Lucas 19:20 - Dios Iwene

²⁰ Ja̧danö ömöayedötjö jelo̧bi ichö yöawinobe: Chuluwo̧, kwiyinapi̧ma bipi̧da. Jwiapji jö̧ba̧lö, kamijido̧nö jwabö chotojijatö,

Lucas 19:20 Iomraidhean Croise

Mateo 25:24

Jemi ikenama mil iyinökwebi ichö, iteda uluwo̧nö yöawinobe: Chuluwo̧, ökwönö chöwaisijatö, isabenö labinö webo̧ja jö̧ba̧lö. Jau chuluwo̧, ökwönö chöwaisijatö, batjo kwotidinököyutjö, wa̧ji̧ emo̧ja jö̧ba̧lö, ja̧danö trigosade kwikwinököyutjö, trigo wa̧ji̧ emo̧ja jö̧ba̧lö chöwaisijatö.

Lucas 19:13

Ja̧danö, i̧'yakwa̧ abönö, iteda ömöayedötjö domulatajabedönö jwöinobe, ja̧danö jobadönö bakwo̧nökwena iyinobe, nöinö mikwawapi̧ baladasapi̧ bakwapi̧kwena. Ja̧danö iyö weinobe: Biya̧ baladanö otidaduwi, chȩwa̧jenama ja̧tjö bajalekwönönö chujuna̧lakobetjö̧, jö̧ba̧lö. Ja̧danö webajo̧ laebinobe.

Lucas 19:19

Yöawökwe, uluwo̧ma atadinobe: Otiwanö kwotidajabe, jo̧kwajabetjö̧ ökwönö chujunocha, bakwamu jawa comunidad jojodö tjuluwo̧ bakibanö, jö̧ba̧lö.

Lucas 19:21

chuluwo̧ma labinö webo̧ jö̧ba̧lö ökwönö yetabobetjö̧. Jau chuluwo̧, ökwönö chöwaisijatö, kwödinökö jawatjö emo̧ja̧ jö̧ba̧lö, ja̧danö batjo kwotidinököyutjö, wa̧ji̧ emo̧ja jö̧ba̧lö, jo̧kwajabetjö̧ yebabinö tojö chotojijatö kwiyina baladasapi̧ma, jö̧ba̧lö yöawinobe ömöayo̧ma.

Lucas 3:9

Dios lȩebakwa̧ma isabenö yöneawachibobe. Baikwö wanedö yötawa: sulabenö tjomukwati̧ kabatibö balewachöködöma, towi wa̧jokowi ji̧danöbedö, ja̧danö Dios lȩebakwa̧'a o̧to̧mö'ama, juluwanö wa̧jokowi la'aka jubö loakwa̧'ama jo̧be. Ja̧danö, okobe jwiinö wa̧jokowibiyama, Diosma jubö ko̧ko̧dibö ökwölanö ujuwakobe— jö̧ba̧lö wanedö yöawinobe Juanma.

Lucas 6:46

Tupakwö yöawinobe Jesúsma: —Chömöledö, ökwödöma ötjönö duluwo̧ jö̧ba̧lö öbabidöja ötjönö, ¿jö̧tö? Ja̧danö, jejenö duluwo̧ jö̧ba̧lö ötjönö ökabiduwitjö̧ma, ¿tajawedö yötawi̧danö ja̧bö kwö̧jaduwokobeda? Isabenö yötawi̧danö ja̧bö kwö̧jaduwobö jo̧be.

Juan 11:44

Jejenö jwöökwe jo̧ba ö'wö babibinama laebinobe ömamijubi ömasapiyabi öbabi kamijido̧ jwabawo̧da. Jesúsma jenada ju̧kwadönö weinobe: —Ejatö lobaduwinö icho— weinobe.

Juan 20:7

Ja̧danö, jele'wobi ja'yuwa'wo edinobe, Jesús uunö jwatjebina'woma. Ja'woma wainö, melebö lödawa'woda wi̧nobe.

Santiago 4:17

Jo̧kwaobetjö̧ chö̧ja̧wo̧dö, yötawaduwakwö. Bakwo̧, otiwanö ja̧bö ö̧jobö waiso̧ma, otiwanö ja̧bö ö̧jobö jo̧be. Isabenö öwaisobe böjanö yötawaja̧, Dios jo̧ba ö̧jobö ösödi̧ma. Jo̧kwaijayonö jo̧bama Dios otiwanö ja̧bö ö̧jobö wei̧ öwaisijayonö jelobekwö omukwatö sulabenö ö̧jitjö̧ma, jo̧bama yelösöda sulabenö ja̧obe, jweinö öwaisijayonö jelobekwö omukwatö i̧'yobetjö̧.