Lucas 5:1 - Dios Iwene

^1-2 Ju'wi möle, Jesúsma Genesaret mikwobu o̧pesobu jalobu ö'öbönö ja̧nö jojodönö yöawinobe. Jejenö yöawonö, ju'wedö Jesús ipjeanö tjö̧jinobe, ba̧i̧ jwobö otidadöma. Jesús yöawonö, jobadö ba̧i̧ jwobö otidadöma, ba̧i̧ jwobö kabatajadö tjisowibiyatjö mebibö mayabiya dichö tjotidinobe. Ja̧danö, jobadö tjotidonö, Jesúsma Dios iwene yöawinobe, ja̧danö ba̧jekwadö jojodö ichö ko̧ko̧kwö tja̧ja̧kwinobe, Jesús yöawonö. Ja̧danö, tjöba̧jekwobetjö̧, Jesús yöawi̧ tja̧ja̧kwotö jö̧ba̧lö ichajadö jojodöma tjöjisabikwawinobe. Jejenö tjöjisabikwawiökwe, Jesúsma omukwatinobe, ja̧danö omukwatö edinobe isowibiya dowilataja öwiya, ba̧i̧ jwobadö tjisowibiyama, ja̧danö a̧jibobö omukwatinobe.

Lucas 5:1 Iomraidhean Croise

Mateo 11:12

Chömöledö, Juan Ojwenö Bu̧dato̧ ötjabökwe yöawinena baikwö bajalenö, ju'wedö Dios la'aka luwo̧ ö̧jakwa̧ öpöjödadöma labinö ölakwabikwawö tjö̧jajabe, ja̧danö tjujuluwobö tjisakwajabe.

Mateo 14:34

O̧pesobu petjibaja̧ ikenama, Genesaret nijinö tjölamatinobe.

Marcos 3:9

Ikenama Jesús ba̧jekwadönö otidö loajiawö̧, ö'wöchadöma ba̧jekwadö iteda ö̧jobekwö 'yi̧jadötö. Jobadöma Jesús ö̧jobekwö ba̧jekwadö ichö, Jesúsnö matjotö jö̧ba̧lö, isayunö bakobe 'diinö tjisawijadötö. Jobadö jejenö tjichajiökwe, jwiinö isayunö bakobe 'diinö tjisawapji jö̧ba̧lö, Jesúsma webijetö iteda öba̧ja̧di̧ waisachadönö isowi tjichejebobö, a̧jibotö jö̧ba̧lö.

Marcos 4:1

Ikenama Jesúsma yemidanö o̧pesobu ö'öbö ja̧nö yöbawijetö. Ba̧jekwadö ko̧ko̧kwö tjuju̧kwiökwe Jesúsma, okobe deinö otiwanö tja̧ja̧kwo jö̧ba̧lö, isowinö, o̧pesobu lo̧winö a̧jijetö, okobe deinö jojodö o̧pesobu ö'öbö tjuju̧kwonö.

Marcos 5:24

Jejenö aebökwe itekwöda 'yi̧jetö ejube. Ju'wedöbi ba̧jekwadö, ajayi ichajadöma, ökömanö 'yi̧jadötö. 'Ya̧nö isayunö bakobe 'diinö tjisawijadötö Jesúsnöma.

Marcos 6:53

Ikenama badeibö ichibajadö Genesaret mikwobe lamatijadötö. Lamatajadö isowinö nubijadötö.

Lucas 12:1

Yelösöda ba̧jekwadö jojodöma tjoko̧ko̧kwachibinobe, ja̧danö yelösöda ba̧jekwadö tjo̧ko̧kwachibobetjö̧ ja̧tabikwawö tjö̧jinobe. Ja̧danö, jojodö ichö tjo̧ko̧ko̧kwonö, Jesúsma iteda öba̧ja̧di̧ waisachadönö yöawinobe: —Chömöledö, wanedö yötawa, te'ada̧lönö kwö̧jaduwo, fariseo jojodö tjujuna̧li̧ ye'yeachi̧ jawa ökwödönöbi ye'yeachapji jö̧ba̧lö. Jobadö tjujuna̧li̧ ye'yeachi̧ jawama dötölatajanö omukwatakwawa, baikwö labebö lobö yötawa chömöledö. Jobadöma okwanö sulabenö tjo̧mukwatijayonö, wamenö otiwanö omukwatadödanö tjichejekwobe, ja̧danö tjomukwatobe, sulabenö domukwatijayonö wene jwia, la'akatjöda sulabenö domukwati̧ma öwawökakobe— jö̧ba̧lö wanedö yöawinobe—.

