Lucas 3:5 - Dios Iwene

⁵ Okobe jwiinö waabekoemi o̧tjö ba̧ba̧ladö dotidaduwo, ja̧danö okobe jwiinö mö'ösa'ijuma sobö ba̧ba̧ladö dotidaduwo, ba̧ba̧lawama baibanö. Wi̧su̧amama jweama baibanö dotidaduwo, ja̧danö okobe jwiinö waabe'diyuemi sobö iwebö ba̧ba̧ladö dotidaduwo.

Lucas 3:5 Iomraidhean Croise

Isaías 40:4

Okobe jwiinö wabekoemi o̧tjö̧ ba̧ba̧ladö kwotidaduwo, ja̧danö okobe jwiinö mösa'ijuma sobö ba̧ba̧ladö kwotidaduwo. Baba̧lajököma, ba̧ba̧ladö kwotidaduwo, ja̧danö yalikwaemitenia ba̧ba̧ladö kwotidaduwo, duluwo̧ jweinö ichakobetjö̧.

Isaías 42:16

Ja̧danö, chömöledö tjöbajale tjewawadödanöbedönö pjatatocha. Jobadönö ötibakwo̧sa, mana edajitjökö mananö kwetjachobö. Ötjöda jobadönö jwetebakwo̧sa, ja̧danö tjöba a'otjö yȩa'woma, dewi̧ baibanö balewö lotakwo̧sa, otiwanö tjedakobetjö̧. Ja̧danö niji ya̧likwaobe inakoobema, ba̧ba̧ladö chotidocha, ba̧ba̧lawamanö otiwanö kwetjachakobetjö̧. Jobekwö isabenö chömöledönö pjatatakwo̧sa, ja̧danö jobadönö le'dedö lotökakwo̧sa.

Isaías 45:2

Ciro, ötjöda kwabönö 'ya̧nö, mösa'iju ba̧ba̧ladö lotocha, wene jwiinö kwi̧'yobö, ja̧danö ötjöda comunidad apjude broncetjö otikwade 'dabebö lotocha, wene jwiinö comunidad tekachobö, ja̧danö 'dii jawatjö otikwa 'diebaso̧jwa̧ ötjöda 'debatö lotocha, wene jwiinö 'ya̧nö kwujuluwakobetjö̧.

Isaías 49:11

Ja̧danö mösa'ijuma, mana ba̧ba̧lawama baibanö ja̧takwo̧sa, ja̧danö mana jalama chotidakwo̧sa, otiwanö kwetjachakobetjö̧. Jobekwö wanedö yöta̧la chömöledö israel jojodönö pjatatakwa̧ma .

Santiago 1:9

Ja̧danö, ökwödö chö̧ja̧wo̧dötjö böjȩ jawa jwibadönö, usulasedö, jö̧ba̧lö, ötjabiwö̧nö yötawaduwakwö. Ökwödöma jwiköbaduwobetjö̧ kwö̧jaduwi̧ma waiya, yelösöda. Jo̧kwaijayonö, ¡Ökwödöwe, usulasedösa! jö̧ba̧lö, kwomukwataduwoko chö̧ja̧wo̧dö. Ju'wi kwomukwataduwobö jo̧be, biya̧: Diosma ökwödönö möakwö kabebö edö yöa̧lobe, Bidöma jwiinö mikwawadö, jö̧ba̧lö. Chö̧ja̧wo̧dö böjȩ jawa jwiköbaduwijayonö kwo̧'wo̧duwi ösöwanö, Dios i̧tji̧mudobetjö̧ jwiinö mikwawadösa, jö̧ba̧lö, omukwatö kwö̧jaduwo.