Lucas 4:13 - Dios Iwene

¹³ Jemi ikenama, Jesús sulabenö ja̧ojobö jö̧ba̧lö edö kabatajo̧, Awetjama Jesús ö̧jelö laebajinobe, tupakwöda yemidanö edö ja̧tena sulabenö ja̧ojobö jö̧ba̧lö.

Lucas 4:13 Iomraidhean Croise

Mateo 4:11

Jejenö weökwe, Awetjama laebinobe. Ja̧danö jemi ikenama ángelesdöma ichö Jesúsnö te'ada̧lö pjatjatinobe.

Lucas 4:12

Jejenö weökwe, Jesúsma öpöjödö atadinobe, baikwö: —Jejenöma dötökö. Baikwö laebobe Dios iwene: Kwuluwo̧ Dios dakwö ujuluwo jö̧ba̧löbi, dakwö ja̧o jö̧ba̧löbi ja̧bökönuwi— jö̧ba̧lö atadinobe Jesúsma.

Lucas 4:14

Jemi ikenama Jesúsma Galilea nijibe ȩwa̧jinobe, ja̧danö Dios O̧'wo̧ Luwo̧ ujulunö jojodönö yöawinobe. Judío jojodö ba̧nö tja̧ja̧kwa̧lejutenia techaiabö yöawinobe Jesúsma, ja̧danö isabenö otiwanö yöawobetjö̧, yöawi̧ a̧ja̧kwö okobe deinö jo̧banö otiwanö yötja̧lakwawinobe, isabenö Jesúsma otiwanö yöbawo̧, jö̧ba̧lö. Jejenö Galilea niji bakwameachibanö, ja̧danö jobe ö'öbö niji bakwameachibanö jojodö jo̧banö tja̧ja̧kwinobe.

Juan 14:30

Tjo̧wi̧, babema yötawökö nöinöma. Ida̧ökö böjȩ la'aka luwo̧ Awetja weajawö̧ ötjönö do̧batö tjicha. Jo̧kwaijayonö jo̧ba Awetjama ötjönöma juluwö̧kö̧.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.

Santiago 4:7

Jo̧kwaobetjö̧ chö̧ja̧wo̧dö, Ökwödöma luwedösa, jö̧ba̧lö, omukwatökönö, Dios ösödi̧da isakwö kwö̧jaduwo. Jejenö ja̧nö Awetjanö kwöpöjödaduwo, jo̧ba ösödi̧ ja̧bökönö. Jejenö jo̧banö öpöjödö, jo̧ba ösödi̧ ja̧bökönö kwö̧jaduwiökwe jo̧bama kwö̧jaduwobetjö döibajakwo̧.