Lucas 20:5 - Dios Iwene

⁵ Jejenö abebö a̧ja̧kwawö̧ tjatadakwa̧ yötja̧lakwawinobe idödada, baikwö: —¿Dakwö datadakwa̧da? Diosda weinobe jö̧ba̧lö dataditjö̧ma, ¿tajawedö Juan yöawi̧ kwösödaduwinököda? jö̧ba̧lö abebö a̧ja̧kwena Jesúsma.

Lucas 20:5 Iomraidhean Croise

Mateo 16:7

Jejenö yöawawö̧, Ja̧ma ¿tajawedö yöa̧laja̧da? jö̧ba̧lö yötja̧lakwawinobe idödada, ja̧danö tjomukwatinobe, Aaa, pan dichejebiökökwe yöa̧lajena, jö̧ba̧lö.

Mateo 21:25

Juan Ojwenö Budato̧ ubu̧datinama, ¿ti weinadaja̧? ¿Diosda mölejȩbetjö ojwenö ubu̧datobö weinaji̧? ¿Jojodöda ojwenö ubu̧datobö wetjinaji̧?— jö̧ba̧lö. Aebawö̧, jobadöma, ¿Dakwö datadakwa̧jö? jö̧ba̧lö yötja̧lakwawinobe, baikwö: —Mölejȩbe jo̧ Diosda Juan ubu̧datobö weinobe jö̧ba̧lö dataditjö̧ma, ökwödönö abebö a̧ja̧kwena, ¿Tajawedö Juan yöawi̧ kwösödaduwinököda?, jö̧ba̧lö.

Lucas 20:4

Juan jojodönö ojwenö bu̧datö ja̧inama, ¿ti weinada? ¿Diosda mölejȩbetjö ojwenö ubu̧datobö weinaji̧? ¿Jojodöda ojwe okwa ubu̧datobö wetjinaji̧?— jö̧ba̧lö.

Lucas 20:6

Jo̧kwaijayonö jojodöda wetjinökwe jö̧ba̧lö dataditjö̧ma jojodö a̧ja̧kwö tjölabena. Jojodö tjedemi Juanma isabenö Dios yöawi̧ yöbawina jö̧ba̧lö tjomukwatobe, ja̧danö jejenö tjomukwatobetjö̧, ökwödönö kwabö lobö inawiya tjikwawena— jö̧ba̧lö yötja̧lakwawinobe.

Juan 1:30

Jo̧bada, belö yötawinökwema, Jelo̧ ichakobe ökwödönö yöawakwo̧ma, jö̧ba̧lö. Belö yötawijatö, Ötjö yötawaja̧ ikena jelo̧ yöawakwo̧ma ichakobe. Yelösöda ötjötjö o̧penönö mikwawo̧, ötjö ina detayi la'akatjöda ji̧naobetjö̧, jö̧ba̧lö.

Juan 1:34

Jejenö ötjöma, Dios yöawinadanö baibobe edö chöwaisachibijatö, Aaa itema Dios weinökwe, jö̧ba̧lö. Jo̧kwaobetjö̧ jweinö yötawaduwakwö, ite icho̧ma Dios Itji̧— yöawinobe Juanma.

Juan 3:26

Ikenama Juan ömöayedö yöba̧lakwawajadöma tjuluwo̧ Juan Ojwenö Bu̧dato̧ ö̧jobekwö 'ya̧wibö jö̧tja̧linobe: —Ba̧ja̧dakwawa jojo, belö, Jordán ojwe ö'öbötjö ökwökwö ji̧na, ökwö yökawinökwema, Biteda, jö̧ba̧lö, jojodönö ojwenö ubu̧datobe. Ba̧jekwadö jo̧ba ö̧jobekwö 'ya̧nö atjebobe ojwenö ubu̧datobö— jö̧tja̧linobe Juan Ojwenö Bu̧dato̧ ömöayedöma.

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

Hechos 13:25

Ikenama, jo̧ba bu̧dato̧ Juanma, otidawatjöma ina ja'yubeda jwiena jojodönö jö̧ba̧lijetö, Ökwödöma ¿dakwö kwomukwataduwa ötjönöma? Jojodö tjö̧jibinö pjabato̧ma, Juanda, jö̧ba̧lö, ¿kwomukwataduwiji̧? Chömöledö, ötjömaökö, jö̧ba̧lö, yöbawijetö Juanma. Ja̧danö yöbawijetö, Tjö̧jibinö pjabato̧ma chökömanö ichakobe. Yelösöda ötjöma jo̧badanöma mikwawökösa. Bakwo̧ ömöayo̧, u̧kwa sapatu 'yo̧bebo̧nötjö o̧pekwönönö mikwawökösa ötjöma, jö̧ba̧lö. Jejenö yöbawijetö Juan Ojwenö Bu̧dato̧ma, tjö̧jibinö pjabato̧nöma— yöbawijetö Pabloma.