Lucas 4:29 - Dios Iwene

²⁹ ja̧danö jo̧banö kwabö lotjobö jö̧tja̧linobe. Ja̧ comunidadma mö'ösa'o bajale ö'öbö ji̧nobe, jo̧kwajabetjö̧ Jesúsnö jibö dötjebinobe bajalekwö, nijakwö jibö döbebö Jesúsnö kwabö lotjotö jö̧ba̧lö.

Lucas 4:29 Iomraidhean Croise

Lucas 4:28

Jejenö yöa̧liawö̧, okobe deinö ko̧ko̧kwö ba̧jadöma jwiinö tjölabinobe Jesúsnö,

Juan 8:37

Ina yöawinobe: —Chöwaisa. Ökwödöma Abrahamtjö tupadanö jojodöja. Ja̧danö, Abrahamtjö tupadanö jojodököbaduwijayonö ötjönö kwabö loköbaduwotö jö̧ba̧lö kwisakwaduwobe. Ötjö yötawi̧ a̧ja̧kwö kwo̧'wo̧ luwo̧nö kwöpöjödaduwobetjö̧ kwabö loköbaduwobö jö̧ka̧laduwobe.

Juan 8:40

Jo̧kwaijayonö ökwödöma jejenöma kwomukwataduwokobe. Jelobekwö omukwatö ötjönö kwabö loköbaduwotö jö̧ba̧lö kwomukwataduwobe. Ötjöma isabenö yöbawo̧sa, Dios yöawi̧ cha̧ja̧kwinama. Jo̧kwaijayonö ökwödöma kwabö loköbaduwobö jö̧ka̧laduwobe ötjönöma. Jejenöma Abrahamma omukwati̧danömaökö omukwatö kwö̧jaduwokobe.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Hebreos 13:12

Ja̧danö chömöledö, jo̧ba iyajökwe a̧tjȩo̧nö jojodö tjö̧jemi tupakwö juwö lotjinökwema Jesúsnö öwanekwachinobe, isabenö jo̧ iyawakwo̧nö. Jo̧kwaobetjö̧ Jesús itedada iyawena, jo̧babi jojodö tjö̧jemi tupakwö usula emawö woinobe. Chömöledö jobetjöda Jesúsma itedada iyawinobe, ökwösobu ebawinö, jojodö tjusula tjumusidi̧ midawö. Jejenö jojodö tjusuli̧ dichö lobö imidawinobetjö̧, jojodöma dichawedö, otiwadöda, Dios öba a'oma ichibadö, Jesúsnö do̧batö emadöma. Chömöledö, ökwödöma Jesús dö̧jibinö pjaatinawö̧sa. Jo̧banö ösödadösa. Ja̧danö, Dios öba a'oma suli̧ dichawedö ichibadösa. Jo̧kwaijayonö ju'wedö, Dios ajayinö yöbawö ujunina wei̧ a̧ja̧kwadöma Jesús pjaati̧tjö tjemoböma jwibadö. Jau chömöledö, jobadöma jojodö tjö̧jemi tupakwö tjujuwobö weinökwe itebiya tjukwobö jwii̧danö Jesús pjaati̧tjö tjemoböbi jwibadö. Jo̧kwaobetjö̧ jobadöma Dios öba a'oma suli̧tjö dichawedödanö ichiböködö.