Lucas 23:10 - Dios Iwene

¹⁰ Ja̧danö, Jesús Herodes öba a'o ö̧jonö, ö'weje pjabatadö la'aka tjuluwedöbi, Moisés iwȩyudina ba̧ja̧dadöbi jobe yöne ja̧nö labinö wanedö yötja̧linobe, Isabenö sulabo̧ bite Jesúsma, jö̧ba̧lö.

Lucas 23:10 Iomraidhean Croise

Mateo 27:12

Ö'weje pjabatadö la'aka tjuluwedöbi, jojodötjö damöbi nöinö wanedö yötja̧linobe Jesúsnö, bitema sulabenö ja̧bo̧ jö̧ba̧lö, jo̧kwaijayonö Jesúsma yebabinö ö'wiakwawöma atadinokobe.

Lucas 11:53

Jejenö yöba̧lajo̧, Jesúsma jobetjö laebinobe, ja̧danö laebena, fariseo jojodöbi, Moisés iwȩyudina ba̧ja̧dadöbi dameakwö tjölabinobe Jesúsnö, ja̧danö jelö jamatajelö baikwö bajalenö Jesúsnö suli̧ tjöwaedobö tjisakwinobe. Jesúsnö suli̧ tjöwaedotö jö̧ba̧lö, tjo̧'wo̧ sulinö jo̧banö abebö tja̧ja̧kwinobe, atadenama, Bite Jesúsma sulabenö yöbawo̧, jö̧ba̧lö, yötja̧lobö. Jejenö ja̧bö 'daliwadanö tjujunobö tjisakwinobe.

Lucas 23:11

Ja̧danö, Herodesbi, Herodes ömöayedö guardia jojodöbi Jesúsnö obö sulabenö ja̧tjinobe, ja̧danö Jesúsnö obö, otiwado̧ la'aka luwo̧ 'duawado̧ 'dutjatinobe Jesúsnö. Ikenama, obö 'dubatajadö, wetjinobe yemidanö Pilato öba a'o Jesúsnö tjujunobö.

Lucas 23:2

Ja̧danö Pilato öba a'o junajadö Jesúsnö wanedö yötja̧linobe: —Bite Jesúsnö lȩkebo Pilato, sulabo̧obetjö̧. Baikwö sulabenö ja̧obe dedijatö: Ditebo jojodönö sulabenö öbibö yöawinobe, inesö la'aka luwo̧ César mikwo̧nö impuesto jawa balada dimidoko, jö̧ba̧lö. Ja̧danö ju'wibi yöawinobe, Ötjödasa Dios weakwo̧ jö̧a̧linökwe Israel jojodö la'aka tjuluwo̧ma, jö̧ba̧lö. Jejenö yöbawö inesö la'aka luwo̧ César mikwo̧ wei̧ tjöpöjödobö sulabenö öibobe— jö̧ba̧lö Jesúsnö wanedö yötjawinobe Pilatonö.

Lucas 23:5

Yöawiawö̧, ajayitjö bajalekwönönö labinö yötja̧linobe: —Isabenö bitenö lȩkebobö jo̧be. Jojodönö sulabenö yöbawö Judea niji bakwameachibanö nöinö wene jwöbebo̧ bitema. Jo̧bama Galilea nijinö ja̧nö jamatö wene baibobö yöawinobe, ja̧danö babema baibi wene jwöebotö jö̧ba̧lö ichajabe, jo̧kwajabetjö̧ lȩkebobö jo̧be— jö̧ba̧lö yötja̧linobe.

Lucas 23:9

Ja̧danö Herodesma nöinö abebö a̧ja̧kwinobe Jesúsnöma, jo̧kwaijayonö nöinö abebö a̧ja̧kwijayonö, Jesúsma ja'yubebi atadinokobe.

Hechos 24:5

Bitenö, Pablonö yödawa. Jo̧bama yelösöda sulabenö ja̧bö jo̧. Jelobebi jelobebi 'ya̧nö judío jojodö jwiinö tjölakwabikwawinö ja̧bö yöbawo̧, chuluwo̧. Ja̧danö, Nazaretnö ji̧na yöawina ösödadö la'aka luwedötjö jojo.