Lucas 3:19 - Dios Iwene

¹⁹ Ju'wibi, Juanma la'aka luwo̧ Herodes mikwo̧nö yöawinobe, Sulabenö ja̧köba, jö̧ba̧lö. Jo̧ba Herodesma nöinö sulabenö ja̧bö ö̧jinobe. Öjawo̧ ilekwo Herodías mikwujunö sulabenö eminobebi, ja̧danö ju'wi jayebi sulabenö ja̧inobe, ja̧danö jejenö sulabenö ja̧iökwe, Juanma jo̧banö jweinö yöawinobe, Ja̧köbi̧ma isabenö sula, jö̧ba̧lö.

Lucas 3:19 Iomraidhean Croise

Proverbios 15:12

Ja̧danö, ju'wibi yötawa: Ju'wedönö sulabenö obo̧ma jo̧banö jwebebö yötjawi̧ma öpöjödo̧. Ja̧danö, jwebebö yötjawi̧ öpöjödobetjö̧ jweinö omukwatadö tjö̧jelö ödökwönönö jo̧, jo̧banö jwebebö yötjawapji jö̧ba̧lö.

Mateo 11:2

Ojwenö bu̧dato̧ jö̧ba̧lö ötjabökwe Juan mikwo̧ma ka̧lena ö̧binobe, ja̧danö ka̧lena ba̧nö, Juanma Dios weakwo̧ jö̧a̧linökwe Jesús ja̧i̧ wene a̧ja̧kwinobe. Jejenö a̧ja̧kwö, Juanma iteda öba̧ja̧di̧ waisachadönö weinobe Jesúsnö abebö tja̧ja̧kwobö, ja̧danö weaja̧danö Jesús ö̧jobekwö 'ya̧nö abebö tja̧ja̧kwinobe:

Mateo 14:1

Galilea nijitjö la'aka luwo̧ Herodes mikwo̧ma Jesúsnö a̧ja̧kwinobe, ja̧danö Jesúsnö a̧ja̧kwenama,

Mateo 14:6

Jemi ikenama, Herodes cumpleaños möle baibenama, Herodesma pjiesta ujuninobe, ja̧danö ilekwo Herodías jitjijuma pjiesta junadö tjöba a'otjö baile döjinobe. Herodesma edö baile döjobe jwiinö ösödobetjö̧,

Lucas 3:1

Baikwö laebobe Zacarías itji̧, Ojwenö Bu̧dato̧ ötjabökwe Juan mikwo̧ yöbawö otidina wene: Juan jamatö yöawenama, romano jojodötjö inesö la'aka luwo̧ emperador Tiberio mikwo̧ma ida̧ökö a̧li̧nösamutjö bakwamu o̧biya baledibanö yöbawö weinobe. Ja̧danö ju'wedö jo̧ba ömöayedö la'aka luwedöma bidö: Poncio Pilatoma Judea nijitjö gobernador ö̧jinobe, ja̧danö Herodesma Galilea nijitjö la'aka luwo̧ ö̧jinobe, ja̧danö Herodes öjawo̧ Filipema Iturea nijitjöbi, Traconítide nijitjöbi la'aka luwo̧ ö̧jinobe, ja̧danö Lisaniasma Abilinia nijitjö la'aka luwo̧ ö̧jinobe.

Lucas 3:18

Ja̧bi yöbawö, ju'wi jaye nöinö yöbawö, Juanma otiwa jawa wene yöawinobe jojodönö, Dios weakwo̧ jö̧a̧linökwenö jweinö tjomukwato jö̧ba̧lö.