Lucas 4:36 - Dios Iwene

³⁶ Jejenö balediawö̧, jojodöma tjöbajale jalaka baibanö yötja̧lakwawinobe: —Ayö, bite Jesúsma ¿dakwö jejenö yöbawo̧jö? Bite Jesúsma luwo̧ wei̧danö ujulunö tjo̧'wo̧ luwo̧nö sulabe ja̧dönöma webo̧, ja̧danö wei̧danö labebadö— jö̧ba̧lö yötja̧lakwawinobe.

Lucas 4:36 Iomraidhean Croise

Mateo 9:33

Jesús o̧'wo̧ luwo̧nö sulabo̧nö a'dewö loaja̧ ikenama, jo̧ba yöba̧lö̧kö̧ma yöa̧linobe. Ja̧danö okobe deinö edadöma tjöbajale jalaka baibanö tjö̧jinobe: —¡La'akatjöda biya̧jaye baledi̧ma ditebo Israel nijitjöma edajidökötö! — jö̧ba̧lö yötja̧linobe.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Marcos 7:37

Ja̧danö, ju'wedöma ja̧ yötja̧li̧ a̧ja̧kwö: —¡Ayö! Jo̧ba okobe jwiinö otidi̧ma otiwanö otido̧. A̧ja̧kwöködönöbi tja̧ja̧kwinö otidö lobo̧. Yöba̧löködönöbi yötja̧linö otidö lobo̧— jö̧ba̧lijadötö.

Lucas 2:18

Okobe deinö a̧ja̧kwadöma tjöbajale jalaka baibanö tja̧ja̧kwinobe.

Lucas 4:32

Ja̧danö, luwo̧ yöawi̧danö otiwanö öba̧ja̧diawö̧, tjöbajale jalaka baibanö tja̧ja̧kwinobe.

1 Pedro 3:22

Ja̧danö, woawatjö tjebachajo̧, Cristoma mölejȩbe kaekwajinobe chömöledö, ja̧danö jobe Dios öwaisobekwöchobe inesö la'aka luwo̧ ö̧bena öbamatinobe. Ja̧danö chömöledö, okobe deinö ángelesdötjöbi, böjȩ luwedötjöbi, mölejȩbe luwedötjöbi la'aka tjuluwo̧ma jo̧bada, Cristoda. Ja̧danö chömöledö, babe usula kwemawaduwijayonö, kwo̧'wo̧ ösöwanö kwö̧jaduwena, baledajadö ökwödöbi Dioskwö dö̧jakwedösa jö̧ba̧lö.