Lucas 21:33 - Dios Iwene

³³ Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.

Lucas 21:33 Iomraidhean Croise

Isaías 40:8

Jau, meje'yema kököbachibö suli̧ waekwobe, ja̧danö o̧bubiya otiwi̧ma 'kököbachö 'di̧bachö suli̧ jwöachobe, jo̧kwaijayonö dösödökwe Dios yöawi̧ma, la'akatjöda 'dö̧bibajö̧kö̧ ji̧, ba̧kwelöjatebö 'diinö ja̧kobe dösödökwe Dios yöawi̧ma.

Isaías 51:6

Möakwö mölejebe kwedaduwo chömöledö, ja̧danö nijakwö bö̧je kwedaduwo. Babe ji̧danöma, lekwema jö̧köjȩ chömöledö, baikwö yötawa: Imiyu'wo juluwanö debi baibidanö, juluwanö debi baibakobe mölejȩma, ja̧danö kamijido̧ damö waekwö, suli̧ waekwi̧danö, bö̧jȩ suli̧ waekwakobe. Bö̧jȩnö ju̧kwadöbi ja̧danö, okobe deinö damö waekwö debö batjibakwedö. Jo̧kwaijayonö jejenömaökö ötjö chö̧ji̧ma, ötjö tjö̧ji̧binö pjatati̧ma, ba̧kwelöjatebö ji̧ jawa chömöledö, ja̧danö otiwanö webö chö̧ji̧ma, la'akatjöda 'dö̧ibökakobe.

Mateo 24:35

Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.

Mateo 5:18

Isabenö yötawaduwakwö chömöledö, böjȩbi, mölejȩbi ina ja̧yi, ja̧ tjiwȩyudina jawatjö ja'yubebi söbebö lotjökakobe, okobe jwiinö tjiwȩyudinama badekwachenanö kabatö.

Marcos 13:31

Isabenö, mölejȩbi böjȩbi 'dö̧ibajijayonö ötjö chiwenema la'akatjöda 'dö̧ibajökakwa̧— jö̧ba̧lö yöbawijetö Jesúsma öba̧ja̧di̧ waisachadönö.

Lucas 16:17

Jo̧kwaijayonö, Dios la'aka luwo̧ ö̧jakwa̧ weneda babe yödawijayonö, Moisés iwȩyudinama mikwawokobe jö̧ba̧löma yöda̧lökö. Baikwö yötawaduwakwö: Isabenö mikwawobe Moisés iwȩyudinabi, ju'wedö Dios yöawi̧ yöbawinadö tjiwȩyudinabi, ja̧danö okobe jwiinö ja̧ laebachi̧danöda baledobö jo̧be chömöledö. Jau chömöledö, laebi̧ balewö lobö ja'yubebi söbebö lotjobö jwiobe la'akatjöda. Jau chömöledö, isabenö ja'yubebi söbebö lotjobö jwiobe. Baikwö wanedö yötawa: Böjȩbi mölejȩbi söbebö lotjoböma jwiinö waiyijayonö, ja̧tjö bajalekwönönö waiyobe, ja̧ tjiwȩyudina jawatjö bakwöta jawabi söbebö lotjoböma.

Lucas 21:32

Isabenö yötawaja̧danö baledakobe chömöledö. Isabenö yötawaduwakwö, babe jojodö ina tjö̧jayi okobe jwiinö yötawaja̧danö baledakobe.

1 Pedro 1:25

jo̧kwaijayonö Duluwo̧ yöawi̧ma ba̧kwȩlöjateböda ja̧kobe, jö̧ba̧lö laebobe. Ja̧danö chömöledö, ja̧ ba̧kwȩlö̧jatebö ji̧ Duluwo̧ yöawi̧ma, otiwa jawa wene kwa̧ja̧kwinaduwa wene. Jau chömöledö, ja̧ wene ösödö Diosda i̧tji̧mu baibanö kwöbötjachinaduwobe. Jo̧kwajabetjö̧, bakwo̧da i̧tji̧mu ja̧nö, jwaikwöda kwömöledönö ösödabikwawö ja̧nö kwö̧jaduwo.

Apocalipsis 20:11

Ja̧danö, chedijatö Diosnö, inesö ö̧baka, dewakanö bo̧nö. Ikenama böjȩbi, mölejȩbi jwiinö baibobe chedijatö, yemidanö baibökönö.