Lucas 2:38 - Dios Iwene

³⁸ Ja̧danö, Simeón Jesúsnö ina yöawayi, jobuju Anama ichibö, Diosnö jösödinobe otiwanö pjabato̧ja jö̧ba̧lö. Jobe ju̧kwadötjö ju'wedöma Dios pjaatakwa̧ möle te'ada̧lö tjö̧jinobe, isabenö ökwödö Jerusalénnö ju̧kwadönö dö̧jibinö pjaatakwo̧ Diosma, jö̧ba̧lö. Ja̧danö, jobadö jejenö te'ada̧ladönö Anama yöjawinobe tjemunö, Diosma isabenö otiwanö ökwödönö pjaatajabe, jö̧ba̧lö.

Lucas 2:38 Iomraidhean Croise

Lucas 1:68

Isabenö Israel jojodö Duluwo̧ Diosnö dösödobö jo̧be, iteda ömöledönö otiwanö lȩlö̧jinö edinobetjö̧, ja̧danö tjö̧jibinö pjaatobetjö̧.

Lucas 2:25

Ja̧ mölema, bakwo̧ Simeón mikwo̧ma Jerusalénnö ö̧jinobe. Jo̧bama otiwanö ja̧bö ö̧jinobe, ja̧danö jwaikwöda Diosnö ösödö ö̧jinobe. Ja̧danö Dios weakwo̧ jö̧a̧linökwenö ösödinö te'ada̧lö ö̧jinobe, Juluwanö ichowe, juluwanö ökwödö Israel jojodönö dö̧jibinö pjaatowe, jö̧ba̧lö. Dios O̧'wo̧ Luwo̧ma Simeonkwö ö̧jinobe,

Lucas 2:36

Ja̧danö, Dios yöawi̧ yöbawadötjö jelujubi Dios ejunö jö̧jinobe, Ana mikwujuma. Jobuju Anama Israel jojodötjö ajayinö ji̧na Aser mikwo̧ itjiju tupadanö jojosuju jö̧jinobe, Fanuel mikwo̧ itjitju, ja̧danö jilekwe wobekwinuju. Ajayinöma jobujuma jilekwenö jemaja̧ ikena jelemutjö döbalataja o̧biya jilekwenö jö̧jinobe, jilekwe woenanö kabatö. Jemi ikenama jilekwe woaja̧ ikenama jo̧dawa'ye jö̧jinobe, jwiinö pöo ochenta y cuatro o̧biya jujuna̧lenanö kabatö. Jobujuma kabatökönö Dios ejutjöda jö̧jinobe, ja̧danö kabatökönö mölebi, yö̧tebi Dios ejutjö ju̧kwa ö̧tö̧chö Diosnö abebiajinobe, Diosnö ösödö.

Lucas 24:21

Jo̧ba Jesúsnö ösödö do̧'wo̧ döwana̧lijatö, Bitedaena Israel jojodö dö̧jibobö Dios yöbawö ujuninökwema, jö̧ba̧lö. Jo̧kwaijayonö, jejenö dösödijayonö, waekwijatö, bitedaena jö̧ba̧lö ajayinö domukwatijayonö, jo̧banö kwabö lotjinobe. Ja̧ okobe jwiinö belö baledinobe, ja̧danö ja̧ ikena ida̧ökö wa̧pötakwa möle baibajabe. Jejenö belö baledinobe, jo̧kwaijayonö ja̧damaökö,

2 Corintios 9:15

Jau chömöledö, isabenö otiwanö pjabato̧ Diosma ökwödönö, Diosnö dösödaduwo, isabenö otiwanö iyinobetjö̧. Jau chömöledö, ja̧ Dios otiwanö iyina labebö lodobö jö̧da̧litjö̧ma waekwena, diwenenö ja̧jaye otiwi̧ yöda̧lobö waekwobetjö̧.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.