Lucas 2:14 - Dios Iwene

¹⁴ —Mölejȩbe jo̧ Diosnö jwiinö tjösödobö jo̧be, ja̧danö böjȩtjö jojodö Dios o̧'wo̧ ösöwanö edawö̧ma wene jwiinö tjö̧jakobe— jö̧ba̧lö yötja̧linobe.

Lucas 2:14 Iomraidhean Croise

Isaías 44:23

Mölȩjȩbe ji̧bi, bö̧jȩ teebe ji̧bi, mösa'ijubi, tebobi, towibiyabi, o̧'wo ösöwachibanö jwöeba̧lobö jo̧be, Isabenö Jo̧ pjaatajobetjö̧. Jau, Isabenö Jo̧ma otiwanö tjöbeba̧lö pjabato̧ Jacob itji̧mu tupadanö jojodönö, ja̧danö Israel niji ba̧kwemeachibanö iteda dejatinö ujulu otiwanö i̧sȩbo̧.

Isaías 49:13

Jobekwö otiwanö baledobetjö̧, mölejȩbi o̧'wo ösöwachibanö jwöeba̧lobö jo̧be, ja̧danö bö̧jȩbi o̧'wo ösöwachibobö jo̧be, ja̧danö mösa'iju lo̧obö jo̧be, Isabenö Jo̧ma iteda ömöledönö pjaatobetjö̧. Jau, Diosma iteda ömöledö israel jojodönö tjo̧'wo ösöwachibanö pjabato̧, ja̧danö iteda ömöledötjö usula emawadönö, lȩlöinö edakwo̧, jö̧ba̧lö laebobe Dios yöa̧li̧ma.

Isaías 57:19

Jau, otiwanö tjo̧'wo ösöwachibanö pjatatocha, tjo̧'wo ösöwachibanö ötjönö lo̧tjenanö baibanö. Ötjö Isabenö Jo̧ma baikwö yöta̧la: Chö̧jelö ödö ju̧kwadönöbi, yöne ju̧kwadönöbi, okobe deinö chömöledönö jobekwö pjatatakwo̧sa, wene jwiinö otiwanö tjö̧jakobetjö̧, ja̧danö tjö̧bibajinö otidö lotocha.

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Lucas 1:79

yȩa'wo okwa ju̧kwadö woawa juluwawö̧nöma dewinö idejatobö, ja̧danö wene jwiama mana i̧sebobö, wene jwibö ja̧ mananöda otiwanö kwedachakobetjö̧, jö̧ba̧lö yöawinobe Zacaríasma itji̧ Juannö, tupakwö baledakwa̧ yöbawö.

Lucas 19:38

—Isabenö o̧'wo̧ ösöwanö jo̧ bite La'aka Luwo̧, Duluwo̧ weökwe icho̧ma. Bite ichobetjö̧ mölejȩbetjö wene jwiobe, jo̧kwajabetjö̧ mölejȩbe jo̧ Diosnö dösödaduwo— jö̧ba̧lö jwötjeba̧linobe.

Lucas 2:13

Ja̧danö, jejenö yöbawö kaatenama, juluwanö jo̧bakwö yelösöda ba̧jekwadö ju'wedö Dios ömöayedö ángelesdöbi tjöwawachibinobe, ja̧danö Diosnö ösödö baikwö yötja̧linobe:

Lucas 2:15

Jemi ikenama ángelesdö mölejȩbe tjȩwa̧jinobe, ja̧danö tjȩwa̧ja ikena, o̧bȩja̧dönö te'ada̧ladöma yötja̧lakwawinobe baikwö: —¡Belenbe 'ya̧nö dedajaduwo dakwö baledajobö jö̧ba̧lö! Duluwo̧ ökwödönö yöawaja̧ baledi̧ma dedajaduwo— jö̧ba̧lö.

Lucas 3:22

Ja̧danö Dios O̧'wo̧ Luwo̧ma atji̧onö yunukodanö ichejekwo̧ jwibachibö Jesúsnö öwamatinobe, ja̧danö ju'wibi mölejȩbetjö iwene ökwöinobe, Ökwöma chösödökwe chitji̧ja, cho̧'wo̧ ösöwanö chösödobe ökwönö, jö̧ba̧lö.

Juan 14:27

Chi̧'yajabe okobema kwo̧'wo̧duwi ösöwanö kwö̧jaduwobö pjatatakwo̧sa. Jejenö pjatati̧ma kwo̧'wo̧duwi ösöwanö kwö̧jaduwobö pjatati̧, böjȩ jawamaökö. Tjo̧'wo̧ luwo̧ okwa jawa, ba̧kwȩlö̧jatebö ji̧ jawama. Chöba̧ja̧di̧ waisachadö, kwo̧'wo̧duwi tjo̧kekwaduwa, ja̧danö yekabiduwa.

Juan 17:4

Ötjöma böjȩnö ja̧nö ökwö kwotiwi̧ma chi̧sebijatö. Ja̧danö, ökwö weköbina okobe jwiinö chotidijatö.

