Lucas 21:37 - Dios Iwene

³⁷ Mölekwena Jesúsma Dios ejube 'ya̧nö jojodönö öba̧ja̧dinobe, ja̧danö yötekwena Olivos mö'ösa'o ötjaba'obe ȩwa̧jö, jobe abinobe.

Lucas 21:37 Iomraidhean Croise

Mateo 21:1

Iteda öba̧ja̧di̧ waisachadökwö Jerusalén yöne ichibö, Olivo mö'ösa'o ötjabi'otjö Betfagué comunidadbe tjichibenama, Jesúsma iteda öba̧ja̧di̧ waisachadötjö du̧ju̧tajanö weinobe baikwö:

Mateo 21:17

Atadajo̧, tjö̧jelö laebinobe Jesúsma, ja̧danö Jerusaléntjö labebö, Betania comunidadbe i̧'yinobe, jobetjö abobö.

Mateo 26:30

Ikenama, lo̧awa Diosnö lo̧bajadö, jobetjö labebö Olivo ötjaba'o mö'ösa'obe tji̧'yinobe.

Mateo 26:55

Ikenama, Jesúsma jo̧banö do̧tjatobö ichajadönö abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧? Mölekwena Dios ejutjö ba̧nö jojodönö chöba̧ja̧dijatö. ¿Tajawedö jobetjö ötjönö do̧katinaduwöködaja̧?

Marcos 11:12

Ju'wi dewachö Betaniatjö labebö Jerusalénbe yemidanö i̧'yemi Jesúsnöma a̧wi̧chi̧lö̧jachibijetö.

Marcos 11:19

Ikenama, yö̧te baibena, Jesúsma jobetjö labebijetö iteda öba̧ja̧di̧ waisachadökwö.

Marcos 14:49

Ötjöma ju'wi möle jwiinö ökwödö kwö'da̧deduwinö Dios eju okwa chöba̧ja̧dijatö. Jejenö ba̧ja̧dö chö̧jijayonö do̧kataduwijökötö. ¿Tajawedö do̧kataduwinököda belöma? Yötawaduwakwö, ökwödöma babeda do̧kataduwobe Dios iwene badekwachi̧danö—jö̧ba̧lijetö Jesúsma.

Lucas 19:29

Ja̧danö, Betfagué comunidadbi, Betania comunidadbi yönea'o Olivos ötjaba'o mö'ösa'obe ichibenama, iteda öba̧ja̧di̧ waisachadötjö du̧ju̧tajanö abönö tji̧'yobö weinobe, baikwö:

Lucas 19:37

Ja̧danö, Olivossa'o mana wa̧pekwa'o baledajadö, ida̧ökö Jerusalén jo̧bekwö yutjutjajenama, okobe deinö Jesúsnö ösödadö jo̧bakwö kwebachadöma tjo̧'wo̧ ösöwachibanö labinö Diosnö ösödö yötja̧linobe. Nöinö jojodö edajitjökö jawa Jesús otidobe tjedinobetjö̧, labinö yöba̧lö Diosnö tjösödinobe, baikwö yöba̧lö:

Lucas 19:47

Ja̧danö, jemi ikenama mölekwena Jesúsma Dios eju a̧petusȩko̧tjö jojodönö öba̧ja̧dinobe. Ja̧danö, Diostjö jojodötjö ö'weje pjabatadötjö la'aka luwedöbi, Moisés iwȩyudina ba̧ja̧dadöbi, ju'wedö jojodö tjuluwedöbi Jesúsnö tjöpöjödinobe, ja̧danö öpöjödö jo̧banö söbebö lotjobö tjisakwinobe.

Lucas 22:39

Jemi ikenama ba̧kwȩlö̧jatebö ȩwa̧jiadanö, Olivos ötjaba'o mö'ösa'obe ȩwa̧jinobe, ja̧danö öba̧ja̧di̧ waisachadöbi jo̧bakwö tjȩwa̧jinobe.

Juan 12:1

Ja̧danö, Dios mönö öbaledina tjomukwati̧ pjiesta baledakwa̧ jelemutjö bakwöta möle abönö Jesúsma Betania comunidadnö ichibinobe. Betania comunidadma Lázaro, Jesús wobajaletjö yemidanö tjeatinökwe itebo.

Juan 18:2

Jobe batjotjöma Jesús, iteda öba̧ja̧di̧ waisachadö ba̧kwȩlö̧jatebö ko̧ko̧kwiatjinobe. Ja̧danö, Judas, Jesúsnö iyö loakwo̧ma öwaisinobe jobe batjoma.

Hechos 1:12

Ikenama Jesús yöawaja̧ yötjawobö weinawö̧ma, mö'ösa'o, Olivos mikwa'otjö, yutabajö Jerusalénbe ȩwa̧jijadötö. Jelö mö'ösa'otjöma ödöokobe Jerusalénma, bakwöta kilómetro jenanöda.