Lucas 22:7 - Dios Iwene

⁷ Ja̧danö, pan 'ye'yeachö̧kö̧ kwakwawa ötjabi̧ pjiesta ajayi möle baibinobe, Dios mö öbaledina omukwatö obejanö kwabö tjukwi̧ mölema.

Lucas 22:7 Iomraidhean Croise

Éxodo 12:18

Ja̧danö, jo̧ba ja̧wo̧, ajayinö ja̧wo̧ a̧li̧nösamutjö ö'wejemu mölema, ja̧wo̧ meaja̧ ikena pan 'ye'yeachö̧kö̧kwöda kukwaduwo. Jejenö kukwaduwo ja̧ möle jamatö jelemutjö̧ dötölataja möle baledenanö kabatö, ja̧wo̧ meajena.

Éxodo 12:6

Jobadö 'da̧batö kwujunaja̧duwawö̧ma ö̧dö̧lö̧jinö kwite'ada̧laduwo 'da̧batö kwujunaduwemi möletjö̧ a̧li̧tjö̧samutjö̧ ö'wejemu möle baibenanö. Ja̧ möle yi̧bena baibena okobe deinö Israel jojodö yöne kwömöledökwenama kukwaduwakwawö̧nö kwabö, tjö̧kwö̧la̧ 'wibebö loköbaduwo.

Lucas 22:1

Jesúsma Jerusalénnö ö̧jenama, judío jojodö pan 'ye'yeachö̧kö̧ kwakwawa ötjabi̧ pjiesta, ju'wi imi Dios Israel jojodö tjö̧jibinö mönö öbaledina pjiesta tjujunakwa̧ma yöneawachibinobe, ja̧danö yöneawachibobetjö̧ jojodö tjöba̧jekwachinobe.

Lucas 22:6

Jejenö yöbawö tjujuniökwe: —Jau, iyö lotocha— jö̧ba̧lö atadinobe Judasma, ja̧danö jemi tupakwö omukwatö isakwinobe, jojodö wajwitjonö Jesúsnö iyö loobö jobadönö.

1 Corintios 5:7

Ja̧danö, Dios öpöjödinö ja̧awama ye'yeachi̧ jawadanö ji̧ chömöledö. Jo̧kwajabetjö̧, ja̧ ye'yeachi̧ jawadanö ji̧ sulabenö ja̧awama, kwö'da̧deduwitjö 'da̧batö kwujunaduwo chömöledö, pansa'be 'yaya'be, ye'yeachi̧ jawa jwia'bedanö kwö̧jaduwobö. Jau chömöledö, Cristoma obejadanöbo̧ Diosnö iyawa baibanö midawö woinobe, Dios ökwödönö dö̧jibinö ja̧o jö̧ba̧lö. Jejenö midawö woinobetjö̧, ökwödö Jesúsnö ösödadöma isabenö sulabe jwibadöja, pansa'be ye'yeachi̧ jawa jwia'bedanö.