Lucas 4:35 - Dios Iwene

³⁵ Jo̧kwaijayonö Jesúsma, jo̧banö wi̧i baibobö yöawinobe, Yöka̧la, jö̧ba̧lö, ja̧danö jojo o̧'wo̧ luwo̧tjö laebobö weinobe. Weökwe, ö̧jajökwe jojonö nijibe mebö öbamatobö ja̧inobe, ikenama, o̧'wo̧ luwo̧nö sulabo̧ ba̧jo̧ma laebajinobe, jojonö suli̧ waedökönö.

Lucas 4:35 Iomraidhean Croise

Mateo 17:18

Ikenama, Jesúsma tjemu o̧'wo̧ luwo̧nö sulabo̧nö weinobe, tjemutjö laebobö, ja̧danö laebenama, juluwanö otiwanö baibinobe tjemuma.

Mateo 8:26

Jejenö yötja̧lökwe, Jesúsma atadinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Ikenama, a̧laibö Jesúsma weinobe jwa̧lȩ'epjo yöachibobö, ja̧danö balawa loaja̧bi yöachibobö. Jejenö weenama, ja̧ jwiinö baibinobe, ja̧danö o̧pesobuma yöachibinobe.

Marcos 1:26

Ikenama, omönanö o̧'wo̧ luwo̧nö sulabo̧ma jojonö tjö̧awibanö labinö ja̧bibö, jwöbeba̧libö labebajijetö.

Marcos 4:39

Jejenö jö̧tja̧lökwe, Jesúsma a̧laibö, jwa̧lȩ'epjobi o̧pesobubi labinö yöba̧lijetö: —Wi̧ babibö yöbachibi—jö̧ba̧lö. Jejenö jö̧a̧lemi jwa̧lȩ'epjoma yöachibijetö. Balawa loaja̧bi loökönö babibijetö.

Marcos 9:26

Jejenö weökwe, o̧'wo̧ luwo̧ sulabo̧ma jwöeba̧lobö ja̧bijetö tjemunö, buluka baibanö. Jejenö ja̧bö labebajijetö o̧'wo̧ luwo̧nö sulabo̧ma. Laebajabe okobe tjemuma ö'wö babibajo̧danö ichejekwiawö̧ ba̧jekwadö yöba̧lakwawijadötö, Ö'wö baibajabe, jö̧ba̧lö.

Lucas 11:22

Jo̧kwaijayonö jo̧batjö bajalekwönönö juluwo̧ ichibö mebibö jo̧banö ujuluwitjö̧ma, itea emena, ¿jö̧tö? Jau, juluwo̧ma, Aaa, tjöekwado̧ 'diado̧ 'dutawobetjö̧, jelo̧ ötjönö ujuluwobö jwiena jö̧ba̧lö omukwatijayonö, jo̧banötjö bajalekwönönö juluwo̧ ichibö ujuluwena. Ja̧danö juluwajo̧, tjöekwado̧bi 'döebena, ja̧danö okobe jwiinö iteabi wene jwiinö 'döbebö emena. Jejenö ichejekwobe ötjö Awetjanö chujuluwi̧ma, ötjöma jo̧banö juluwajo̧, jo̧ba ömöayedönö a'dewö lobo̧sa— jö̧ba̧lö yöa̧linobe Jesúsma.

