ja̧kwinobe: —Ju'wedö jojodö ötjönö yötja̧li̧ma, ¿dakwö omukwatö yötja̧lobeda? Tjedemi ¿tichobeda ötjöma?— jö̧ba̧lö.

Lucas 9:28

Jejenö yöawaja̧ ikena jelemutjö wa̧pötakwa möle jenanö baledibajenama, Jesúsma Pedronöbi, Juannöbi, Jacobonöbi öbibö mö'ösa'obe önöchinobe, jobetjö Diosnö aebobö.

Lucas 9:29

Ja̧danö, jobe ja̧nö Diosnö aebonö, Jesús öbama balewachinobe, ja̧danö ökamijido̧ma salöinö dewinobe.

Juan 6:3

Ja̧danö, Jesús, iteda öba̧ja̧di̧ waisachadö, Tiberias ojwe badeibö lamatajadöma, isowitjö mebibö mö'ösa'o jobekwö 'ya̧jadö tjönöchinobe. Nöchajadöma jobema tjöbamatinobe.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

Hebreos 5:7

Ja̧danö, Jesúsma, böjȩnö jojo babibö bötjachajo̧ma yelösöda usula emawinobe. Ja̧danö Diosnö, woawatjö ö̧jibinö juluwo̧ Diosnöma budekwabinö aebinobe woawatjö ö̧jibinö pjaatobö. Jo̧kwaijayonö Diosma, ö̧jibinö pjabatökönö weinobe usula emawö woobö. Chömöledö ¿Diosma a̧ja̧kwinököji̧ iteda Itji̧ ubudekwi̧ma? Isabenö a̧ja̧kwinobe, Jesúsma Diosnö yebabinö edö jo̧ba wei̧ a̧ja̧kwöda ö̧jinobetjö̧.

1 Samuel 15:11

—Saulnö israel jojodö tjuluwo̧ baibanö omudawö chujunina omukwatö, cho̧'wo tjo̧achobe Samuel. Ajayinö Saulma otiwanö weti̧ a̧ja̧kwinobe, jo̧kwaijayonö ja̧ a̧ja̧kwö ö̧ji̧ kabatibö, weti̧ a̧ja̧kwökönö ja̧bö ö̧jobe, jo̧kwajabetjö̧ jo̧banö omudawö chujunina omukwatö cho̧'wo tjo̧achobe, —jö̧ba̧lö. Yöawökwe, Samuelma jwiinö o̧'wo tjo̧ekwinobe, ja̧danö yö̧te baledibanö budekwö aebinobe Isabenö Jo̧nö.