Lucas 20:1 - Dios Iwene

¹ Jesúsma Dios eju a̧petusȩko̧tjö jojodönö öba̧ja̧dinobe, ja̧danö otiwa jawa wene jojodönö yöawinobe. Ja̧danö, ju'wi möle jejenö yöawonö, Diostjö jojodötjö ö'weje pjabatadötjö la'aka tjuluwedöbi, Moisés iwȩyudina ba̧ja̧dadöbi, jojodötjö damöbi ichö Jesúsnö abebö tja̧ja̧kwinobe:

Lucas 20:1 Iomraidhean Croise

Mateo 26:55

Ikenama, Jesúsma jo̧banö do̧tjatobö ichajadönö abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧? Mölekwena Dios ejutjö ba̧nö jojodönö chöba̧ja̧dijatö. ¿Tajawedö jobetjö ötjönö do̧katinaduwöködaja̧?

Lucas 20:2

—Yöbawi ökwödönö, ja̧köbi̧ma, ¿ti weina ja̧köbobeba? ¿Ti ökwönö ujuninada, luwo̧ baibanö jejenö ja̧köboböma?— jö̧ba̧lö.

Lucas 8:1

Jemi ikena ja'yubenö lekwajabetjö, Jesúsma jamatö yöbawö kweachinobe ja̧ niji bakwameachibanö. Okobe jwiinö ja̧ niji comunidadtenia techaiabö, otiwa jawa wene Dios la'aka luwo̧ ö̧jakwa̧ wene kwebachö yöawinobe. Jejenö yöbawö kweachonö, Jesús webawedö a̧li̧nösamutjö duju̧tajabedöma Jesúskwö kwetjachinobe,

Juan 18:20

Jejenö aeba̧liökwe: —Ötjöma ba̧kwȩlö̧jatebö jojodö tjeda̧lonö yöbawiachijatö. Judío jojodö ba̧nö tja̧ja̧kwa̧leju okwa ja̧nö yötawijatö. Dios eju okwatjöbi ba̧kwȩlö̧jatebö yöbawiachijatö jojodö tjeda̧lonö. Ju̧kwawibö ja̧nöma yötawijökötö.

Hechos 4:1

Ja̧danö, Pedro, Juan, ina jojodönö yötjawonö, Diostjö jojodötjö ö'weje pjabatadöbi, saduceosbi, Dios eju te'ada̧ladö guardia tjuluwo̧bi Pedro, Juan yötjawobekwö 'yi̧jadötö.

Hechos 6:12

Ja̧danö, jejenö omöna yöbawö jwötjeba̧lobe a̧ja̧kwö jojodöma yelösöda labijadötö Estebannöma. Ja̧danö, damöbi, Moisés iwȩyudina ba̧ja̧dadöbi labijadötö, Estebannö jwötjeba̧lobe a̧ja̧kwö. Jo̧kwaobetjö̧ jobadöma Esteban ö̧jobekwö 'yi̧jadötö jo̧banö do̧tjatobö. Ichibö jo̧banö do̧batajadö öbibö e'ewö 'yi̧jadötö judío jojodötjö la'aka luwedö tjö̧jobekwö, jobadö tjöba a'o tjujunobö.