Lucas 24:4 - Dios Iwene

⁴ Ja̧danö, ¡tajijö! jö̧ba̧lö jobe tjö̧jonö, juluwanö ömadö du̧ju̧taja tjipjeanö tjöwawachibinobe, tjökamijido̧ salöinö dewado̧ 'dubawadöma.

Lucas 24:4 Iomraidhean Croise

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

Marcos 16:5

Jo̧kwaobetjö̧ i̧lȩdo̧ okwa tebachijadötö. Tebachibö tjöwaisobekwöchobe tjedemi möayo̧ma, kamijido̧ dewado̧ 'dubawo̧ bi̧jetö. Jo̧banö edö jwiinö yebaibijadötö.

Lucas 2:9

Jobe te'ada̧lö tjö̧jemi ja'ötjö, baikwö baledinobe: Dios weökwe ángelma juluwanö öwawachibinobe, ja̧danö Dios ujulu dejatinö dejatinobe jobadö o̧bȩja̧dönö te'ada̧ladönö, ja̧danö jejenö balediawö̧ jwiinö yetjaibinobe o̧bȩja̧dönö te'ada̧ladöma.

Lucas 24:5

Jejenö tjöwawachibiawö̧, ya̧döma jwiinö yetjaibinobe, ja̧danö tjöba nijakwö edö bȩtjachibinobe. Ja̧danö, jejenö bȩbachö tjö̧jonö, ömadöma jobadönö abebö tja̧ja̧kwinobe: —¿Tajawedö wobadö tjö̧jemitjö 'yaba̧lo̧nö kwisakwaduwobeda?

Hechos 1:10

Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Hechos 12:7

Ikenama Pedro jejenö abonö omönanö öwawachijetö Duluwo̧ weajökwe ángelma. Öwawachena dewinö dejatijetö Pedro ö̧bȩko̧ okwama. Jo̧ba ángelma Pedronö ometupanö 'dobö wiludijetö.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.