Lucas 23:6 - Dios Iwene

⁶ Jejenö: —Galilea nijitjö jamatö yöawinobe— jö̧ba̧lö yötja̧liökwe: —Bite Jesúsma ¿Galilea jojoji̧?— jö̧ba̧lö abebö a̧ja̧kwinobe Pilatoma.

Lucas 23:6 Iomraidhean Croise

Mateo 26:69

Pedro ö'weje pjabatadö la'aka tjuluwo̧ eju a̧petutjö ina ö̧bena, la'aka tjuluwo̧ ömöayedötjö bakwuju ichö yöja̧linobe: —Ökwöbi Jesús Galilea jojokwö kwebachinaja— jö̧ba̧lö.

Lucas 13:1

Ja̧danö, ja̧ möle Jesús jojodönö yöawenama, jobadötjö ju'wedöma Jesúsnö yötjawinobe: —Galilea jojodö ju'wedöma Dios ejutjö tja̧jwi̧munö kwabö juwö Diosnö tjiyinobe. Ja̧danö tjiyemi ja'ötjö, la'aka luwo̧ Pilatoma jobadönö kwabö loinobe, tja̧jwi̧mukwö bakobe debö 'ya̧dö batjibanö— jö̧ba̧lö.

Lucas 23:5

Yöawiawö̧, ajayitjö bajalekwönönö labinö yötja̧linobe: —Isabenö bitenö lȩkebobö jo̧be. Jojodönö sulabenö yöbawö Judea niji bakwameachibanö nöinö wene jwöbebo̧ bitema. Jo̧bama Galilea nijinö ja̧nö jamatö wene baibobö yöawinobe, ja̧danö babema baibi wene jwöebotö jö̧ba̧lö ichajabe, jo̧kwajabetjö̧ lȩkebobö jo̧be— jö̧ba̧lö yötja̧linobe.

Lucas 23:7

Abebö a̧ja̧kwawö̧ yötjawinobe: —Jau, Galilea niji jojo— jö̧ba̧lö. Jejenö yötjawiökwe, Pilatoma öwaisachibinobe, Aaa, bitema Galilea niji ju̧kwadö tjuluwo̧ Herodes mikwo̧ itebo jojo— jö̧ba̧lö. Ja̧danö, ja̧ mölema Herodesbi Jerusalénnö ö̧jinobe, jo̧kwajabetjö̧ Jesúsma Herodes itebo jojo jö̧ba̧lö yötjawiökwe, Herodes öba a'o tjujunobö weinobe Pilatoma, Herodesda iteda itebo jojonö lȩekwa yöawobö.

Hechos 5:37

Ja̧danö, jelo̧bi, galilea jojo, Judas mikwo̧bi jejenö baledijetö. Belö, jojodönö censo tjiwȩyudena jo̧bama, Ötjökwö ichaduwi, jö̧a̧liawö̧, jojodöma iteda ömöayedö baibanö kwebachijadötö. Ja̧danö, jo̧babi debö i̧'yajabe okobema ömöayedöbinadöma jo̧kwada babibö kabatibö wainö 'yi̧jadötö.