Lucas 4:42 - Dios Iwene

⁴² Jemi ikena ju'wi möle dewachena, Jesúsma jobetjö labebö i̧'yinobe jojodö deobe. Jejenö laebajiawö̧, jojodöma jo̧banö tjisakwinobe, ja̧danö jo̧banö tjöbadekwajenama jo̧banö lȩbebö yötja̧linobe, baikwö: —Benada ökwödökwö kwö̧jo, jelobö kwi̧'yoko— jö̧ba̧lö.

Lucas 4:42 Iomraidhean Croise

Marcos 1:45

Jejenö ju'wedönöma yökawoko, jö̧ba̧lö lȩebajayonö i̧sȩdo̧ ö'wöchaja̧ söawajökwema labebö jojodönö yöba̧lö kwebachijetö, Jesús otidö loaja̧ma ba̧jekwadö tjöwaisachibanö. Ba̧jekwadö tjöwaisiökwe, Jesúsma jojodö tjuju̧kwemima tjeda̧lonö teachoböma jwibijetö, ba̧jekwadö tjichapji jö̧ba̧lö. Jojodö deenada ji̧jetö. Jobema, jojodö deena ö̧jijayonö jojodöma jelobetjöbi jelobetjöbi 'yi̧jadötö Jesús ö̧jobema.

Lucas 24:29

ja̧danö jejenö ichejekwiawö̧, jo̧banö atjeba̧linobe: —Ida̧ökö möle baledibajabe, ja̧danö juluwanö yi̧ibakobe, jo̧kwajabetjö̧ tebachö ökwödökwö ja̧wi— jö̧ba̧lö. Atjebiökwe, jobadökwö ja̧nö teachinobe.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Juan 4:40

Jo̧kwaobetjö̧, jobadö Samaria jojodö Jesús ö̧jobekwö ichibö, lȩtjebinobe, Ökwödökwö ji̧bi, jö̧ba̧lö, Jesúsnöma. Jejenö lȩtjebökwe jobadökwö ö̧jibinobe Jesúsma, dötölataja möle.

Juan 6:24

Ja̧danö, kwajadöma, Jesús, jo̧ba öba̧ja̧di̧ waisachadöbi detjiawö̧, jowi ichajaowibiyanö a̧jibö pebibö tji̧'yinobe Capernaúmbe, Jesúsnö isakwö.