Lucas 24:20 - Dios Iwene

²⁰ Diostjö jojodötjö ö'weje pjabatadö la'aka tjuluwedöbi, ju'wedö duluwedöbi jo̧ba Jesúsnö iyö lotjinobe, lȩekwa luwo̧ma kwabö loawa lȩekwa yöawobö, ja̧danö jejenö iyö lotjajökwenö towisa'onö bȩbö kwabö lotjinobe.

Lucas 24:20 Iomraidhean Croise

Mateo 23:33

Ökwödöma isabenö a̧ko̧'dö̧danöbedöja, ja̧danö a̧ko̧'dö̧danöbedö tji̧tji̧mubedöja. Ökwödöma isabenö ökwöla nöolatjö Dios lȩebi̧tjö kwemaduwakwedöja.

Mateo 27:20

Pilato jojodönö ditenö ejatö latebakwa̧da aebenama, ö'weje pjabatadö la'aka tjuluwedöbi damöbi jojodönö wetjinobe: —Pilatonö akebaduwo, Barrabás mikwo̧nö ejatö laebobö, ja̧danö Jesúsnö kwabö loobö akebaduwo— jö̧ba̧lö.

Marcos 15:1

Ju'wi dewachö yȩayi judío jojodötjö okobe deinö la'aka luwedöma, Diostjö jojodötjö ö'weje pjabatadö tjuluwedöbi, judío jojodötjö la'aka luwedöbi, Moisés iwȩyudina ba̧ja̧dadöbi, te'ada̧lökönö ko̧ko̧kwibö Jesúsnö ja̧tjakwa̧ma okobe deinö bakwainö omukwatijadötö. Jo̧kwaobetjö̧, Jesúsnö nu'yibö öbibö 'yi̧jadötö romano jojodö la'aka luwo̧, Pilato mikwo̧ ö̧jobekwö, jo̧banö iyö lobö. Ichibö Jesúsnö iyö lobijadötö Pilatonöma.

Lucas 22:66

Ja̧danö, dewachenama, judío jojodötjö lȩekwa luwedöma tjoko̧ko̧kwachinobe, ö'weje pjabatadötjö la'aka luwedöbi, Moisés iwȩyudina ba̧ja̧dadöbi. Ja̧danö, Jesúsnö te'ada̧ladöma Jesúsnö öbibö, jobadö lȩekwa luwedö tjöba a'o tjujuninobe.

Lucas 23:13

Ja̧danö, Jesús yemidanö Pilato öba a'o ö̧jobö tjichejebiökwe, Pilatoma jwöbö oko̧ko̧dinobe ö'weje pjabatadö la'aka tjuluwedönöbi, jojodö tjuluwedönöbi, ju'wedö jojodönöbi,

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

1 Tesalonicenses 2:15

Jau chömöledö, jobadö judío jojodöma Dios yöawi̧ yöbawadönö kwabawö lotjinobe, ja̧danö Duluwo̧ Jesúsnöbi kwabö lotjinobe, ja̧danö ökwödönöbi labinö a'dewö lotjinobe. Dios öpöjödinö ja̧badö jobadöma chömöledö, ja̧danö okobe deinö jojodö tjöpöjojodödanö tjichejekwobe jobadö judío jojodöma chömöledö.