Lucas 4:23

Ikenama Jesúsma jobadönö yöa̧linobe: —Chöwaisa kwomukwataduwi̧ma. Okobe deinö tjöwaisa waisadö dötölödönö wanedö yötja̧li̧ma. Baikwö laebobe: Bakwo̧ dötölö jawa isabenö waiso̧ ö̧jitjö̧ma, sule ju'wedönöda pjaatakwawama öwaisökena, iteda ö'wöchi̧ otikwö loawabi öwaisena, ¿jö̧tö? Jo̧kwajabetjö̧ isabenö dötölö kwö̧jitjö̧ma ökwöda kwö'wöchi̧tjö kwö̧bibajinö otikwö lobi. Ja̧danö, ökwöda kwö'wöchi̧ otikwö loköbobö kwöwaisitjöma, jenada döwaisena, isabenö ökwödönöbi pjakatobö kwöwaisobe, jö̧ba̧lö waisadö dötölönö wanedö yötja̧li̧ laebobe, ¿jö̧tö? Ja̧danö, ja̧ yötja̧li̧ laebachi̧danö ötjönö weköbaduwena. Baikwö yötawa: Ötjönö kwa̧ja̧kwaduwajabe, Jesúsma Capernaúm comunidadtjö iteda ujulu i̧sebinobe, jö̧ba̧lö, ¿jö̧tö? Ja̧ wene a̧ja̧kwö ökwödönöbi chi̧sebotö jö̧ba̧lö weköbaduwena. Jau, ötjönö weköbaduwena: Isabenö Capernaúmtjö kwujulu kwi̧sebinatjö̧ma, belö a̧dekwanö kwitebotjöbi kwujulu i̧sebi, isabenö kwujuluwojobö dedakobetjö̧, jö̧ba̧lö ötjönö weköbaduwena, ¿jö̧tö? Jelobetjö chi̧sebinadanö, belöbi chi̧sebobö weköbaduwobe— jö̧ba̧lö yöa̧linobe Jesúsma, jo̧banö öpöjödadönöma.

Lucas 4:39

Jejenö atjebökwe, jö̧bapjo kamapjo ö'öbönö ja̧nö, nia'otjö jö̧bibajobö weinobe, ja̧danö juluwanö nia'otjö jö̧bibajinobe. Ikenama jobujuma a̧laibö, kwakwawa jotidinobe tjukwobö.

Lucas 4:41

Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.

Lucas 8:24

Jejenö balediawö̧, Jesúsnö wiludö labinö jwötjeba̧linobe: —Duluwo̧, Duluwo̧, mebajö o̧dibakobe— jö̧ba̧lö. Jwötjeba̧liökwe, Jesúsma wiluinobe, ja̧danö a̧laibö, jwa̧lȩ'epjo yöachibobö yöa̧linobe, ja̧danö balawa loaja̧bi yöachibobö yöa̧linobe. Yöa̧lenama juluwanö yöachibinobe jwa̧lȩ'epjoma, ja̧danö o̧pesobubi juluwanö yöachibinobe.

Lucas 9:39

Chitji̧ma isabenö usula emawo̧, o̧'wo̧ luwo̧nö sulabo̧ ö̧jobetjö̧. Jejenö ö̧jökwe, kabatökönö usula emawobe chitji̧ma, usula emawi̧tjö chitji̧ jwöeba̧linö. Isabenö chitji̧nö usula emawinö ja̧bo̧ o̧'wo̧ luwo̧nö sulabo̧ma, bulukanö 'dö̧bachibö usula emawobö ja̧bo̧, aasobu itjei'wonö ja̧bö. Jo̧banö kwakwaobedanö jo̧be, ja̧danö kabatökönö chitji̧ usula emawinö ja̧obe, sule ju'wikwenada usula emawökönö.

Lucas 9:42

Weökwe, Jesús ö̧jobekwö ichejebinobe itji̧nö, ja̧danö tjichonö, o̧'wo̧ luwo̧nö sulabo̧ jo̧ma tjemu bulukanö 'dö̧bachibö meobö ja̧inobe. Ikenama Jesúsma o̧'wo̧ luwo̧nö sulabo̧ jo̧nö weinobe, tjemu o̧'wo̧ luwo̧tjö laebajobö, ja̧danö tjȩmunö otidö lobajo̧, abe'donö tjeatinobe itji̧nö.

Apocalipsis 12:12

Ja̧danö, Awetjanö tjujuluwinobetjö̧ ökwödö mölejȩnö ju̧kwadöma, otiwanö, kwo̧'wo̧duwi ösöwanö ju̧kwaduwi, jobema deobe Awetjama. Jo̧kwaijayonö jejenömaökö böjȩnö ju̧kwadöma. Yelösöda kwo̧'wo̧duwi ösöwanöma kwö̧jaduwokobe. Böjȩkwö jatjajökwema, yelösöda ölakwabikwawobe ökwödönöma. Jo̧bama öwaisa, Tjo̧wi̧, chö̧ji̧ma 'dö̧ibaja, lekwökö, jö̧ba̧lö. Jo̧kwaobetjö̧ ökwödönö labinö, inia tjököbaduwinö ja̧obö omukwato̧— jejenö mölejȩbetjö iwene yöawi̧ cha̧ja̧kwijatö.