Lucas 2:4 - Dios Iwene

⁴ Ja̧danö, emperador jejenö weibiökwe, Joséma a'dömine David itebo comunidad Belenbe wȩyukwö i̧'yobö ji̧nobe, Joséma Davidmine itji̧ tupadanö jojoinobetjö̧. Jo̧kwajabetjö̧, itebo Galilea niji comunidad Nazarettjö labebö, Judea niji comunidad Belenbe i̧'yinobe jobetjö iwȩyukwobö,

Lucas 2:4 Iomraidhean Croise

Génesis 35:19

Jejenö wobijotö Raquelma, ja̧ mölema. Wobajujunö o̧tjijetö Efrata comunidad, babe mölȩ Belen mikwemi 'ya̧kwawama ö'öbö. Babebi ja̧ma mana Jerusalénbe dötewama.

Génesis 48:7

Ina yöbawijetö: —Chitji̧, kwojo'donö Raquelminenöma omukwatö kwi̧tji̧mu Efraínnö, Manasésnö 'da̧batö chujuna, ötjö chi̧tji̧mu̧, jö̧ba̧lö. Jobujuma ¡Ju'wedö ji̧tji̧munö 'yajebinowe! Damötjö, Mesopotamiatjö dȩwa̧jemi ja'ötjö jobujuma ö'wö bajibijatö, Canaán niji Efrata comunidad yö̧neawelö. Ö'wö bajibitjö̧ ¡chilekwowe! jö̧ba̧lö, jwiinö cho̧'wo tjo̧tekwijatö. Wobajunö jenada cho̧tjijatö, Efrata comunidad 'yakwawama ö'öbö— yöbawijetö Jacobma Josénö. Babe mölema ja̧ comunidadma Efrata, jö̧ba̧lö, ötjabokobe, Betél, jö̧ba̧lö ötjabobe.

Mateo 1:20

Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Lucas 2:5

ja̧danö metu'wo ju̧ju, tupakwö chemakwuju jö̧a̧linoko María mikwujunö öbibö jobe Belenbe i̧'yinobe.

Lucas 4:16

Jesúsma Galilea niji comunidadtenia yöbawö kweachinobe, ja̧danö ina tjemubayo̧ itebo Nazaret comunidadbe ichibenama, ba̧kwȩlö̧jatebö techaiadanö otikwökö möle judío jojodö ba̧nö tja̧ja̧kwa̧leju okwa teachinobe, ja̧danö Dios iwenesöja yöa̧lobö öjamatinobe.

Juan 1:46

Jejenö yöawökwe: —¿Dakwö baibajö?— jö̧a̧linobe Natanaelma—. Nazaretnöma jo̧kwadabedöda tjuju̧kwobe— jö̧a̧linobe. Ja̧ jö̧ba̧löma, Jobe jö̧kö̧ Moisés iwȩyudinökwema, Dios yöawi̧ yöbawinadö tjiwȩyudinökwema, jö̧ba̧lö, omukwatinobe Natanaelma. Jejenö jö̧a̧lökwe Felipema Natanaelnö öibinobe: —Kwedo ichi— jö̧ba̧lö. Ja̧danö, Natanaelma Felipekwö Jesús ö̧jobekwö i̧'yinobe.

Juan 7:42

Jejenö laebokobe Dios iwenetjöma. Jweinö yöawobe, Dios weakwo̧ma Davidtjö tupadanö jojo, jö̧ba̧lö. Jo̧kwaobetjö David itebo, Beléntjöda ichakwo̧, Dios weakwo̧ma— jö̧tja̧linobe ju'wedöma, Jesúsma Dios weiökökwe, jö̧ba̧lö.

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

1 Samuel 16:4

Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.

1 Samuel 17:12

Davidma Isai itji̧, ja̧danö Isaima Efrateo ötjabawö̧tjö bakwo̧. Ja̧danö, ju'wibi Juda niji comunidad Belen jojo. Isaima i̧tji̧mu ömadönö jelemutjö̧ wamedukwanö ujuna̧linobe, ja̧danö Saul ö̧jina möle, ida̧ökö pöe ö̧jinobe Isaima.

1 Samuel 17:58

Ja̧danö Saulma Davidnö abebö a̧ja̧kwinobe: —Möayo̧, ökwöma ti itji̧köba? —jö̧ba̧lö. Aebökwe, —Ötjöma kwömöayo̧ Belen jojo Isai mikwo̧ itji̧sa, —jö̧ba̧lö atadinobe Davidma.

1 Samuel 20:6

Ja̧danö, detiökwe, kwabe'doma, –Davidma daida, –jö̧ba̧lö abebö a̧ja̧kwitjö̧ma, jo̧banö yökawo baikwö: Davidma ötjönö aeba̧lajabe, itebobe Belenbe ȩwa̧jobö. Jobe Belentjö, o̧ba bakwabakwena Diosnö iyawa ba'ali tjujunobe ja̧danö jo̧babi ja̧ ba'ali ömöledökwö ukwobö aebajabe, ja̧danö aebi̧tjö̧ aebaja̧danö wetajabe, –jö̧ba̧lö kwatadonö.