Lucas 4:44 - Dios Iwene

⁴⁴ Ja̧danö, jemi tupakwö Jesúsma Judea nijitjö judío jojodö ba̧nö tja̧ja̧kwa̧lejutenia techaiabö kwebachö yöbawö i̧'yinobe.

Lucas 4:44 Iomraidhean Croise

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Marcos 1:39

Jo̧kwaobetjö̧, okobe jwiinö Galilea niji kwebachö 'yi̧jadötö. Jobe comunidadkwena ichö Jesúsma judío jojodö ba̧nö tja̧ja̧kwa̧leju okwa tebachö yöbawijetö. Tjo̧'wo̧ luwo̧nö sulabo̧ ö̧jawö̧nö pjabatö, sulabo̧nö a'dewö loböbi lobijetö.

Lucas 5:1

Ju'wi möle, Jesúsma Genesaret mikwobu o̧pesobu jalobu ö'öbönö ja̧nö jojodönö yöawinobe. Jejenö yöawonö, ju'wedö Jesús ipjeanö tjö̧jinobe, ba̧i̧ jwobö otidadöma. Jesús yöawonö, jobadö ba̧i̧ jwobö otidadöma, ba̧i̧ jwobö kabatajadö tjisowibiyatjö mebibö mayabiya dichö tjotidinobe. Ja̧danö, jobadö tjotidonö, Jesúsma Dios iwene yöawinobe, ja̧danö ba̧jekwadö jojodö ichö ko̧ko̧kwö tja̧ja̧kwinobe, Jesús yöawonö. Ja̧danö, tjöba̧jekwobetjö̧, Jesús yöawi̧ tja̧ja̧kwotö jö̧ba̧lö ichajadö jojodöma tjöjisabikwawinobe. Jejenö tjöjisabikwawiökwe, Jesúsma omukwatinobe, ja̧danö omukwatö edinobe isowibiya dowilataja öwiya, ba̧i̧ jwobadö tjisowibiyama, ja̧danö a̧jibobö omukwatinobe.