Lucas 2:40 - Dios Iwene

⁴⁰ Ja̧danö tjemuma öda̧peachinobe, ja̧danö ujuluwachibinobe, ja̧danö waisakwawa öwaisachibinobe, ja̧danö Diosma jo̧banö ösödö otiwanö pjaatinobe.

Lucas 2:40 Iomraidhean Croise

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Lucas 2:47

Jesús waisanö yöa̧liawö̧, okobe deinö jobe edajadöma tjöbajale jalaka baibanö tjomukwatinobe, Bite tjemuma ¿dakwö waisanö omukwato̧jö? ¿Dakwö waisanö atado̧jö? jö̧ba̧lö.

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Hechos 4:33

Ja̧danö, Duluwo̧ Jesús yöawina yötjawobö webawedöma jwiinö juluwi̧ i̧sebö yöbawiabijadötö, Jesús yemidanö 'yaibajina wenema. Ja̧danö, Diosma otiwanö ösödö pjabatijetö okobe deinö Jesúsnö ösödadönöma.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

2 Timoteo 2:1

Chitji̧danö chösödökwe Timoteo, Cristo Jesúsnö dötewanö kwö̧jiökwe, Diosma isabenö otiwanö lȩlö̧jinö iyökweja, jo̧kwajabetjö̧ baikwö wetakwö: Ja̧ Dios iyi̧tjö kwujuluwachibanö ja̧wi.

Jueces 13:24

Ja̧danö, Dios yöawaja̧danö, Manoa ilekwoma jitji̧nö jeminobe, ja̧danö jitji̧nö tjimidinobe Sanson jö̧ba̧lö. Ja̧danö, Sansonma otiwanö ö̧da̧peachinobe, ja̧danö Isabenö Jo̧ma otiwanö pjaatinobe Sansonnö.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.

1 Samuel 2:26

Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.

1 Samuel 3:19

Ja̧danö, jemi tupakwö Samuelma otiwanö ö̧da̧peachinobe, ja̧danö Isabenö Jo̧ma isabenö Samuelkwö ö̧jinobe. Ja̧danö Diosma isabenö pjaatinobe, okobe jwiinö Samuel yöawi̧danö badekwachinö baledobö, Samuel tupakwö baledakwa̧ jawa yöawi̧ma.