Lucas 22:64 - Dios Iwene

⁶⁴ Kamijido̧nö Jesús öba di̧batajadö, Jesúsnö kwatjinobe, ja̧danö Jesúsnö 'bȩbö obö yötja̧linobe: —Isabenö Dios yöawi̧ yöbawo̧köbitjö̧ma, yöbawi, ti ökwönö 'bȩaja̧da— jö̧ba̧lö Jesúsnö otjinobe.

Lucas 22:64 Iomraidhean Croise

Mateo 26:68

—Ökwö, ötjöma Dios weakwo̧ jö̧a̧linökwesa jö̧ba̧lo̧ma, yöbawi: ¿Tida ökwönö 'bȩaja̧da?— jö̧ba̧lö sulabenö obö yötja̧linobe.

Marcos 14:65

Jejenö jö̧ba̧lö jojodöma Jesús öbanö susubijadötö. Öbanö kamijido̧ di̧batö edokonö kwakwabö obö jö̧ba̧lijadötö: —Babe kwakwadena yöbawi, Dios iwene yöbawo̧. ¿Didöjayedöobö ökwönö kwakwabadöma?—sulabenö obö jö̧ba̧lijadötö. Guardiabi Jesúsnö do̧batö öbanö 'do'dobijadötö.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

Jueces 16:25

Ba'ali junö, nöinö owa̧lö, filisteo jojodöma ja'yubenö 'dukwachawö̧ batjibinobe, ja̧danö 'dukwachawö̧ jwötjinobe, —Sansonnö kwichejebaduwo, jo̧banö edö, odakobetjö̧, —jö̧ba̧lö. Jo̧kwajabetjö̧ Sansonnö tjichejebinobe ka̧lena ba̧kwawejutjö, ja̧danö ösödakwaweju ja'ö okwi'iju dö'olataja ö'wejenö öjamatobö wetjinobe. Ja̧danö, jobe edökönö ja̧onö, Sansonnö otjinobe filisteo jojodöma.