Lucas 8:22

Ju'wi möle, Jesúsma iteda öba̧ja̧di̧ waisachadökwö isowinö a̧jibinobe, ja̧danö jobadönö yöa̧linobe: —Tupakwö o̧pesobu bakwachobube pedibaduwo— jö̧ba̧lö. Yöa̧liawö̧, petjibotö jö̧ba̧lö latjebinobe,

Lucas 8:23

ja̧danö petjibonö Jesúsma abibinobe bö̧ti̧lö̧jabobetjö̧. Ja̧danö, pjetjibemi ja'ötjö, jwa̧lȩ'epjo labinö doibajinobe, ja̧danö balawa loobetjö̧ isowi su̧'bȩ babibö meajo jö̧a̧linobe.

Lucas 8:33

ja̧danö jojotjö labebajö ku̧si̧dönö tebachibö tjöjamatinobe tjo̧'wo̧ luwo̧nö sulabedö ja̧döma. Ja̧danö jejenö tetjachibawö̧, okobe deinö ku̧si̧döma mö'ösa'otjö ya̧likwaobe yutubakwaibö labinö ö'öbakwawö södöbakwaibö o̧tjawinobe o̧pesobunö.

Lucas 8:45

Jejenö baibiökwe, Jesúsma abebö a̧ja̧kwinobe: —¿Ti ötjönöma maaja̧da?— jö̧ba̧lö. Abebö a̧ja̧kwawö̧, okobe deinö, Ötjömaökö, jö̧ba̧lö tjatadakwawinobe. Ja̧danö, Pedroma Jesúsnö yöa̧linobe: —Chuluwo̧, ba̧jekwadö isayunö bakobe kwedachobe, ja̧danö ba̧jekwadö tjösawobetjö̧ ba̧jekwadö ökwönö matjajena— jö̧ba̧lö.

Juan 1:40

Jobadö du̧ju̧taja, Juan yöawi̧ a̧ja̧kwaja̧ ikena Jesúskwö 'ya̧jadötjö bakwo̧, Andrés mikwinobe, Simón Pedro öjawo̧.

Juan 6:1

Jemi ikenama Jesúsma, iteda öba̧ja̧di̧ waisachadökwö Galilea ojwe pebibö i̧'yinobe. Jödö Galilea ojwema, Tiberias ojwe ötjabödö. Imi dötölataja ötjabödö.

Deuteronomio 3:17

Ja̧danö ju'wibi, Araba ötjabobe niji jobadönö chiyijatö, u'da Galilea o̧pesobutjö, Araba o̧pesobu, ju'wi imi Mar Muerto mikwobube ichibanö, ja̧danö jemi tupakwö, Pisga mösa'o ö'öböbe ichibanö. Jobekwö laebobe jobadönö chiyina niji jawo̧ meajobekwö bakwachobema, —jö̧ba̧lö yöawinobe Moisesma.

Hebreos 13:7

Chömöledö, kwomukwataduwo ökwödönö ajayinö Jesús yöawina wene yöbawinadönö, kwöwaisachibaduwinö pjabatinadönöma. Jobadö Diosnö tjo̧'wo̧ wana̧lö tji̧'yina kwomukwataduwo. Jobadöma okobe jwiinö tjö̧ji̧ma, wotjenanö baibanö, Diosnö tjo̧'wo̧ wana̧lö tji̧'yinobe. Chömöledö, jobadö tjö̧jinadanö ökwödöbi kwö̧jaduwo, Diosnö kwo̧'wo̧duwi wana̧lö. Ja̧danö, jobadö yöbawinadöma jweinö yötjawinobe Jesucristonöma.

Josué 12:3

Ja̧danö ju'wibi, okobe jwiinö Jordan mikwödötjö jawo̧ laebobekwö Araba ötjabobe niji̧ weinobe, Galilea o̧pesobutjö jamatö, jawo̧ laebobekwö bajalenö weinobe, ja̧danö a̧likwö jwaibalawa Mar Muerto ötjabawa ö'öbö comunidad Bet Yesimotbe ichibanö, ja̧danö jemi tupakwö mösa'o Pisga mikwa'o ö'öböbe ichibanö. Okobe jwiinö ja̧ nijima la'aka luwo̧ Sijon mikwo̧ma weinobe, ja̧danö israel jojodöma jo̧banö tjujuluwinobe, ja̧danö juluwajadö, iteböinemi 'dötjebinobe.

Josué 13:27

Ja̧danö ju'wibi, wabeko comunidadtenia iyinobe, Bet Aram comunidadbi, Bet Mirma comunidadbi, Sucot comunidadbi, Zafon comunidadbi, ja̧danö okobe jwiinö ju'wi ajayinö Hesbon comunidad la'aka luwo̧ Sijon weinemi jobadönö iyinobe. Jawo̧ meajobekwö, tjitebo niji bakwachobema Jordan ojwe ji̧nobe, ja̧danö u'dakwö, Galilea o̧pesobuma tjitebo bakwachobe ji̧nobe. Jobetjö jawo̧ laebobekwö nijima, Gadsaso jojodö tjitebo baibanö iyinobe.