Lucas 19:4 - Dios Iwene

⁴ Jo̧kwajabetjö̧, abönö ö'öbakwawö, Jesús i̧'yakwa̧ma ö'öbösowi sicomoro towi önöchinobe Zaqueoma, Jesús öbaledena otiwanö jo̧banö edobö.

Lucas 19:4 Iomraidhean Croise

1 Reyes 10:27

Ja̧ möle la'aka luwo̧ Salomonma yelösöda nöinö plata ichejebinobe, ja̧danö nöinö ichejebinobetjö̧, inawiya ba̧jȩkwi̧danö ba̧jȩkwinobe platama, platama ile seinö baibenanö kabatö. Ja̧danö ju'wibi, jwiinö nöinö cedro towi okwi'iju jelobetjö ichejebinobetjö̧, a̧dekwanö Juda niji ba̧ba̧lawobe pokwi̧ sicamoro towi okwi'iju ba̧jȩkwi̧danö, cedro okwi'ijubi ba̧jȩkwachibanö ichejebinobe. Ja̧ jawa nöinö mikwawijayonö, nöinö mikwawökö ji̧danö ichejekwinobe, Salomonma isabenö nöinö ujuna̧linobetjö̧.

1 Crónicas 27:28

Geder comunidad jojo Baal-hanan mikwo̧ma la'aka luwo̧ David itea olivo towibiyabi, sicomoros towibiyabi teada̧lakwawa luwo̧ ö̧jinobe. Joas mikwo̧ma olivo o̧te teada̧lakwawa luwo̧ ö̧jinobe.

Isaías 9:10

Bloketjö otikwejubiya meijayonö, wene jwia, o̧penönö otiwejubiya dotidakwedösa. Bloke ji̧nemi, inawiya nöinö mikwawawa dotidinawatjö balekwejubiya dotidakwedösa, ajayitjö bajalekwönönö otiwejubiyama. Ja̧danö ditebotjö pokwina towibiya sicamoro towibiya juwö lotjinajayonö, wene jwiya, ja̧ towibiya ji̧nemi bajalekwönönö otiwowibiya Cedro towibiyada dujunakwedösa, —jö̧ba̧lö sulabenö tjomukwati̧ balewachökönö yöba̧ladö.

Lucas 17:6

Atjebökwe Jesúsma atadinobe: —Otiwanö kwösödaduwo jö̧ka̧laduwi̧ma, jwaikwöda wainö omukwatökönö Dios yöawi̧ kwösödaduwobö jo̧be, isabenö Dios yöawaja̧danö baledakobe jö̧ba̧lö. Mostazasadedanöbedö kwö̧jaduwo chömöledö. Baikwö wanedö yötawa: Mostazasadema jwiinö ja'yuwadejayonö, Dios pokwobö wei̧ jwaikwöda ösödobedanö ichejekwa, ja̧danö jejenö ösödö ja'yuwadejayonö nöowi baibanö pokwobe, ¿jö̧tö? Ökwödöbi ja̧danö chömöledö, jwaikwöda Dios yöawi̧ kwösödaduwobö jo̧be, ja'yubebi wainö omukwatökönö. Jau chömöledö, wanedö yötawa: Kwöwaisaduwena, Diosma bowi yeawajobö weobö jö̧a̧la, ja̧danö ötjönötjö jowi yeawajobö weobö jö̧alobe jö̧ba̧lö kwöwaisaduwena. Jejenö kwöwaisaduwitjö̧ma, jowi yeawajobö weköbaduwobö jȩna, Aaa, yeawajökena, jö̧ba̧lö ja'yubebi omukwatökönö. Ja̧danö chömöledö, jejenö Dios yöawi̧ ösödö, isabenö Dios weti̧danö ja̧akwo̧ jö̧ba̧lö kwösödaduwitjö̧ma, isabenö weköbaduwi̧danö baledakobe, towi 'diinö ji̧jayonö, weköbaja̧danö towi yebawajö, ojwe okwa doibajakobe— jö̧ba̧lö atadinobe Jesúsma.

Lucas 19:3

Jo̧ba Zaqueoma Jesúsnö edobö jö̧a̧linobe, jo̧kwaijayonö jojodö tjöba̧jekwobetjö̧, ja̧danö Zaqueoma pebo̧obetjö̧ waekwinobe.

Lucas 19:5

Ja̧danö, jobe ichibenama, Jesúsma möakwö edö Zaqueonö yöa̧linobe: —Zaqueo, babe möle ökwö kwejunö chö̧jobö jo̧be, jo̧kwajabetjö̧ juluwanö yutubaji— jö̧ba̧lö.

Lucas 5:19

Jesús öba a'o tjujunobö tjichejebijayonö, jojodö yelösöda tjöba̧jekwinobe, Jesús öba a'o tjichibökenanö. Jejenö jojodö tjöba̧jekwiawö̧, mö nöchö, o̧do wa̧pekwobenö sobö, tjömöledöso̧nö kamapjonö bo̧nö jwibatö, jojodö tjö'da̧de Jesús öba a'o öbamatobö tjödinobe.