Lucas 3:2 - Dios Iwene

² Ja̧danö judío jojodötjö Anás mikwo̧bi, Caifás mikwo̧bi Diostjö jojodötjö ö'weje pjabatadötjö inesö la'aka luwedö tjö̧jinobe. Jobadö luwedö tjö̧jayi, Diosma iteda yöawi̧ yöawinobe Juan mikwo̧nö, jojodö deobe jo̧nö.

Lucas 3:2 Iomraidhean Croise

Isaías 40:3

Bakwo̧ jwöeba̧li̧ ökwöobe: —Jojodö deelö nijitjö, Isabenö Jo̧ ichakwa̧ mana kwotidaduwo, kököemi niji ö'wejenö, duluwo̧ Dios ichakwa̧ mana jalama kwotidaduwo.

Mateo 11:7

Jobadö Juan öba̧ja̧di̧ waisachadö Jesús ö̧jelö tjȩwa̧jonö, Jesúsma ju'wedö jobe ko̧ko̧kwajadö jojodönö yöawinobe Juannö, baikwö: —Chömöledö, belö jojodö deobe kwi̧'yinaduwobe, ¿jö̧tö? ¿Tajawedö edö kwi̧'yinaduwobeda? ¿Sule jobe pokwi̧ jawa edinö, jwa̧lȩ'epjo jwa̧lȩ'ewena isa'ye bȩachibobe kwedaduwotö jö̧ba̧lö jobe edö kwi̧'yinaduwiji̧?

Mateo 26:3

Ikenama, Diostjö jojodötjö ö'weje pjabatadötjö la'aka luwedöbi, jojodötjö damöbi tjoko̧ko̧kwachinobe, ö'weje pjabatadötjö inesö la'aka luwo̧ Caifás mikwo̧ eju otiwejutjö.

Marcos 1:2

Ja̧ ajayi baledinama, baledakwa̧ abönö lekwe möle, damötjö, Dios yöawi̧ yöbawo̧ Isaías mikwo̧ma yöbawö wȩyudijetö Dios iteda itji̧nö yöawina wene. Baikwö yöbawö wȩyudijetö Isaíasma: Jojodö tjuju̧kwobekwö kwi̧'yakwa̧ abönö jelo̧nö wetocha, ötjö yötawi̧ yöbawo̧nö. Wanedö yötawa: La'aka luwo̧ ichakwa̧ abönö, jweinö ichobö mana tjotidi̧danö jelo̧nö wetocha kwi̧'yakwa̧ abönö, jweinö kwichobö. Jojodö otiwanö omukwatö tjite'ada̧lobe kwichobö, kwi̧'yakwa̧ abönö jelo̧nö, kwichakwa̧ yöawobö wetocha.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Juan 1:23

—Ötjöma jojodö deobetjö jwöbeba̧lo̧sa, Duluwo̧ma juluwanö ichakwo̧. Jo̧ba ichakwa̧ma mana dotidaduwo jweinö ichakobetjö̧, jö̧ba̧lö. Jejenö yöbawö, Dios yöawi̧ yöbawo̧ Isaías yöawinadanö yöbawo̧sa— yöawinobe Juan Ojwenö Bu̧dato̧ma.

Juan 18:24

Ikenama ö'weje la'aka pjabato̧ Anásma weinobe Jesús, tjunu'yajökwenö tje'ewobö Caifás öjobekwö.

Hechos 4:6

Anás, Diostjö jojodötjö ö'weje la'aka pjabato̧bi jobema ji̧jetö. Caifásbi, Juanbi, Alejandrobi, ju'wedö Diostjö jojodötjö ö'weje la'aka pjabato̧tjö tupadanö jojodöbi jobema ji̧jadötö.