Lucas 23:22 - Dios Iwene

²² Yötja̧liökwe yemidanö wa̧pötakwanö baibanö Pilatoma yöa̧linobe: —¿Tajawedö jo̧banö kwabö lotobö? ¿Taji sulabenö ja̧inada? Chisakwijayonö jo̧ba usula chöbadekwajokobe, jo̧banö kwabö lotobö. Jo̧kwajabetjö̧ sule kwakwaböda jo̧banö kwakwabajo̧, ejatö latebocha— jö̧ba̧lö yöa̧linobe Pilatoma.

Lucas 23:22 Iomraidhean Croise

Lucas 23:14

ja̧danö jobadönö yöawinobe: —Bite Jesúsnö öbibö kwichejebaduwajabe, Bitema jojodönö sulabenö öbibo̧ la'aka duluwo̧ Césarnö tjöpöjödobö, jö̧ba̧lö. Jo̧kwaijayonö, kwöba a'oduwitjö isabenö sulabo̧ ö̧jojobö jö̧ba̧lö abebö cha̧ja̧kwajabe, ja̧danö chedemi sulabö̧kö̧ bitema. Okobe jwiinö bitenö yöka̧laduwaja̧ a̧ja̧kwö bitenö abebö cha̧ja̧kwajabe, ja̧danö chedemi bitema yöka̧laduwaja̧danöma ja̧bö̧kö̧.

Lucas 23:16

Jo̧kwajabetjö̧ kwabö lodobö jwiobetjö̧, sule kwakwaböda jo̧banö kwakwatocha, ja̧danö kwakwabajo̧ ejatö latebocha— jö̧ba̧lö yöawinobe Pilatoma.

Lucas 23:20

Ja̧danö, Barrabásnöda ejatö lakebo jö̧ba̧lö yötja̧liökwe, Pilatoma Jesúsnö ejatö laebotö jö̧ba̧lö yemidanö jobadönö yöawinobe.

Lucas 23:21

Jo̧kwaijayonö yayonö jwötjeba̧linobe: —¡Jesúsnö towisa'onö nönö kwabö lobinö! ¡Towisa'onö nönö kwabö lobinö!— jö̧ba̧lö

Lucas 23:23

Jo̧kwaijayonö jejenö yöa̧lijayonö ajayitjö bajalekwönönö jwötjeba̧linobe, Jesúsnö kwabö loobö. Ja̧danö jejenö nöinö jwötjeba̧liökwe, bajalianö Pilatoma jobadönö a̧ja̧kwinobe, ja̧danö atjebaja̧danö Jesúsnö kwabö lotjobö weinobe.

Lucas 23:4

Ikenama Jesúsnö abebö a̧ja̧kwajo̧, Pilatoma ö'weje pjabatadö la'aka tjuluwedönöbi jojodö ko̧ko̧kwajadönöbi yöawinobe: —Ötjö chedemi bitema wene jwibo̧. Jo̧banö lȩteboböma jwiobe— jö̧ba̧lö.

1 Pedro 1:19

inesö mikwawi̧ jawanö, obeja sulabe jwibo̧danöbo̧ Cristo ökwösobunöda ökwödönö midö eminobe.

1 Pedro 3:18

Jau chömöledö, Diosma isabenö ökwödö usula kwemawaduwobö weena, baikwö yötawa: Duluwo̧ Cristo usula emawobö weinobe, ¿jö̧tö? Ja̧danö Duluwo̧ Cristo usula emawobö ji̧natjö̧ma, ¿ökwödö usula demawobö jwienaji̧? Jȩna chömöledö. Jau chömöledö, sulabe dujuna̧li̧ imidawo jö̧ba̧lö, Cristoma bakwötanöda midawö woinobe, okobe deinö tjusula midawö. Sulabe jwibo̧da midawö woinobe chömöledö, ökwödö dusula juna̧ladö Dioskwö dichibobö ja̧bö. Jau chömöledö, iteba'oma kwabö lotjinobe, jo̧kwaijayonö Diosma o̧'wo̧ luwo̧nö 'yaibajinö ja̧inobe.