Lucas 23:42 - Dios Iwene

⁴² Ikenama Jesúsnö yöa̧linobe: —Chuluwo̧ Jesús, ötjöma ökwönö ösödo̧sa, jo̧kwajabetjö̧ yöbawö weköbena ja̧nö la'aka luwo̧ ja̧nö webö yökawenama, ötjönö ökwönö ösödo̧nö kwomukwatotjö— jö̧ba̧lö aebinobe Jesúsnö.

Lucas 23:42 Iomraidhean Croise

Lucas 12:8

Tupakwö yöawinobe Jesúsma: —Yötawaduwakwö, okobe deinö böjȩtjö ötjönö ösödö jojodö tjöba a'otjö Jesúsnö ösödo̧sa jö̧ba̧lö yöbawadönöma, mölejȩbetjö ötjö jojo baibanö jeminökwema jobadönö ösödö Dios ömöayedö ángelesdö tjöba a'otjö yötawakobe, ötjö chömöledö jö̧ba̧lö.

Lucas 18:13

Ja̧danö, impuesto ötjabi̧ balada emajibo̧bi Diosnö aebinobe. Jo̧bama sulabo̧sa jö̧ba̧lö, yöne ichibökönö ödökwönönö ja̧nö, mölejȩbema edökönö aebinobe. Jo̧bama o̧'wo̧ tjo̧ekwobetjö omuko 'do'dobakwawö Diosnö aebinobe: Dios, ötjöma sulabenö ja̧bö jo̧sa, lȩlö̧jinö kwedobö ateba, jö̧ba̧lö.

Lucas 23:41

Ja̧danö ju'wibi, kwöwaisa, ökwönöbi ötjönöbi kwabö lotji̧ma, sulabenö ja̧dina mikwa baibanö ökwödönö kwabö lotjobe, ja̧danö ökwödönö kwabö lotji̧ma jwea, isabenö sulabenö ja̧dinobetjö̧. Jo̧kwaijayonö jejenömaökö bite Jesúsnö. Sulabenö ja̧ököjayonö jo̧banö kwabö lotjökwe— jö̧ba̧lö yöa̧linobe jelo̧nö.

Lucas 23:43

Yöa̧lökwe Jesúsma atadinobe: —Chömöledöso̧ isabenö yötawakwö, babe möleda Diosnö ösödadö otiwobe tjö̧jena, ökwöbi ötjökwö jobe kwö̧jakwo̧ja— jö̧ba̧lö.

Lucas 24:26

Jobadö Dios iwene wȩyudinadö ¿tjiwȩyudinökiji̧? Dios weakwo̧ jö̧a̧linökwema okobe jwiinö yöka̧laduwaja̧danö usula emawobö jo̧be, ja̧danö usula emawajo̧, iteda itebo dejatinö dewobe ȩwa̧jakwo̧ jö̧ba̧lö ¿tjiwȩyudinökiji̧? Isabenö jejenö jweinö tjiwȩyudinobe chömöledö— jö̧ba̧lö yöawinobe Jesúsma.

Juan 1:49

—Ba̧ja̧dakwawa jojo, ökwöma Dios Itji̧ja. Ökwöma Israel jojodö tjuluwo̧ja— jö̧a̧linobe Natanaelma.

Juan 20:28

Jejenö jö̧a̧liökwe: —Ökwöma ötjö chuluwo̧ja. Isabenö ötjö cho̧'wo̧ chöwana̧lökwe Diosja— jö̧a̧linobe Tomásma.

Hechos 16:31

Jejenö abebö a̧ja̧kwiawö̧ atadijadötö: —Jesúsnö ösödi. Jesúsnö kwösöditjö̧ma, chö̧jibinö pjabato̧, jö̧ba̧lö, kwö̧jibinö baledakobe. Ja̧danö, ökwökwö kwejunö ju̧kwadönöbi baledakobe, Jesúsnö tjösöditjö̧ma— jö̧ba̧lijadötö.

Hechos 20:21

Judío jojodönöbi, judío jojodöböködönöbi, bakwaidödanö edö yöbawiachijatö. Sulabe tjomukwati̧ kabatibö tjöbalewacho, jö̧ba̧lö, yöbawiachijatö. Jesúsnö tjösödo jö̧ba̧lö, yöbawiachijatö— yöbawijetö Pabloma.

1 Juan 5:1

Chö̧ja̧wo̧dö, Jesúsnö ösödadöma, Jesúsma Dios weinökwe dö̧jibinö pjabato̧, jö̧ba̧lö, Dios i̧tji̧mu babibinadö. Diosma jobadönö tjo̧'wo̧ luwo̧nö 'yayi̧ ja̧kwawa iyawö̧. Ja̧danö, Dios i̧tji̧muma Diosnö ile nibebö ju̧kwadö. Ja̧danö, Diosnö isabenö ile nibebö tjuju̧kwobetjö̧ Dios ju'wedö tji̧tji̧mu̧nöbi ile nibebö tjö̧jobe.