Lucas 19:41 - Dios Iwene

⁴¹ Ja̧danö, Jerusalén comunidad yöneawobe ichibö, comunidad edenama, Jesúsma Jerusalénnö ju̧kwadönö o̧'wo̧ tjo̧achö ubudekwinobe, baikwö yöba̧lö:

Lucas 19:41 Iomraidhean Croise

2 Reyes 8:11

Ja̧danö, yöba̧lajo̧, jweinö Hazaelnö eda̧linobe, Hazael ötabakwenanö baibanö, ja̧danö Hazaelnö eda̧lö ubudekwinobe Dios yöawi̧ yöbawo̧ Eliseoma.

Isaías 22:4

—Jobekwö baledinobetjö̧, jwiinö o̧'wo tjo̧acho̧sa, ja̧danö cho̧'wo ösöwachibobö pjatjatotö jö̧ba̧ladönö yöba̧lo̧sa: –Ötjönö edökönö, jelobekwö jalachibi. Jwiinö o̧'wo tjo̧achö cho̧'wo suli̧ budekwo̧sa, cho̧'wo ösöwachiboböma pjabatökönui. Jau, chömöledö, tjöekwa jwibadönö söbebö lotjajabe, jo̧kwajabetjö̧ 'wainö chubudekwobö jo̧be, –jö̧ba̧lö yöba̧lo̧sa.

Isaías 28:21

Diosma isabenö a̧la̧ibö ölakwabikwawakwo̧, damötjö Perazim mösa'otjö ölakwabikwawinadanö, ja̧danö Gabaon wabekotjö ölakwabikwawinadanö ölakwabikwawakwo̧. Iteda otidobö jö̧a̧li̧ jawa otidakwo̧, jojodö tajijö jö̧ba̧lö wajwitji̧ jawa otidakwo̧. Jau, iteda omukwatö ujunina, jojodö wajwitji̧ jawa otidakobetjö̧, jobekwö a̧la̧ibö ölakwabikwawakwo̧ Isabenö Jo̧ma, —jö̧ba̧lö laebobe Dios yöawi̧ma.

Lucas 19:42

—Ayö, ökwödö Jerusalénnö ju̧kwadöwe. Isabenö kwo̧'wo̧ ösöwanö wene jwiinö kwö̧jaduwobö ji̧nobe, ja̧danö babebi otiwanö Dios pjaati̧ edö kwöwaisachibaduwitjö̧ma otiwo jö̧a̧lena. Jo̧kwaijayonö kwöpöjödaduwobetjö̧ Dios pjaati̧ma tojawobedanö ichejekwa, waisachibö kwö̧jibaduwapji jö̧ba̧lö.

Juan 11:35

Ikenama Jesúsma ubudekwinobe.