Lucas 23:53 - Dios Iwene

⁵³ Ja̧danö: —Jau emi— jö̧ba̧lö Pilato weökwe, Joséma Jesús iteba'o meatö sawana'wo otiwa'wo kȩachaja̧do̧nö jwabö ödinobe i̧lȩdo̧nö. Ja̧do̧ i̧lȩdo̧ma inawatjö sobö tjotidinȩdo̧, ja̧danö la'akatjöda jojodönö tjödinökȩdo̧.

Lucas 23:53 Iomraidhean Croise

Isaías 53:9

Jo̧banö kwabö lobajadö, sulabenö ja̧badönö lödawemi tjo̧tjobö jö̧tja̧linökwe, jo̧kwaijayonö ö'wö baibenama, nöinö juna̧ladökwö tjo̧tji̧nökwe. Jojodönö suli̧ öwaedinököjayonö, ja̧danö ja'yubebi omöna yöa̧linököjayonö,

Marcos 15:46

Jejenö weökwe, Joséma sawana'wo otiwa'wo, nöinö mikwawa'wo emö 'yi̧jetö. Ikenama, Jesúsnöma towisa'otjö meatö jwabebijetö sawana'wo. Jemi ikenama i̧lȩdo̧, inawa nöawatjö sobö otikwobekwö e'ewö 'ya̧nö lödijetö. Lödajo̧ i̧lȩdo̧ apjudema inawa yelösöda nöawa tumijetö.

Lucas 23:52

Ja̧danö, Jesús ö'wö baibaja̧ ikena, Joséma Pilato ö̧jobekwö 'ya̧nö aebinobe, Jesús iteba'o emö i̧lȩdo̧nö ödobö.

Lucas 23:54

Jejenö ödenama, judío jojodö tjotidökö möle abönö möle yi̧benakwö ödinobe, otikwökö möle baibakwa̧ abönö. José Jesúsnö ödenama, Jesúskwö Galilea nijitjö ichajadö ya̧döma, José ökömanö edö tji̧'yinobe, ja̧danö i̧lȩdo̧bi tjedinobe, ja̧danö Jesús iteba'o ödi̧bi tjedinobe. Ja̧danö, edajadö Jerusalénbe ȩwa̧jö omewi̧ jawa tjotidinobe, Jesús iteba'o lilibö dutjebobö. Jemi ikenama judío jojodö tjotidökö möle baibinobe, ja̧danö otikwökö möle baibiawö̧, Dios damötjö weinadanö otikwökö möle tjotidinokobe.

Juan 19:41

Ja̧danö, jobema, Jesúsnö towisa'onö bȩbö a̧lapedö tjujuninemima, batjo ji̧nobe. Batjo ö'öböma i̧lȩdo̧ ji̧nobe, 'yayemi, ina bakwo̧nöbi lödawökemi.

Hechos 13:29

Ikenama okobe jwiinö Jesúsnö baledakwa̧ tjiwȩyudinama badekwachajena ju'wedöma Jesúsnö, ö'wö babibajo̧nöma ösötetjö meatö e'ewö lödijadötö i̧lȩdo̧nö.