Lucas 22:15 - Dios Iwene

¹⁵ Ja̧danö Jesúsma jobadönö yöawinobe: —Chömöledö, isabenö nöinö chösödajabe, usula chemawakwa̧ abönö biya̧ Dios mö öbaledina pjiesta ökwödökwö chukwobö chömöledö.

Lucas 22:15 Iomraidhean Croise

Lucas 22:14

Ja̧danö, tjukwakwa̧ hora baibenama, Jesúsma iteda webawedökwö mesasötenö tjöbamatinobe.

Lucas 22:16

Jau chömöledö, 'dö̧ibaji̧ möle okobe deinö Dios omöledökwö bakobe pjiesta dukwakobe, ja̧danö babe dukwaja̧ ikena, la'akatjöda yemidanö biya̧ pjiesta chukwökakobe, ja̧ Dios la'aka luwo̧ ö̧jena ja̧nö dukwakwa̧ pjiesta badekwachenanö kabatö— jö̧ba̧lö yöawinobe Jesúsma.

Juan 13:1

Ja̧danö, Dios mönö öbaledina tjomukwati̧ pjiesta möle baledakwa̧ abönö möle yi̧bena baibena Jesúsma omukwatinobe, Tjo̧wi̧ böjȩtjö labebö Chabe'do ö̧jobe chȩwa̧jakwa̧ma lekwökö, jö̧ba̧lö. Jo̧bama iteda öba̧ja̧di̧ waisachadö batjibakwedönö ile nibebö ji̧ainobe, ajayinö ichinatjö tupakwö baibanö. Ja̧danö, jobadönö jwiinö ile niebi̧ma i̧sebö, midawö woakwo̧ Jesúsma.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.