Lucas 3:23 - Dios Iwene

²³ Jesúsma treinta o̧biya jenanö ujuna̧lenama, jamatö yöawinobe jojodönö. Ja̧ yöbawö ö̧jina wene chiwȩyudakwa̧ abönö, baikwö Jesús a'dödö tjimibiya chiwȩyudobe, jo̧banö kwöwaisobö, Isabenö Jesúsda Dios weakwo̧ jö̧a̧linökwe, jö̧ba̧lö. Jau, damötjö Diosma yöbawö ujuninobe, wetakwo̧ jö̧ta̧lökwema, bite ö̧'dö̧dötjö tupadanö jojoakobe, ja̧danö bitebi ö̧'dö̧dötjö tupadanö jojoakobe jö̧ba̧lö. Jo̧kwajabetjö̧ Jesús a'dödö tjimibiya chiwȩyuda, ja̧ Dios yöbawö ujuninama, Isabenö Jesúsnöda badekwachobe, jö̧ba̧lö öwaetjöda öwawobö. Jesúsma okobe deinö tjo̧mukwatinökwe, José itji̧, jö̧ba̧lö, ja̧danö Joséma Elí itji̧inobe.

Lucas 3:23 Iomraidhean Croise

Génesis 41:46

Joséma Egipto la'aka luwo̧ faraón wei̧ jamatö otidena treinta a̧yo juna̧lijetö. Ja̧danö, otidiabijetö Joséma faraón ö̧jelö labebö okobe jwiinö Egipto nijinö kwebachö 'ya̧nö.

2 Samuel 5:4

David israel jojodö tjuluwo̧ ö̧jina wene baikwö laebobe. Treinta o̧bia juna̧lo̧, ajayinö la'aka luwo̧ baibinobe Davidma, ja̧danö cuarenta o̧bia baledibanö la'aka luwo̧ ö̧jinobe.

Mateo 1:1

Baikwö laebobe Jesucristo a'dödöminenö yöawa'yema. Jo̧ba Jesucristoma Davidmine itji̧ tupadanö jojo, ja̧danö Davidma Abraham itji̧ tupadanö jojoinobe. Baikwö laebobe Jesucristo a'dödöminenö yöawa'yema:

Mateo 1:16

Jacobma José mikwo̧ abe'doinobe, ja̧danö Joséma María mikwujunö eminobe, ilekwo bajibanö. Jobuju Maríama jitji̧ Jesúsnö jeminobe, ja̧danö Jesúsma, Cristo jö̧ba̧lö ötjabökwe, Dios weakwo̧ jö̧a̧linökwe jö̧ba̧lö.

Mateo 1:6

ja̧danö Isaíma la'aka luwo̧ David mikwo̧ abe'doinobe. Davidma Uríasmine wobö ujunibinoko jitji̧ Salomón mikwo̧ abe'doinobe.

Mateo 13:55

Jo̧bama towi ötebiyatjö otido̧ José itji̧, ¿jö̧tö? Ja̧danö, ojo'doma bemi jojosuju María, ja̧danö ö̧ja̧wo̧döma bemi jojodö Jacobobi, Josébi, Simónbi, Judasbi mikwadö, ¿jö̧tö?

Mateo 4:17

Ja̧ möle Jesúsma jamatö yöawinobe, jojodönö yöawi̧ma, baikwö: —Sulabenö kwomukwataduwi̧ kabatibö balewachaduwi, Dios la'aka luwo̧ ö̧jakwa̧ möle yöneawachibobe— jö̧ba̧lö jamatö yöawinobe.

Marcos 6:3

Bitema döwaisökwe, bemida jojo. Towitjö otikwa jojoda. Bemida ju̧ju María jitji̧. Bemida jojo Jacobo, José, Simón, jobadö tjöpöe, bitema. Öjawujudöbi bemida ju̧kwadö— yöba̧lakwawijadötö idödada. Jejenö jö̧ba̧lö tjo̧'wo̧ sulinö öpöjödijadötö Jesús yöawi̧ma.

Lucas 2:48

Jesús abe'dodö jo̧banö tjöbadekwajenama, tjöbajale jalaka baibanö jo̧banö tjöbadekwajinobe, Bitema ¿tajawedö bai jo̧jö? jö̧ba̧lö. Ja̧danö, ojo'doma Maríama Jesúsnö abebö ja̧ja̧kwinobe: —Chitji̧, ¿tajawedö sulabenö ja̧köbaja̧da ökwödönö? Kwabe'dobi ötjöbi do̧'wo̧ tjo̧achö nöinö jelobetenia ökwönö disakwajabeta— jö̧ba̧lö.

Lucas 3:31

ja̧danö Eliaquimma Melea itji̧inobe, ja̧danö Meleáma Mainán itji̧inobe, ja̧danö Mainánma Matata itji̧inobe, ja̧danö Matatáma Natán itji̧inobe, ja̧danö Natánma David itji̧inobe,

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Juan 1:45

Ikenama, Felipema jelo̧, Natanael mikwo̧ ö̧jobekwö i̧'yinobe, Jesús ö̧ji̧ yöawobö. Jobe ichibö Natanaelnö yöawinobe: —Natanael, dite'ada̧lökwenö döbadekwajatö— yöawinobe—. Moisés iwȩyudinökwenö, Dios yöawi̧ yöbawinadö tjiwȩyudinökwenö döbadekwajatö. Jo̧bama Nazaret jojo, José itji̧, Jesús mikwo̧— yöawinobe Felipema Natanaelnö.

Juan 6:42

Öpöjödo yötja̧lakwawinobe, idödada: —Bitema José itji̧ Jesús ¿jö̧tö? Abe'donöbi, ojo'donöbi döwaisobe. ¿Dakwö yöba̧lo̧, mölejȩbetjö ichino̧sa, jö̧ba̧lö?— öpöjödö yötja̧lakwawinobe.

Hechos 1:1

Dokwa Teófilo. Ötjö, Lucas mikwo̧, yemidanö ökwönö yöbawö chiwȩyuda. Ajayinö chiwȩyudinama, Jesús okobe jwiinö ja̧inatjöbi, yöawinatjöbi chiwȩyudijatö. Ja̧ chiwȩyudinama, Jesús ajayinö ja̧inemitjö tupakwö