Juan 3:16

Diosma okobe deinö böjȩnö ju̧kwadönö jwiinö ile niebobetjö̧ itji̧nö iteakwo̧nöda weinobe böjȩkwö. Ja̧danö, itji̧ iteakwo̧nö weinobe, jo̧banö ösödadöma, Bitema dö̧jibinö pjabato̧, jö̧ba̧lö, ba̧kwȩlö̧jatebö tjuju̧kwobö Dioskwö. Ja̧danö, jobadönö Dios lȩebi̧tjö baledökönö ba̧kwȩlö̧jatebö tjuju̧kwakwedö Dioskwö.

Hechos 10:36

Kwöwaisaduwa, Diosma yöbawijetö iteda otiwa jawa wene ökwödönöda, Israel jojodönöda. Ja̧ wenema, okobe jwiinö Duluwo̧ Jesucristo ö̧jina wene. Jesucristo, ökwödö Dioskwö otiwanö dichibanö pjaatina wene, ja̧ wenema.

Romanos 5:1

Ja̧danö, ökwödö Jesúsda dö̧jibinö pjabato̧, jö̧ba̧lö dösödiökwe, Diosma jö̧a̧linobe, Chedemi bidöma suli̧ jwibadö, jö̧ba̧lö. Jejenö jö̧a̧linobetjö̧, wene jwibadö otiwanö dö̧jobe Dioskwö. Ja̧ wene jwibadö dö̧ji̧ma, Duluwo̧ Jesucristoda ja̧ina.

Efesios 1:6

Jo̧kwaobetjö̧ iteda i̧tji̧mu badibinobetjö̧ dösödonö, Lȩlö̧jino edo̧, jwiinö otiwo̧, jö̧ba̧lö. Chömöledö ökwödöma Jesúskwö, Dios Itji̧ ile niebökwekwö, dötewinö badibinobetjö̧ Diosma ökwödönö jwiinö lȩlö̧jino edobe.

Efesios 1:9

Ja̧danö, ajayinö omukwatö ösödinama tojö ujuninajayonö babema ökwödö do̧'wo̧ luwo̧ okwanö döwaischibanö i̧sebinobe Diosma, Cristonö dö̧jibanö pjaatobö weinanöma. Jejenö i̧sebinobe Diosma, ökwödönö i̧sebobö ösödobetjö̧.

Efesios 2:4

Jejenö Diostjö 'da̧bachibö dö̧jonöbi Diosma ökwödönöma jwiinö lȩlö̧jino edinobe chömöledö. Isabenö, jwiinö ile nibebo̧ Diosma ökwödönöma. Jo̧bama ökwödönö lȩlö̧jino edö, jwiinö ile niebobetjö̧

Efesios 2:7

Jejenö ja̧bijetö Diosma ba̧kwȩlö̧jatebö i̧sebobö iteda jwiinö otiwanö pjaatinama ökwödönö, mikwa jwiinö iyö, Cristo Jesúsnö weinama.

Filipenses 2:11

bȩbachibö öwaetjöda yötjawakwedö, Jesucristoma inesö la'aka luwo̧ jö̧ba̧lö, ja̧danö jejenö yötjawi̧ma, öwaetjöda i̧sebakobe, Abe'do Diosma isabenö otiwanö ja̧bo̧ jö̧ba̧lö.

Filipenses 2:13

Jau chömöledö, Diosma ba̧kwȩlö̧jatebö ökwödönö otido̧, jo̧ba ösödi̧danö kwösödaduwakobetjö̧, ja̧danö jo̧ba ösödi̧danö ja̧köbaduwakobetjö̧.

Colosenses 1:20

ja̧danö Diosda omukwatö ujuninobe, iteda Itji̧ Cristonötjö okobe deinö mölejȩbe ju̧kwadöbi, böjȩnö ju̧kwadöbi yemidanö Dioskwö tjichibanö ja̧obö, ja̧danö iteda Itji̧ towisa'onö ja̧nö ökwösobu ebawinö woinobetjö̧ Diosma jo̧bakwö wene dujuna̧li̧ söbebö loinobe.

2 Tesalonicenses 2:16

Chömöledö, Dabe'do Diosma otiwa jawa mikwa jwiinö iyö ökwödönö ile niebinobe, ja̧danö ba̧kwȩlö̧jatebö do̧'wo̧ ösöwachibanö pjaatinobe, ja̧danö jo̧banö otiwanö do̧'wo̧ döwana̧lobö pjaatinobe. Jo̧ba Dabe'do Diosbi, Duluwo̧ Jesucristobi

Apocalipsis 5:13

Jemi ikenama cha̧ja̧kwijatö okobe deinö, mölejȩnö ju̧kwadöbi, böjȩnö ju̧kwadöbi, böjȩ teebe ju̧kwadöbi, ojwe nöödö okwa ju̧kwadöbi, inesö ba̧kwawakanö bo̧nöbi, Obeja Itji̧danö Jo̧nöbi ösödö lo̧tji̧ma. Biya̧ lo̧awa lo̧tji̧ma cha̧ja̧kwijatö: Ösödö lo̧daduwo inesö ba̧kwawakanö bo̧nöbi, ja̧danö, obeja itji̧danö jo̧nöbi. Dösödodönö, Jwiinö otiwadöja, jwiinö mikwawadöja, jö̧ba̧lö. Jwiinö dewinö dejatadöja, jwiinö juluwadöja, jö̧ba̧lö, dösödodönö, jö̧ba̧lö lo̧tjijatö.